Exite 5:14 - Ritonõpo Omiry: A Bíblia Sagrada na língua Aparai do Brasil

¹⁴ Mame ynara tykase ipyty, epe tõ roropa, imaro exiketomo: — Wewe risẽ tyripoko xikihme exikety, 20 meturume exikety. Kokoro pakeimo ekaropoko tuisa a Moatekai anỹpotohme ipymyry ae tyhwyme moro wewe pokona. Moromeĩpo ytoko tãkye tuisa maro otuhtoh kurã pona. Morara kary kure nexiase Hamã a, wewe risẽ tyripose eya rahkene.

Exite 5:14 ပူးပေါင်းရင်းမြစ်များ

2 Samueu 16:21

Ynara tykase Aitopeu: — Omy pyxiã poko exiko, mokaro tynomose eya tytapyĩ konõto eraseme toto ehtohme. Morara ahtao Izyraeu tõ emero zuaro exĩko omy epeme pyra oexiry poko. Mame amaro exiketõ atãkyemãko mã toto, tykase.

1 Tuisa 21:25

(Imehnõ motye Akape tõsekarose popyra ehtoh poko toehtohme, Ritonõpo zamaro pyra. Zae pyra ehtoh poko kynexine typyty Jezapeu omi poe roropa.

1 Tuisa 21:7

Mame ynara tykase Jezapeu, tynio Akape a: — Izyraeu tõ esẽ kara mahno? Owõko hkoty! Tãkye exiko! Otuhko. Ywy roro Napote tupi ekarõko ase oya, Jezereu pono.

Exite 6:4

Morara tykase ahtao osa zara taka toeporehkase Hamã, tuisa nyhtoh pũtokoxi, ekaropotohme Moatekai anỹpotohme tyhwyme tynyrihpyry pokona. Tõturupose tuisa: — Onoky noehno zara taka?

Saumu 37:14

Popyra exiketõ typyrekõ apoĩko mã toto: tapema tomo, taky tõ maro, tymõkomokãkara etapatohme, etuarimaketõ maro, zae ehtoh poko exiketõ roropa etapatohme.

Saumu 37:32

Zae ehtoh poko exiketõ enẽko popyra exiketõ mana. Toto etapary se mã toto.

Saumu 9:15

Ozehnotokomo a eutary ahkahpyry aka toepukase toto. Ahno apoitoh aka tomõse toh nexiase, tynyrihpyrykõ aka.

Porowepio 1:18

Yrome mokaro rokẽ omõnõko mã toto tynyrihpyrykõ aka. Mame tapoise toto ahtao orihnõko mã toto.

Porowepio 4:16

Mokaro nyhsaromepyra popyra ehtoh onyripyra tahtao xine. Tohrame toh repe, yrome nyhpyra mã toto imehnõ onyryhmara ahtao ro.

Romanos 1:32

Ritonõpo omihpyry waro toh mã repe. Ynara ãko Ritonõpo omiry: “Iirypyrymãkõ apotoimo htaka ytõko toh mana, tyyrypyry poko exiketomo,” ãko. Moro waro toh mã repe. Yrome tyyrypyrykõ poko ro mã toto. Onurumekara mã toto. Popyra kuhse mã toto. Imehnomo a tyyrypyrykõ poko exiketomo a, “Kure mase,” ãko roropa mã toto.

Romanos 3:15

Axĩ imehnõ osanumãko toto. Axĩ imehnõ etapãko roropa toto.

Apokaripxi 11:10

Tãkye sero põkõ exĩko mokaro orihtopõpyry eneryke tyya xine. Atãkyemãko mã toto. Tynekarorykõ aropõko mã toto oseya rokene. Mokaro asakoro urutõ kõ pokoino toetuarimase toto itamurume sero põkomo. Naeroro atãkyemãko mã toto mokaro ekepyry eneryke tyya xine.