Exutu 15:6 - Ritonõpo Omiry: A Bíblia Sagrada na língua Aparai do Brasil

⁶ Ritonõpo, jamihmehxo oemary apotunuru wino mana, osenuruhkãko ynanase oepetõkara etohtohkary eneryke yna a.

Exutu 15:6 ပူးပေါင်းရင်းမြစ်များ

Izaja 51:9

Apakako Ritonõpo, yna akorehmako! Ajamitunuru ke yna ipynanohko, onyrihpyry sã pake ahtao, yna tamuru tõ isene ahtao. Oya ihpory Raape tysahsahkase tuna konõto kuao, mokyro totapase oya.

Saumu 60:5

Yna ipynanohko ajamitunuru ke; yna otururu oya etako opoetory tõ pynanohtohme, toto pyno oexiryke.

Saumu 2:9

Toto esẽme exĩko mase omyxiry mã kurimene risẽme exĩko; zae pyra exiketõ wãnohnõko mase oripo ehmory sã topu pona.’ ”

Mateu 6:13

Yna ewomako, iirypyryme yna onyripyra joroko tamuru ehtohme,” kahtoko Ritonõpo a.

Izaja 52:10

Imeimehnõ nonory põkõ neneryme porehme tyjamitunuru kurã enepõko Ritonõpo mana. Typoetory tõ pynanohnõko Kuesẽkõ mana, moro enẽko sero nono põkõ porehme.

Jeremia 13:14

Mame toto akuhmõko ase emero oripo tõ samo osepokona, tamuhpomãkomo poetohti tõ maro. Toto pyno pyra exĩko ase, nupunato onenepyra exĩko ase, toto enahkapõko ase, toto onewomara exĩko ase ipunaka.

Saumu 98:1

Eremiatoh kasenato ke oeremiatoko Ritonõpo Kuesẽkõ netaryme; inyrityã eneryke osenuruhkãko sytatose. Tyjamitunuru ke imehxo toehtoh ke roropa, orẽpyra toehse mana.

Saumu 77:10

Mame ynara tykase ywy: “Popyrahxo nase kuakorehmarykõ se pyra toehse Ritonõpo Imehxo Exikety mana, pake toehtopõpyry sã pyra.”

Saumu 74:11

Oty katohme yna akorehmary se pyra hmahno? Oemary anỹko mokaro wãnohtohme.

Saumu 44:3

Typyrekõ ke pyra moro nono typoremãkase opoetory tomo a; tyjamitunurukõke pyra topetõkara typoremãkase eya xine. Yrome ajamitunuru ke orẽpyra oexiryke typoremãkase toto eya xine, imaro xine oehtoh poko tutuarõtanohpose toto oya exiryke roropa. Moro eneryke tyya xine typyno xine oehtoh waro toh kynexine.

Saumu 17:7

Ypyno oehtoh, enepoko ya, kurano. Yna pynanohneme mase. Amaro yna ahtao osewomãko ynanase yna poko pyra yna zehnotokõ ehtohme.

Exutu 15:11

Imepỹ ritõ apanõ pyra mana, Ritonõpo! Onoky nae kurano, Imehxo Exiketyme apanono? Onokãkõ tyjamitunuru ke tyrĩko nae, typoetory tõ ewomãko roropa nae?

Izaja 30:14

Tonahkasẽme rokẽ exĩko matose, oripo samo tytohkase ahtao, zokonaka oxinamara mana ikarã anỹtohme apoto htae, tuna anỹtohme roropa pẽkamã kuae.”

Exutu 3:20

Morara exiryke yjamitunuru enepõko ase eya xine. Iiryhmatohkõ enehpõko ase Ejitu tõ wãnohtohme. Moromeĩpo aaropotorỹko ituisary mana Ejitu poe.

Exutu 6:1

Mame ynara tykase Ritonõpo Moeze a: — Seromaroro ynyriry Ejitu tuisary a enẽko mase. Ynara tyripõko ase eya: ypoetory tõ akorehmãko mana aytorykõ poko. Ỹ, tãtaryporyke toto aropõko mana tynonory rumekatohme eya xine.

Exutu 15:12

Oemary tanỹse ahtao oya ãpotunuru wino, mokaro tonahkase nono a, yna ekahmahpõkomo.

Exutu 15:16

Enaromỹke toehse toto, ouno mã toto ipunaka. Ajamitunuru eneryke tyya xine totypohse mã toto, topume anyhtahpyry sã toexirykõke, opoetory tõ ytoytory eneryke tyya xine, opoetory tõ typynanohse oya Ejitu põkõ namotome toto ahtao.

Exutu 18:8

Tymeretamuru turuse eya emero Ritonõpo nyrihpyry poko, typoetory tõ Izyraeu pyno exiry poko te, Ejitu tuisary wãnohtopõpyry poko Ejitu põkõ maro. Turuse roropa tupime Izyraeu tõ ytotopõpyry poko te, toto pynanohtopõpyry poko roropa Ritonõpo a.

1 Samueu 2:10

Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.

Saumu 24:8

Onoky mokyro Tuisa Imehxo Exikety? Ritonõpo Kuesẽkomo, jamihme exikety, tuarohxo exiketyme roropa mana. Kuesẽkõ orẽpyrahxo, jamihme mana, topetõkara poremãkapõko mana.

Saumu 44:4

Ritonõpo, utuisaryme mase, Jesẽme roropa; orẽpyra opoetory tõ rineme mase.

Saumu 89:14

Tuisamehxo mase emero Esẽme roropa; ajohpe pyra mase, zae ehtoh poko rokẽ roropa, yna pyno mase, anamonohpyra roropa mase emero poko awahtao.

Izaja 63:12

tyjamitunuru ke tynyrityã kurã tyripose Moeze a? Tuna konõto tapiakase eya typoetory tõ neneryme imehxo toehtoh poko zuaro imehnõ ehtohme jũme.