Exutu 1:20 - Ritonõpo Omiry: A Bíblia Sagrada na língua Aparai do Brasil

^20-21 Ritonõpo omipona se onurumapotõkõ exiryke, kure tyrise toto Ritonõpo a. Oximaro tyrise Ritonõpo a jekyry tõ maro; tynioke, typoenõke, enara. Mame Izyraeu tõ tomãse itamurume. Jamihme toehse roropa toto.

Exutu 1:20 ပူးပေါင်းရင်းမြစ်များ

Saumu 103:11

Kapu kae exiry sã sero nono epoe, moro sã mã kypyno xine Ritonõpo ehtopo, tõmiry omipona se exiketomo a.

Saumu 111:5

Tonahsẽ ekarõko mana tõmiry omipona exiketomo a, wenikehpyra roropa mana jũme tynetapohpyry poko kyya xine.

Saumu 145:19

Aomiry omipona exiketõ ise ehtoh ekarõko mana; toto kohtary etãko mana, ipynanohtorỹko mana aorikyrykõino.

Saumu 61:5

Ritonõpo jomihpyry metase: tymõkomoke exiketõ tymõkomory nomõko mã toto typoenõ mõkomoryme. Moro sã mã Õmiry omipona exiketõ ehtoh kurã mekaroase ya.

Saumu 85:9

Ajohpe pyra, tõmihpyry omipona se exiketõ pynanopyry se Ritonõpo mana, kynonorykõ po exikehpyra toehtohme, Kypynanohnekõme.

Exutu 1:12

Yrome itamurumehxo tyrohmanohpose toto ahtao Ejitu põkomo a itamurumehxo Izyraeu tõ tomãse. Toto zuno toehse Ejitu põkomo,

Exutu 1:19

Ynara tykase toto: — Mokaro Izyraeu tõ nohpo tõ Ejitu tõ nohpory sã pyra mã toto. Tupime pyra enurũko mã toto. Eporehkara ro yna ahtao, poeto tõ enurũko mã toto.

Exutu 1:7

Yrome Jako mũkuru tõ, ipakomotyã roropa Izyraeu tõ toemũkuase tuhke. Tomãse toto. Jamihme toehse roropa toto. Tãtahpahse toto Ejitu nonory punero.

Porowepio 11:18

Epehpyry nymyry anapoipyra popyra exikety mana toerohtamitume, yrome zae rokẽ erohkety kurã ke topehmasẽme exĩko.

Porowepio 19:17

Okyryry ekaroryhtao tymõkomokãkara a Ritonõpo a otinerũ ekarory sã mana axĩtao rokene. Oepehmazomõko ropa Ritonõpo mana.

Ekereziaxti 8:12

Popyra exikety otarame 100me popyra ehtoh rĩko mana, morarame isene ro mana. Zuaro ywy, ynara ãko imehnõ mana: “Ritonõpo omiry omipona awahtao emero kure exĩko oya mana,

Izaja 3:10

Zae ehtoh poko exiketõ tãkye exĩko mã toto, kure ehtoh exĩko roropa eya xine mana. Toerohtopõpyrykõ epehpyry apoiryke eya xine atãkyemãko mã toto.

Mateu 10:42

— Etatoko pahne, kure ypoetory tõ riryhtao imehnomo a, toto ohparyhtao tuna kuenimã ke, tuisame pyra ypoetory ahtao ro, kure toto epehmãko Ritonõpo mana, ypoetory ohpatamitume, tykase Jezu typoetory tomo a.

Mateu 25:40

— Mame ynara ãko mã tuisa konõto oya xine: “Etatoko pahne, ypoetory tõ jakorõ tõme mana. Mame jakorõ tõ etuarimaketõ, kure tyrise oya xine ahtao, kure kyriatose roropa,” ãko ynororo oya xine mana.

Ruka 1:50

Imehnõ pyno roropa Ritonõpo mana. Tõmipona exiketõ pyno kuhse mana. Pakatokõ pyno kynexine. Seromatokõ pyno roropa mana. Moromeĩpo ypakomotyã pyno exikehpyra mana. Mya otuotuhponamãko mana.

Epereu 6:10

Zae rokẽ Ritonõpo ãpiakatorỹko mana. Wenikehpyra ynororo oerohtopõpyrykõ poko aomipona. Ipyno oexirykõke imehnõ Jezu poetory takorehmase oya xine. Imehnõ akorehmãko ro matose.