Exutu 17:2 - Ritonõpo Omiry: A Bíblia Sagrada na língua Aparai do Brasil

² Tykerekeremase ropa Moeze eya xine: — Tuna ekaroko yna a, yna okurume, tykase toto. — Oty katohme ykerekeremãko matou? tykase Moeze. — Oty katohme Ritonõpo kuhnõko matou?

Exutu 17:2 ပူးပေါင်းရင်းမြစ်များ

Saumu 106:13

Yrome axĩ tuenikehse ropa toto inyrihpyry poko, tamoreme tyriry se toehtoh tyrise eya xine, aomiry oneraximara toh kynexine.

Saumu 106:14

Typenetatoh se toehse toto ona po, ahno esao pyra, Ritonõpo tukuhse eya xine.

Saumu 78:18

Typoe xine Ritonõpo tukuhse eya xine, tõsẽ poko typenetatohkõ tokaropose eya xine.

Saumu 78:41

Tuhke rokẽ tukuhse ynororo eya xine, tãkye pyra Ritonõpo, Izyraeu tõ Esẽ Kurã, tyripose eya xine.

Saumu 78:56

Yrome Ritonõpo tukuhse eya xine, Tosẽkõ Imehxo Exikety turumekase Izyraeu tomo a. Inyripohpyry omipona pyra toehse toh kynexine,

Saumu 95:8

“Putuhtome exiketõ sã pyra ehtoko, atamurukõ ehtopõpyry sã pyra Meripa po, Masa po ona tonorẽ po.

Saumu 95:9

Moroto atamurukõ jukuhne toto, tyehno xine jehtohme. Yjamitunuru tonese tyya xine ahtao ro jukuhne toto. Onymoipyra toh kynexine.

Exutu 15:24

Tykerekeremase toto Moeze netaryme; tõturupose toto: — Oty ẽnõko ynanae? tykase toto.

Exutu 16:8

Tõturuse ro Moeze eya xine: — Ritonõpo Oesẽkõ Mokyro tõsẽ ekaroneme kokonie pukuro te, wyi ekaroneme roropa pakeimo, õmihpyrykõ totase eya exiryke ikerekeremaryhtao oya xine. Yna kerekeremaryhtao oya xine Ritonõpo kerekeremãko matose.

Exutu 17:7

Mame moroto tosehpase eya xine Masame te, Meripame roropa, moroto Moeze tykerekeremase Izyraeu tomo a exiryke. Ritonõpo tykerekeremase roropa eya xine. Ynara karyke Ritonõpo tukuhse eya xine: — Ritonõpo kymaro xine nae? Otarame kymaro xine pyra mana, karyke eya xine.

Exutu 5:21

Ynara tykase toto: — Onyrirykõ enẽko Ritonõpo mana. Awãnohtorỹko mana. Opokoino xine yna zehno tuisa mana, ipoetory tõ roropa yna zehno mã toto. Opokoino xine yna orihmapõko mã toto.

Izaja 7:12

Yrome ynara tykase Akaze: — Enetupuhpotoh onekaropopyra ase Ritonõpo a. Kuesẽkõ kukuru se pyra ase.

Marakia 3:15

Ynara enẽko ase: epyrypaketõ tãkye mã toto. Popyra exiketomo a emero kure rokẽ exĩko mana. Ritonõpo omipona pyra aexityã onuãnohpyra Ritonõpo mana,” ãko matose.

Numeru 14:2

Moeze tõ tykerekeremase nexiase Arão maro. Ynara tykase toto: — Kurehxo exiry toorihse kuahtao xine Ejitu po, sero ona tonorẽ po roropa!

Numeru 14:22

mokaro orutua kõ emero eporehkara mã toto moro nono pona. Ysaerehkatoh tonese eya xine, yjamitunuru roropa Ejitu po ona po roropa repe. Yrome jukukuase toto 10me, penekehpyra jexiry tukuhse eya xine, jomiry omipona se pyra toexirykõke.

Numeru 21:5

Ritonõpo tykerekeremase toto a, Moeze tykerekeremase roropa eya xine, ynara tykase toto: — Oty katohme Ejitu poe tonehse yna Ritonõpo a, Moeze a roropa? Kuorihtohkõme sero ona tonorẽ po, wyi pyra ehtoh po, tuna pyra roropa ehtoh po? Typenekehse sytatose sero tonahsẽ xihpyry poko!

Mateu 4:7

Yrome ynara tykase Jezu eya: — Arypyra. Ynara ãko Ritonõpo omiry roropa: “Oesẽkõme Ritonõpo exiryke, onukuhpyra ehtoko ipunaka,” ãko Ritonõpo omiry, tykase Jezu.

Ruka 15:12

Morarame akomihpyry ynara tykase tumy a: “Papa,” tykase. “Jũme rokẽ kymõkomohtoko orihpyra ro awahtao,” tykase ynororo tumy a. — Mame jũkomo a tymõkomory tapiakase typoenõ mõkomoryme asakoro ro. Typyne exiketõ tokarose eya xine.

Ruka 4:12

Morarame Jezu a tozuhse. Ynara tykase: — Arypyra. Ynara ãko Ritonõpo omiry: “Oesẽkõme Ritonõpo exiryke onukuhpyra ehtoko ipunaka,” ãko, tykase Jezu eya.

Atos 15:10

Naeroro oty katoh Moeze omihpyry omipona Jezu poetory tõ rĩko matohu? Pakatokõ Moeze omihpyry omipona pyra toh kynexine. Kymarokõ roropa aomihpyry omipona ehsaromepyra sytatose, tykase Peturu eya xine.

Atos 5:9

Morarame Peturu a tozuhse. Ynara tykase ynororo: — Oty katoh moturutou onio maro: “Senekunohne,” mykã onio a? Yrome Ritonõpo Zuzenu oenetou. Eneko pahne moxiã, onio ekepyry zonemyhpõkõ noehno ropa toto tapyi eutary pota taka. Oekepyry arõko roropa toh mana zonẽtohme, tykase Peturu eya.

1 Korĩtiu 10:9

Kytamurukomo a Ritonõpo tyenonohse. Tykerekeremase toto a. Ynara tykase toto Ritonõpo poko: “Kypyno xine Ritonõpo mana. Kuãnohpyra xine mana iirypyryme kuahtao xine ro,” tykase toh repe. Mame tyyrypyrykõ poko toehse ahtao okoi tyripose Ritonõpo a toto esekatohme, tuhke. Naeroro Kuesẽkõ onyenonohpyra sehtone.

Teuteronomiu 6:16

— Ritonõpo Oesẽkõ onukuhpyra ehtoko, ikuhtopõpyry sã oya xine Masa po.

Teuteronomiu 9:22

— Ritonõpo tykerekeremase ropa oya xine ozehno xine aehtohme Tapera po te, Masa po te, Kiporote-Ataawa po roropa.

Epereu 3:9

Moroto atamurukõ jukuhne toto, tyehno xine jehtohme. Yjamitunuru tonese tyya xine ahtao ro jukuhne toto.

1 Samueu 8:6

Yrome morara kary etaryke tyya tãkye pyra toehse Samueu. Naeroro tõturuse ynororo Ritonõpo a.