Exutu 15:5 - Ritonõpo Omiry: A Bíblia Sagrada na língua Aparai do Brasil

⁵ Tynerymase toto tuna konõto zueme exikety a. Topu sã tyneryse toto zue aka.

Exutu 15:5 ပူးပေါင်းရင်းမြစ်များ

Neemia 9:11

Tuna konõto tapiakase oya yna tamuru tõ ẽpataka, Tarose toto oya tuna kuroko, osema ae akuohtohme, nono tonorẽ poro. Mokaro ekahmananõ tynerymapose oya zue ao. Tyneryse toto topu neryry samo pohkane konõto kuao.

Saumu 106:11

Yrome epetõkara tyneryse; epara tokurehse toto emero.

Exutu 14:28

Tuna konõto toeramase, ikanary tõ tyneryse te, kawaru tõ maro, Ejitu tõ soutatu tõ maro porehme, Izyraeu tõ ekahmahpõkomo tuna konõto kuaka. Osepynanohpyra toh kynexine porehme.

Exutu 15:10

Yrome Omoro, Ritonõpo, typũmase oya ahtao Ejitu põkõ tyneryse, zue aka tomõse toto xũpu samo, pohkane xihpyry kuaka.

Exutu 15:16

Enaromỹke toehse toto, ouno mã toto ipunaka. Ajamitunuru eneryke tyya xine totypohse mã toto, topume anyhtahpyry sã toexirykõke, opoetory tõ ytoytory eneryke tyya xine, opoetory tõ typynanohse oya Ejitu põkõ namotome toto ahtao.

Porowepio 8:24

Tonuruse ywy tuna konõto tõ exipyra ahtao ro, tuna enatyry pyra ahtao ro.

Ezekieu 27:34

Seromaroro zue ao mase tuna konõto kuao. Tyneryse mase, mya tuna kurohtao tooehse mase. Omõkomory kurã, mokaro maro emero, amaro erohketomo tyneryse toto amaro tuna konõto kuao.’ ”

Jona 2:2

“Ritonõpo Jesemy, jetuarimaryhtao kykohmase, kuezukuase roropa. Zue ao jahtao, aorihtyã esary poe, kui tykase ywy: ‘Kypynanohko!’ ase oya. Mame jomiry totase oya.

Mikeja 7:19

Yna pynanohnõko ropa mase; popyra yna ehtoh enahkapõko mase, yna rypyry tõ pahnõko mase zue aka tuna konõto kuaka.

Mateu 18:6

— Yrome poeto pitiko jenetupuhpitoryhtao tosẽme, mame mokyro tyoro amoreparyhtao oya xine urumekatohme ropa eya popyra matose ipunaka. Awãnohtorỹko roropa Ritonõpo mana. Kurehxo oya xine exiry topu konõto mykyry opymyrykõ ae onerymapotohkõme tuna kurohtaka, poeto pitiko onenekunohpyra ro awahtao xine. Popyrahxo oya xine exĩko poeto pitiko tonekunohse oya xine ahtao. Awãnohtorỹko Ritonõpo mana.

Apokaripxi 18:21

Mame Ritonõpo nenyokyhpyry a topu konõto tanỹse, jamihme exikety a. Moro topu zumo exiry saipe konõto sã kynexine. Mame tuna konõto kuaka moro topu tomase eya. Ynara nase: — Topu tomase ahtao nakuaka axĩ nerỹko mana. Moro saaro axĩ Papironia põkõ enahnõko mana typatarykõ maro. Jũme osenepyra ropa exĩko mã toto.