Exite 6:11 - Ritonõpo Omiry: A Bíblia Sagrada na língua Aparai do Brasil

¹¹ Naeroro upo tapoise Hamã a kawaru roropa, Moatekai a tamuruse tuisa zupony. Moromeĩpo Moatekai tarose eya kawaru po pata rãnakuroko, opore tõturuse ynororo: “Ynara tyrĩko tuisa konõto orutua a kurã ke epehmary se tahtao!” tykase Hamã.

Exite 6:11 ပူးပေါင်းရင်းမြစ်များ

Extara 6:13

Mame kowenatu Tatenai tõ a emero tyrise tuisa nyripohpyry ae ro, Setaa-Pozenai maro te, imarõkõ maro.

Exite 6:10

Mame ynara tykase tuisa Hamã a: — Axĩ ke jupõ apoiko kawaru roropa. Morara tyriko juteu Moatekai a morohne emero õmihpyry ae ro. Mokyro enẽko mase typorohse tapyi omõtoh myhto. Wenikehpyra exiko tyritohme emero onekarohpyry ae ro.

Exite 6:12

Moromeĩpo toytose ropa Moatekai tuisa tapyĩ omõtoh myhtokoxi, yrome Hamã toehxirose toytose ropa tururume tytapyĩ taka tõmyty tyõtose, sekese pyra toexiryke.

Exite 8:15

Tutũtase Moatekai tuisa tapyĩ konõto tae, upo kurã tamuruse ezuezumã karimutumã maro te, parimã panõ nexiase zupuhpyry po uuru risemy te, upo jaraono, kapa tahpirẽ maro mauru panõ risemy. Osema tao tãkye toh nexiase, tykohtase toto tãkye exiketomo.

Exite 9:3

Mame kowenu maro erohketomo a emero pata nonory tõ po: tamuximãkomo te, tuisa konõto poetory tomo te, kowenatu tõ maro, juteu tõ takorehmase eya xine Moatekai zuno toehse toexirykõke.

Porowepio 27:18

Wikeira zoko pyno exiko eperytatohme anapyryme; kure rokẽ oesẽ tyriko kure oepehmatohme roropa eya.

Izaja 60:14

Mame orohmanohponanõ tuisary tõ poenõ oehnõko mã toto, tosekumurukõ po porohnõko mã toto nono pokoxi oẽpataka: ‘Imehxo mase,’ katohme oya. Mokaro emero oryhmahpõkõ, oehnõko mã toto oya, tõmytykõ rĩko nono pokoxi. Ritonõpo pataryme oesehtõko mã toto, Xiãome, Izyraeu tõ Esẽ kurã pataryme.

Ruka 1:52

Ahno tõ tuisary tuisame pyra tyripose ropa eya. Jamihme exiketõ tuisame pyra tyripose ropa eya. Yrome: “Tuisame pyra ase. Ime pyra ase,” kananõ tuisame tyrise eya.

Apokaripxi 3:9

Etatoko pahne, mokaro, joroko tamuru poetory ajohpe mã toto. ‘Juteume ynanase,’ ãko toh mã repe. Yrome juteutõkara mokaro. Mokaro enehpõko ase oẽpataka xine. Tosekumurukõ pona porohnõko mã toto, ‘Kure mase,’ katohme oya xine. Opyno xine jehtoh enetupuhnõko mã toto emero.