Extara 8:17 - Ritonõpo Omiry: A Bíblia Sagrada na língua Aparai do Brasil

¹⁷ Pata Kaxipia tuisary, Ito tupipose ya oturutohme imarõkõ maro, erohketõ Ritonõpo Tapyĩ tao, ahno enehpotohme Ritonõpo Tapyĩ tao aerohtohkõme.

Extara 8:17 ပူးပေါင်းရင်းမြစ်များ

2 Samueu 14:19

— Joape omi poe moehno ya, morara kase? tykase. Ynara tykase nohpo: — Ajohpe pyra tuaro rukukuh ma keh. Ỹ, opoetory Joape omi poe morohne tyrise ya, morara tykase roropa ywy, tykase.

2 Samueu 14:3

Mame ytoko tuisa Tawi a oturuse, ynara jomiry ekaroko eya, tykase. Mame tõmiry tokarose eya Tawi zurutohme.

1 Koronika 9:2

Morarame apitoryme aepyry ropa exiketõ tosaka xine ropa ynara kynexine: ahno te, oturuketomo te, Rewi tomo te, Ritonõpo Tapyĩ poko erohketomo, enara.

Extara 2:43

Sero nase Ritonõpo Tapyĩ poko erohketõ pakomotyã, aehtyã ropa Papironia poe. Toto tuisary esetykõ tymerose: Zia te, Hasupa te, Tapaote te,

Extara 2:58

Atapona mokaro Ritonõpo Tapyĩ poko erohketõ pakomotyã maro Saromão poetory pakomotyã 392me kynexine.

Extara 8:16

Naeroro tamuximãkõ 9me enehpoase: Erieze te, Arieu te, Semaia te, Eunatã te, Jaripe te, Eunatã te, Natã te, Zakaria te, Mesurã, enara. Asakoro amorepatõkõ enehpoase roropa: Joiaripe te, Eunatã, enara.

Exutu 4:15

Oturũko mase Arão maro. Zurũko mase aoturutohme. Ãkorehmatorỹko ase õtururukõ poko te, ãmorepatorỹko ase onyrirykõ poko.

Jeremia 1:9

Mame tomary ke ypotapihpyry tapose Ritonõpo a, ynara nase ya: — Eneko ke! Jomiry ekarõko ase oya, imehnõ zurutohme.

Jeremia 15:19

Ynara tykase Ritonõpo: — Ooepyry se ropa awahtao ya, ose exĩko ropa ase, ypoetoryme orĩko ropa ase. Atakirimara awahtao, yrome zae jomiry ekaroryhtao oya imehnõ netaryme urutõme exĩko ropa mase. Mame ahno oehnõko ropa mã toto oya, omoro ytopyra exĩko mase eya xine oturutohme.

Numeru 18:6

Izyraeu tõ poe oekyry tõ tymenekase ya, rewita tomo ynekaroryme oya xine, oturuketomo. Mokaro rewita tõ tapiakase ya mã toto erohtohme Tapyi Kurã poko.

Teuteronomiu 18:18

Jekyry tõ wino urutõ menekãko ase asã exikety. Jomiry ekarõko ase eya ahno zurutohme, ynyripohpyry emero porehme.

Titu 1:5

Kynomoase moroto ahmõta po Kereta po, morotõkõ akorehmatohme otyhkara ro jexiryke, Jezu poetory amorepatõkõ ritohme oya emero pata tõ punero. Ynyrohmanohpotopõpyry poko oya wenikehpyra exiko.