Exutu 10:2 - Ritonõpo Omiry: A Bíblia Sagrada na língua Aparai do Brasil

² Omũkurukõ te, apakomotyãkõ zurutohme roropa oya xine imeĩpo, Ejitu põkõ poremãkatopõpyry poko ya te, yjamitunuru enepotopõpyry poko eya xine. Morarame tuaro exĩko matose, ywy ase Ritonõpo Oesẽkomo.

Exutu 10:2 ပူးပေါင်းရင်းမြစ်များ

2 Samueu 7:22

Tuisa imehxo mase, Ritonõpo, yna Esemy! Apanõ pyra mana; ynanetase ynapanary ke, omoro rokẽ mase, Ritonõpo, imepỹ pyra mana.

Saumu 44:1

Ritonõpo, moro poko totase yna a ynapanary ke, turuse yna, yna tamuru tomo a, onyrihpyry poko ajamitunuru ke pake ahtao, isene ro toto ahtao.

Saumu 44:2

Ajamitunuru ke imehnõ ahno maropoase opoetory tõ esaryme moroto ehtohme. Turuse yna imehnõ ahno wãnohtopõpyry poko oya. Moro tyrise oya kure rokẽ opoetory tõ ritohme, toto emãtohme.

Saumu 58:11

Imehnõ ynara ãko: “Ajohpe pyra, zae ehtoh poko exiketõ kurã ke topehmase mã toto. Ritonõpo nae rahkene sero nono põkõ apiakane.”

Saumu 71:18

Seromaroro tamuhpõme ase, jũsety karimutume toehse, jurumekara exiko, Ritonõpo! Ymaro exiko ajamitunuru poko otururuhtao ahno a, imehxo oehtoh roropa ekaroryhtao moxiamo a, ipoenõkomo a ipakomotyamo a roropa.

Saumu 78:3

Morohne totase yna a, tamorepase yna papa tõ nekarohpyry, aja tõ roropa, tam tõ nekarohpyry roropa.

Exutu 13:14

Imeĩpo opoenõkõ oturuporyhtao oya xine: “Oty kary morohne?” toto ezuhnõko matose: “Tyjamitunuru ke Ritonõpo a tarose yna Ejitu poe. Moroto imehnõ namotome ynanexiase.

Exutu 14:18

Ejitu põkõ poremãkaporyhtao ya tuaro exĩko mã toto, ywy ase Ritonõpo Oesẽkomo.

Exutu 14:4

Mame tuisa aosenetupuhtoh ripõko ase tũpore oekahmatohkõme, mame iporemãkapõko ase soutatu tõ maro, yjamitunuru enepotohme. Ejitu põkõ juaro exĩko mã toto, ywy ase Ritonõpo Oesẽkomo. Mame aomipona toehse Izyraeu tomo.

Exutu 7:17

Seromaroro, ãko Ritonõpo, inyriry eneryke oya Ritonõpome aexiry waro exĩko mase. Tuisa, seromaroro tuna etapãko ase nakuatao, sero ymyxiry ke. Mame sero tuna anyhtãko munume.

Exutu 7:5

Mame tuãnohse toto ahtao ya, ypoetory tõ Izyraeu tõ tarose ahtao ya Ejitu poe tuaro exĩko mã toto: Ywy ase Ritonõpo emero Esemy.

Exutu 8:6

Mame Ejitu tunary tõ poro tymyxiry tanỹse Arão a. Pororu tõ tutũtase tuna kuae Ejitu nonory pehnõko sã porehme.

Izaja 38:19

Isene exiketõ oeahmãko mã toto, ya oeahmary sã seromaroro. Mame jũkõ typoenõ zurũko mã toto zae oehtoh poko, typynanohnekõme oenetupuhtohme eya xine.

Ezekieu 20:26

nuriame toto tokarose ya, inekarotyã pokoino, typoenõ osemazuhme aenurutyã totapase eya xine, toto zahkatohme tynekarorykõme. Morara toehse toto wãnohtohme te, Ritonõpome jehtoh enepotohme eya xine, enara.

Ezekieu 20:28

tarose toto ahtao ya toto nonory pona, jomihpyry ae ro itamuru tomo a, ypy tõ tonese eya xine kae exiketomo te, wewe konõto roropa, moroto tynekarorykõ tyahkase eya xine. Toto zehno tyripose ywy eya xine tynekarorykõ zahkatopõpyryke, eukuru roropa tynenepyhpyrykõ ke.

Joeu 1:3

Opoenõkõ zurutoko sero popyra ehtoh poko, typoenõ zurutohme eya xine, typoenõ zurutohme roropa mokaro a sero popyra ehtoh poko.

Epezu 6:4

Typoenõkamo opoenõkõ onyhtomara ehtoko, zehno pyra toto ehtohme. Kure rokẽ opoenõkõ zuãtanohtoko, zurutoko roropa, tyyrypyrykõ poko pyra toto ehtohme. Amorepatoko toto Ritonõpo omiry poko, aomipona toto ehtohme.

Teuteronomiu 4:9

Naeroro tomeseke ehtoko anamonohpyra oehtohkõme, wenikehpyra oehtohkõme onenehpyrykõ poko. Morohne poko opoenõkõ zurutoko apakomotyã roropa