Exite 6:4 - Ritonõpo Omiry: A Bíblia Sagrada na língua Aparai do Brasil

⁴ Morara tykase ahtao osa zara taka toeporehkase Hamã, tuisa nyhtoh pũtokoxi, ekaropotohme Moatekai anỹpotohme tyhwyme tynyrihpyry pokona. Tõturupose tuisa: — Onoky noehno zara taka?

Exite 6:4 ပူးပေါင်းရင်းမြစ်များ

Exite 4:11

“Emero zuaro mã toto tuisa tapyĩ konõto tao erohketomo te, pata nonory tõ po exiketõ emero, omõsaromepyra sytatose, tuisa esaka oturuse onykohmara ynororo ahtao, orutuame ahtao te, nohpo ahtao roropa. Tonehpose ahtao rokẽ tuisa a omõnõko mana, tamoreme tomõse ahtao taorihmaposẽme exĩko mana, mãpyra tuisa a mara pitiko uuru risẽ tanỹse ahtao ahno eahmatohme orihpyra mana. Seromaroro toiro nuno ykohmara toehse tuisa mana.”

Exite 5:1

Morarame 3me ẽmepyry toehse ahtao, otuhpyra toto ehtoh poko tõtururume, upo kurã tamuruse Exite a, tuisa pyty zupony. Mame toytose ynororo zara pona eraximase tuisa esary ẽpataka, itapyĩ konõto tao. Moro tao tuisa nexiase typorohse, tapõ konõto po, tosary omõtoh etonie.

Exite 5:14

Mame ynara tykase ipyty, epe tõ roropa, imaro exiketomo: — Wewe risẽ tyripoko xikihme exikety, 20 meturume exikety. Kokoro pakeimo ekaropoko tuisa a Moatekai anỹpotohme ipymyry ae tyhwyme moro wewe pokona. Moromeĩpo ytoko tãkye tuisa maro otuhtoh kurã pona. Morara kary kure nexiase Hamã a, wewe risẽ tyripose eya rahkene.

Exite 6:3

Tõturupose tuisa a eya xine: — Oty tyrise yna a Moatekai nyrihpyry kurã epehmatohme? tykase tuisa tope tomo a. — Arypyra. Kure ehtoh onekaropyra ro moro epehpyryme, tykase ipoetory tomo.

Exite 6:5

— Hamã mose ro! tykase ipoetory tomo. — Enehpoko xiaro! tykase tuisa eya xine.

Exite 7:9

Toiro mokyro, esety Harapona, ynara tykase ynororo tuisa a: — Hamã tapyĩ pũto wewe risẽ xikihme exikety nae mana, 20 meturume kae exikety, tyrise eya Moatekai tyhwyme tyripotohme ipokona repe. Yrome Moatekai a typynanohse mexiase. — Tyhwyme Hamã tyritoko moro pokona, tykase tuisa.

Jo 5:13

Zuarohxo exiketõ tapoisẽme exĩko zuaro toehtopõpyrykõke; ekurehnõko mã toto tynyrirykõ poko.

Saumu 2:4

Tapõ po Exikety kapu ao exianãko mana; mokaro eunohnõko Kuesẽkõ mana.

Saumu 33:19

Toto pynanohnõko mana orihpyra toto ehtohme. Mame omise konõto toehse ahtao isene ro toto kurãkãko mana.

Ekereziaxti 9:10

Yronymyryme erohko emero rokẽ poko awahtao, ynara exiryke aorihtyã esao erohpyra exĩko exino mana, osenetupuhpyra, onenetupuhpyra, zuaro pyra, enara. Morotona ytõko mase.