Exite 9:12 - Ritonõpo Omiry: A Bíblia Sagrada na língua Aparai do Brasil

¹² Naeroro ynara tykase ynororo Exite a: — Taro Susã po 500me orutua kõ totapase juteu tomo a. Hamã mũkuhpyry tõ roropa 10mãkõ totapase. Tuhke otarame totapase eya xine pata nonory tõ po. Oty se hma seromaroro? Ekaropoko rokẽ ya. Ise oehtoh ekarõko ase oya, tykase.

Exite 9:12 ပူးပေါင်းရင်းမြစ်များ

Exite 5:3

Tõturupose tuisa eya, ynara tykase: — Otara exĩko hnae, meta Exite? Oty se hma, ekaropoko ya? Ise oehtoh ekarõko ase oya, tuisame jehtoh zokonaka se awahtao ro, tykase.

Exite 5:6

Mame eukuru enyryhtao ro eya xine tõturupose ropa tuisa Exite a: — Oty se nymyry mahno? Kaxiko ya. Ise oehtoh ekarõko ase oya ynonory zokonaka se awahtao, tykase tuisa.

Exite 7:2

Mame uwa eukuru jehnahpyry enyryhtao, tuisa a tõturupose ropa Exite a apitoryme õturutopõpyry saaro, ynara tykase ynororo: — Oty ekaropory se hma ya? Ise oehtoh zurupoko ya. Ise oehtoh ekarõko ase oya ynonory zokonaka ise awahtao, tykase tuisa.

Exite 9:11

Moro ẽmepyry ae ro tuisa turuse tuhke totapase ahno exiry poko Susã po.

Exite 9:15

Yrokokoro, ẽmepyry 14me aehtoh ae, tõximõse juteu tõ kynexine Susã po tyzehno exiketõ totapase ropa. 300mãkõ totapase eya xine. Yrome imõkomohpyrykõ anapoipyra toh nexiase.

Atos 23:19

Mame emary poko mokyro tarose koroneu a mya, tõtururukõ onetara imehnõ ehtohme. — Aimo, oty kary se hma ya? tykase ynororo eya.