Exite 8:10 - Ritonõpo Omiry: A Bíblia Sagrada na língua Aparai do Brasil

¹⁰ Tynymeropohpyry tymerose tuisa omiryme, tapuhse tuisa esety ke, tuisa emahtaõ ke. Mame moro pape tõ tarose kawaru po ytoketomo a, tuisa eky tõ po.

Exite 8:10 ပူးပေါင်းရင်းမြစ်များ

1 Tuisa 21:8

Mame pape tõ tymerose eya. Ipokona Akape esety tymerose eya. Tapuhse kehko tuisa kyryry ke: “Tuisa nymerohpyry nymyry sero,” katohme. Mame tynymerohpyry taropose nohpo a tuisa tomo a, Jezereu tamuximehxo exiketomo a roropa.

1 Tuisa 4:28

Sewata tõkehko tonehse eya xine onahpoty roropa kawaru tõ esaka, toto napyryme, etonaketõ kahu poko kawaru tomo te, erohtoh poko okyno tõ roropa, enara.

2 Koronika 30:6

Omi aronanõ toytose tuisa omihpyry ae ro akorehmananõ maro Juta patary tõ poro Izyraeu patary tõ poro roropa. Ynara tykase toto: — Izyraeu tomo, eramatoko Ritonõpo a ropa, Aparão Esemy, Izake Esemy, Jako Esẽ roropa. Mame eramãko ropa mã ynororo oya xine. Typoremãkase mexiatose Axiria tuisary tomo a, yrome orihpyra mexiatose, typynanohse oexirykõke.

Exite 8:8

Yrome inyripohpyry tymerose ahtao jomiryme, tapuhse roropa ahtao jesety ke onytyoromasaromepyra mana. Mãpyra ise oehtohkõ imerotoko juteu tõ neneryme. Jesety tyritoko ipokona, mame moro apuhtoko jemahtao ke.

Jo 9:25

“Ẽmepyry tõ ytõko mana axihxo, tururume ytokety motye epãko mã kehko tãkye ehtoh onenepyra ro ahtao.

Ekereziaxti 8:4

Tuisame toexiryke tyriry se toehtoh rĩko mana. Onykerekeremasaromepyra imehnõ mana.

Izaja 60:6

Mitiã nonory poe, Epa poe roropa ahno oehnõko toky tõ, kameru tõ tuhkãkõ maro; imehnõ oehnõko roropa Sapa nonory poe ixtaratu tõkehko uuru roropa enehnõko mã toto. Mokaro emero omi kurã Ritonõpo Imehxo Exikety nyrityã ekarõko mã toto.

Izaja 66:20

Oekyry tõ emero enehnõko ropa mã toto tymaro xine tynekarorykõme ya. Oehnõko mã toto ypy kurã pona, jesary kurã pona Jerusarẽ pona kawaru tõ po te, mura tõ po, kameru tõ po, kahu tõ ao te, kaheta tõ ao roropa. Mokaro oekyry tõ tokarosẽme exĩko mã toto tynekarorykõme ya, Izyraeu tõ nekarotyã enepyry sã Ytapyĩ taka, tiriiku tõkehko, ẽ tukurãkase exiketõ ao.

Jeremia 2:23

‘Nuriame ehtoh poko pyra ynanexiase,’ kasaromepyra matose. Toponãmasã Paau eahmary poko mexiatose. Jakanahmã po oorypyrykõ poko mexiatose, enetoko ke onyrihpyrykomo. Kamera nohpory wãtasenã sã matose xiaxiake ytokety samo, typoko exikety zupiry poko.

Jeremia 51:21

Kawaru tõ tonahkase oya, epo xine ytoketõ maro. Kahu tõ etonatoh kyryry tonahkase oya, aroponanõ maro.

Tanieu 4:1

Tuisa Napukotonozo naropohpyry ahno tomo a emero porehme, imeimehnõ nonory põkomo a te, imeimehnõ omiry waro exiketomo a: — Kure pãna matou?

Tanieu 6:8

Naeroro, tuisa, onyripory imeropoko oesety maro, onytyoromara imehnõ ehtohme. Morara ahtao meto tõ tuisary omihpyry ae ro persa tõ tuisary maro, onyripohpyry onytyoromasaromepyra exĩko mana, tykase toto.