Exutu 16:4 - Ritonõpo Omiry: A Bíblia Sagrada na língua Aparai do Brasil

⁴ Ynara tykase Ritonõpo Moeze a: — Seromaroro wyi enehpõko ase kapu ae konopo samo. Ahno tũtãko mã toto tytapyĩkõ tae kokoro rokene tynapyrykõ anỹtohme ipune xine ehtohme. Morarame toto kuhnõko ase, jomiry omipona toto ehtoh waro jehtohme.

Exutu 16:4 ပူးပေါင်းရင်းမြစ်များ

Neemia 11:23

Tuisa konõto nyripohpyry nexiase, imoihmãkõ akorehmananõ atakenaka etyorõmãko mã toto kokoro rokẽ eremiatoh poko, Ritonõpo eahmary poko Itapyĩ tao.

Neemia 9:15

Omise toehse toto ahtao, kapu ae tonahsẽ menehpoase inapyrykomo, topu poe tuna tutũtanohpose oya tutunazehnase toto ahtao. Tynonorykõ tapoipose oya tosarykõme, õmihpyry ae ro, itamuru tomo a.

Neemia 9:20

Ouzenu kurã mekaroase eya xine toto amorepaneme zae ehtoh poko toto ehtohme; Tonahsẽ manã mekaroase eya xine tuna roropa tutunazehnase toto ahtao.

Saumu 105:40

Tokaropose eya xine, mame aramixi panõ tonehpose Ritonõpo a, kapu poe wyi panõ tokarose eya xine, emitapãpyra toto ehtohme.

Saumu 78:23

Mãpyra tõturuse Ritonõpo akuru htae kapu a kaino toto epoe, omõtoh totapuruhmakase eya kapu aka.

Exutu 15:25

Jarao tõturuse Moeze yronymyryme Ritonõpo a takorehmatohme. Mame wewe zokonaka tonepose Ritonõpo a eya. Moro wewe tõmase eya ahtao tuna kuaka, tuna kure toehse toto okurume. Moroto tõmihpyry tokarose Ritonõpo a eya xine, Aomipona toto ehtohme. Moroto tukuhse roropa toto Ritonõpo a.

Exutu 16:15

Moro eneryhtao Izyraeu tomo a zuaro pyra toh kynexine. Tõturupose toto oseya xine: — Otyhkoh seny? tykase toto. — Sero Ritonõpo nenehpohpyry anapyrykõme, tykase Moeze.

Porowepio 30:8

Ajohpe pyra kyripoko te, tymõkomoke itamurume jyripyra exiko, tymõkomoke pyra jyripyra roropa exiko. Tonahsẽ ipune ehtoh rokẽ ekaroko ya isene jehtohme.

Mateu 6:11

Seroae yna zoty ekaroko yna a.

Ruka 11:3

Yna nykyryry ekaroko yna a kokoro rokene.

1 Korĩtiu 10:3

Ritonõpo nenehpohpyry kapu ae tonahse eya xine emero porehme.

Teuteronomiu 8:16

Anapyrykõme manã tokarose eya, oya xine, moro waro pyra atamurukõ nexiase. Morohne tyrise eya epyrypara oehtohkõme, tukuhse mexiatose eya, kure rokẽ oritohkõme imeĩpo.

Teuteronomiu 8:2

Wenikehpyra ehtoko aarotopõpyrykõ poko Ritonõpo a ona tonorẽ poro 40me jeimamyry ae. Oytorykohtao epyrypara tyripose mexiatose eya. Tukuhse roropa mexiatose eya awaro xine toehtohme tõmiry omipona oexirykõ waro toehtohme, inyripohpyry tõ roropa oya xine omipona oexirykõ waro toehtohme.

Jozue 24:15

Yrome Ritonõpo poetoryme se pyra awahtao xine, imenekatoko seroae ro onoky omipona exĩko matou? Jũme rokẽ imenekatoko: atamurukõ neponãmarykõ, ineahmatyã Mesopotamia nonory po te, amoreu tõ neponãmarykõ sero nono po, oesarykõme toehse seromaroro. Yrome ywy, ytapyĩ taõkõ maro, Ritonõpo Kuesẽkõ omipona exĩko ynanase.