Exite 8:9 - Ritonõpo Omiry: A Bíblia Sagrada na língua Aparai do Brasil

⁹ Morara toehse 23me ẽmehtoh po nuno oseruaõ po, nuno xiwã po. Pape meronanõ tonehpose Moatekai a tynyripohpyry merotohme juteu tõ neneryme te, tuisa omi poe erohketõ neneryme te, kowenatu tõ neneryme te, tamuximãkõ neneryme emero 127me pata nonory tõ po Ĩtia nonory poe Etiopia nonory pona. Inyripohpyry tyripose eya emero omiry ae tõtururu waro exiketõ nae ahtao. Imeimehnõ omiry ae imerohpyry roropa pape tymeropose eya pata nonory tõ põkõ ipoko torẽnase toto moro imerohpyry poko. Tõmiry tymeropose roropa eya juteu tõ omiry ae.

Exite 8:9 ပူးပေါင်းရင်းမြစ်များ

2 Tuisa 18:26

Mame ynara tykase Eriakĩ tomo, Sepena maro, Joa maro mokyro a: — Oturuko aramaiku omiry ae; enetupuhnõko ynanase. Epereu omiry ae, yna omiry ae, oturupyra exiko; mokaro, pata apuru po exiketõ oetãko mã toto.

2 Koronika 15:10

Naeroro tõximõse toto Jerusarẽ po nuno 3mã po, 15me jeimamyry taropose Asa ahtao tuisame ehtoh poko.

Exite 1:1

Pake ahtao Xerexe kynexine tuisa konõto Perexia tuisaryme. Tuisa tapyĩ konõto kynexine Susã po. Inonoryme 127me pata nonory tõ kynexine Ĩtia poe Etiopia pona.

Exite 1:22

Pape tõ tymeropose eya, tõmiry aropotohme pata tomo a tynonory po. Imeimehnõ omiry ae morara tymerose eya xine, emero neneryme tõmirykõ ae. Tuisa konõto omi poe emero nohpo nio tuisamehxo sã exĩko tytapyĩ tao, aomipona itapyĩ taõkõ ehtohme.

Exite 10:1

Mame tynonory põkõ tyrohmanohpose tuisa Xerexe a, emero ehpio exiketomo te, nono rãnao exiketõ roropa. Typoetory tõme tyrohmanohpose toto eya.

Tanieu 4:1

Tuisa Napukotonozo naropohpyry ahno tomo a emero porehme, imeimehnõ nonory põkomo a te, imeimehnõ omiry waro exiketomo a: — Kure pãna matou?

Tanieu 6:1

Tynonory tapiakase tuisa Tariu a 120me osa nae ehtohme, 120me orutua kõ tymenekase eya kowenatume toto erohtohme tynonorykõ tuisaryme.

Tanieu 6:25

Morarame pape tymerose tuisa Tariu a aropotohme emero pata tõ punero emero nonory pona, emero ahno neneryme, emero omiry waro exiketomo a. Ynara tymerose eya pape pokona: “Tãkye rokẽ oexirykõ se ase, torẽtyke pyra.