Exutu 13:8 - Ritonõpo Omiry: A Bíblia Sagrada na língua Aparai do Brasil

⁸ Sero ẽmepyry ae opoenõkõ zurutoko onyrirykõ poko: Serara rĩko sytatose Ritonõpo nyrihpyry pokoino Ejitu nonory poe toesyryhmase kuahtao xine.

Exutu 13:8 ပူးပေါင်းရင်းမြစ်များ

Saumu 44:1

Ritonõpo, moro poko totase yna a ynapanary ke, turuse yna, yna tamuru tomo a, onyrihpyry poko ajamitunuru ke pake ahtao, isene ro toto ahtao.

Exutu 10:2

Omũkurukõ te, apakomotyãkõ zurutohme roropa oya xine imeĩpo, Ejitu põkõ poremãkatopõpyry poko ya te, yjamitunuru enepotopõpyry poko eya xine. Morarame tuaro exĩko matose, ywy ase Ritonõpo Oesẽkomo.

Exutu 13:14

Imeĩpo opoenõkõ oturuporyhtao oya xine: “Oty kary morohne?” toto ezuhnõko matose: “Tyjamitunuru ke Ritonõpo a tarose yna Ejitu poe. Moroto imehnõ namotome ynanexiase.

Izaja 38:19

Isene exiketõ oeahmãko mã toto, ya oeahmary sã seromaroro. Mame jũkõ typoenõ zurũko mã toto zae oehtoh poko, typynanohnekõme oenetupuhtohme eya xine.

Epezu 6:4

Typoenõkamo opoenõkõ onyhtomara ehtoko, zehno pyra toto ehtohme. Kure rokẽ opoenõkõ zuãtanohtoko, zurutoko roropa, tyyrypyrykõ poko pyra toto ehtohme. Amorepatoko toto Ritonõpo omiry poko, aomipona toto ehtohme.

Teuteronomiu 6:20

— Imeĩpo opoenõkõ ekaropõko mã toto oya xine: “Oty katohme tynyripohpyry tokarose kyya xine Ritonõpo a omipona kuehtohkõme?”