Exutu 13:18 - Ritonõpo Omiry: A Bíblia Sagrada na língua Aparai do Brasil

¹⁸ Morara exiryke tarose toto eya ona esemary ae tuna konõto Tahpiremã ehpikoxi. Ejitu poe Izyraeu tõ toytose atakenaka, soutatu tõ samo, osetapaketõ samo.

Exutu 13:18 ပူးပေါင်းရင်းမြစ်များ

Jenexi 50:25

Mame toto omiry tokaropose Joze a, tyekyry tomo a, ynara tykase: — Ynara enetupuhnõko ase, Ritonõpo ãkorehmatorỹko mana, oytotohkõme taroino. Morara toehse ahtao jekepyry arotoko amaro xine.

Saumu 107:7

Tarose toto eya osema zae exikety ae pata pona, moroto toto ehtohme.

Saumu 136:16

Ona tonorẽ poro Izyraeu tõ tarose eya; kypyno xine exikehpyra mana.

Saumu 68:8

nono tykytyky tykase, kapu poe konopo toehse itamurume Ritonõpo oepyryke Xinai esemy, Izyraeu tõ Esẽ roropa.

Exutu 12:51

Moro ẽmepyry ae Ejitu poe Izyraeu tõ tarose Ritonõpo a, oxiekyrymãkõ porehme.

Exutu 14:2

— Izyraeu tõ zuruko toto eramatohme ropa, osesarise Pi-Hairote etonie, irãnao, Mikitou poe tuna konõto Tahpiremã pona, Paau-Zepõ pũtokoxi.

Exutu 14:9

Mame toytose Ejitu põkomo, kawaru tõ maro te, tykanary tõ maro aronanõ maro etonatohme. Izyraeu tõ tokahmase eya xine. Toeporehkase toto Izyraeu tõ osesaritoh pona, tuna konõto Tahpiremã ehpikoxi, Pi-Hairote pũtokoxi, Paau-Zepõ pũtokoxi roropa.

Teuteronomiu 17:16

Tuhke kawaru tõ esẽme pyra ynororo tyripõko Ritonõpo mana, soutatu tõ eky tomo, orutua kõ aropory se pyra roropa Ritonõpo mana Ejitu pona kawaru tõ epekahse, ynara tykase Ritonõpo exiryke: “Ypoetory tõ jũme ytopyra ropa exĩko mã toto Ejitu pona.”

Teuteronomiu 32:10

Tonese toto eya tytahse toto ahtao ona tonorẽ po, onokyro tõ osekatõ kõ esao. Towomase toto eya, ipyno toehse; typynanohse toto eya tonuru ewomary samo.

Jozue 1:14

Opyxiãkomo te, opoenõkõ roropa, oekykõ maro, pui tõkehko taro exĩko mã toto Moeze nekarohpyry po oesarykõme. Yrome orutua kõ typyreke exiketõ ytõko mana osemazuhme tuna Joatão akuohse takorõkõ, Izyraeu tõ akorehmatohme etonatoh poko.

Jozue 4:12

Orutua kõ Rupẽ tõ tyekyrykõ poe toytose toto, Kate tomo, Manase tõ (xixi tũtatoh wino exiketomo) toytose toto Joatão akuohse osemazuhme. Typyreke toh kynexine etonatohme Moeze omihpyry ae ro.

Jozue 4:13

Ritonõpo neneryme tãtakuohse toto, 40 miumãkomo, orutua komo typyreke exiketomo nono jakuraramã pona Jeriko pũtokoxi.