Exutu 14:2 - Ritonõpo Omiry: A Bíblia Sagrada na língua Aparai do Brasil

² — Izyraeu tõ zuruko toto eramatohme ropa, osesarise Pi-Hairote etonie, irãnao, Mikitou poe tuna konõto Tahpiremã pona, Paau-Zepõ pũtokoxi.

Exutu 14:2 ပူးပေါင်းရင်းမြစ်များ

Exutu 14:1

Ynara tykase Ritonõpo Moeze a:

Exutu 14:3

Izyraeu tõ tytahse, ekarõko Ejitu tuisary mana. Ytoytõko rokene, aza rokẽ ahno esao pyra.

Exutu 14:9

Mame toytose Ejitu põkomo, kawaru tõ maro te, tykanary tõ maro aronanõ maro etonatohme. Izyraeu tõ tokahmase eya xine. Toeporehkase toto Izyraeu tõ osesaritoh pona, tuna konõto Tahpiremã ehpikoxi, Pi-Hairote pũtokoxi, Paau-Zepõ pũtokoxi roropa.

Jeremia 44:1

Ritonõpo tõturuse ya juteu tõ poko Ejitu po: pata Mikitou po te, pata Tapane po te, Mẽpi po te, nono ikurenae po, enara.

Jeremia 46:14

“Ynara kahtoko pata tõ po, Ejitu po: Mikitou po te, Mẽpi po te, Tapane po, enara: ‘Opyrekõ apoitoko õsewomatohkõme; okyryrykõ emero tonahkasẽme exĩko etonatoh tao!

Ezekieu 29:10

naeroro oepekara ase. Awãnohtorỹko ase otunary maro. Ejitu nonory tytororo oname tonorẽ rĩko ase, typõke pyra ehtohme, pata Mikitou poe ikurenae pata Asuã pona inikahpozakoxi te, Etiopia ehpio pona roropa.

Jozue 24:6

Atamuru tõ tonehse ya Ejitu poe, toeporehkase toto tuna konõto Tahpiremã ehpikoxi. Yrome Ejitu tomo a tokahmase toto tuna pona kawaru tõ maro tykanarykõ maro etonatohme.