Exutu 11:8 - Ritonõpo Omiry: A Bíblia Sagrada na língua Aparai do Brasil

⁸ Etyhpyryme ynara tykase Moeze: — Opoetory tõ esã emero jupĩko mã toto, tosekumuru po porohnõko mã toto jẽpataka, “Ajohpãme sã ytotoko taroino. Izyraeu tõ aroko porehme,” ãko mã toto. Moromeĩpo ytõko ase. Tutũtase Moeze tohne tuisa oturutoh poe.

Exutu 11:8 ပူးပေါင်းရင်းမြစ်များ

1 Tuisa 20:10

Pẽ-Hatate poe omi taropose ropa: — Soutatu tõ enehnõko ase tuhke apatarykõ enahkase. Tomary ke apatarykõ nonory aroryhtao eya xine pata tonahsẽme exĩko mana. Jetapapory se ase ritõ tomo a, morara onyripyra jahtao, tykase.

2 Tuisa 3:9

Naeroro toytose toto, tuisa Jorão maro, Juta esemy te, Etõ esemy, enara. Mame 7me ẽmepyry taropose ahtao toytorykõ poko, tonahse tuna. Ahno okuru pyra toehse, eky tõ okuru pyra roropa toehse.

Neemia 5:6

Morara kary etaryke ya tyekĩtapãse ywy.

Saumu 6:1

Ritonõpo Jesemy, jupokara exiko yzehno awahtao! Juãnohpyra exiko zehno awahtao!

Exutu 10:29

— Zae mase, jenepyra ropa mase jũme, tykase Moeze eya.

Izaja 49:23

Tuisa tõ jũkõ sã opoenõkõ pyno exĩko mã toto, ipyxiãkõ opoenõ pyno ehtoh poko erohnõko mã toto. Tosekumuru po porohnõko mã toto oẽpataka tõmytykõ po nono pokoxi. Erohnõko mã toto opoetoryme. Morara ahtao zuaro exĩko matose ywy ase Ritonõpo, jenetupuhnanõ jũme emynyhmara exĩko mã toto.”

Izaja 49:26

Mame oepetõkara tõsenahkarykõ poko toto ripõko ase. Aetỹtyã exĩko mã toto imehnõ etapary poko, zehno toexirykõ poko roropa. Morarame ahno emero zuaro exĩko mã toto ywy, Ritonõpo, Opynanohnekõme ase; ãpuruhpyry tae otũtanohponekomo. Zuaro exĩko mã toto ywy, Ritonõpo, Izyraeu tõ Esẽ Jamihmehxo ase.”

Ezekieu 3:14

Mame Ritonõpo jamitunuru toehse ypona, mame tarose exiase Zuzenu a moro poe; tohne sã exiase, sam ãko ukurohtao.

Tanieu 3:19

Morara kary etaryke tyya mokaro oseruaõkõ zehno toehse tuisa Napukotonozo. Ẽmyty kamirarame toehse, toto zehno aexiryke. Moro apoto tyripose eya axituhxo 7me typokõmase ehtopo.

Numeru 12:3

(Moeze epyrypara ipunaka, imehnõ motye imehxo toexiry poko epyrypara nexiase.)

Maku 3:5

Mame tãkye pyra Jezu tõsenuhmase. Tomyẽkõ tonese eya. Tohne toehse kynexine toemynyhmaryme otato pyra toto exiryke. Mame kurãkara a ynara tykase ynororo: — Oemary anỹko, tykase. Mame tãtaporamase ynororo. Emary osepune toehse ropa.

Teuteronomiu 29:24

Mame imeĩpo imehnõ nono põkõ ekaropõko mã toto. Ynara ãko: “Oty katohme morohne tyrise Ritonõpo a moro nono põkomo a? Oty katohme toto zehno toehse ynororo yronymyryme?”

Teuteronomiu 32:24

Omise konõto emitapãnõko mã toto, oxirohnõko mã toto, tyrohsẽ konõto ekurãkapỹ ke toto enahkapõko mana. Onokyro tõ enehpõko ase toto esekatohme, okoi tõ roropa orihmato exiketomo, toto esekatohme.

Epereu 11:27

Ritonõpo enetuputyryke Moeze a, Ejitu turumekase eya. Zehno tuisa konõto ehtoh zuno pyra kynexine. Poremãpyra roropa kynexine, Ritonõpo osenepyra exikety eneryke sã tyya.

Apokaripxi 3:9

Etatoko pahne, mokaro, joroko tamuru poetory ajohpe mã toto. ‘Juteume ynanase,’ ãko toh mã repe. Yrome juteutõkara mokaro. Mokaro enehpõko ase oẽpataka xine. Tosekumurukõ pona porohnõko mã toto, ‘Kure mase,’ katohme oya xine. Opyno xine jehtoh enetupuhnõko mã toto emero.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 8:5

Mame tonahsẽ tokaropose Kiteão a Sukote põkomo a. Ynara tykase ynororo: — Mitianita tõ ekahmãko ro ynanase: Zepa, Saumuna, enara. Mokaro ymaro exiketõ totaehse mã toto. Ajohpame sã tonahsã ekarotoko eya xine.