Exite 4:4 - Ritonõpo Omiry: A Bíblia Sagrada na língua Aparai do Brasil

⁴ Mame typoetory tõ omiry etaryke tyya torẽtyke toehse Exite, emukahpyry tõ nekarohpyry poko tynenehpyrykõ poko. Upo taropose eya Moatekai a amurutohme repe yrome ise pyra nexiase.

Exite 4:4 ပူးပေါင်းရင်းမြစ်များ

Jenexi 37:35

Imũkuru tõ emero toytose Jako a, ẽxiry tõ roropa akorehmatohme omuhpe pyra aehtohme repe. Yrome tyxitary se rokẽ kynexine. — Umũkuru hnamõko ase. Onyhnamokehpyra ase joorihtoh pona ro. Morara ahtao imaro exĩko ropa ase, tykase ynororo. Xitakehpyra kynexine tumũkuru Joze poko.

2 Tuisa 9:32

Tõsenuhmase kakoxi Jeu, tykohtase ynororo: — Onoky jakorehmãko nae? Tõsenuhmase osenuhmatoh ae orutua komo tapyi poko erohketomo asakoro otarame oseruao.

Exite 1:12

Yrome tuisa pyty aomipona pyra nexiase. Ytopyra tokurehse ynororo. Morara exiryke tyekĩtapãse inio.

Exite 4:3

Mame pata tõ po pata nonory tõ po emero, tuisa konõto nyripohpyry tysekeremase ahtao, tyxitapitose toto opore juteu tõ rãnaka. Tyhnamose toto, tyxitase toto, otuhpyra toehse toh nexiase toemynyhmarykõke. Tuhkãkomo a upo saku risẽ tamuruse eya xine. Imihme toehse toto oruno po tyxitarykõme.

Exite 4:5

Mame typoetory Hatake tykohmase tyya. Hatake emukahpyry kynexine, tuisa tapyĩ tao exikety, tymenekase aexihpyry tuisa pyty omipona ehtohme. Taropose ynororo Exite a oturutohme Moatekai maro zuaro ehtohme: “Otara toehse? Oty pokoino morohne toehse?”

Saumu 77:2

Popyra ehtoh toehse ya ahtao oturũko ase Kuesẽkomo a koko, jemary anỹnõko ase jotururume eya, yrome jemuhkehkara mana.

Izaja 56:3

Imehnõ nonory pono a Tosẽme Ritonõpo enetuputyryhtao, ynara kamexipopyra ehtoko eya: “Taroposẽme ropa myhe exĩko ywy Ritonõpo a typoetory toh tae.” Mokyro emukahpyry a roropa ynara kamexipopyra ehtoko: “Emũkuasaromepyra jexiryke Ritonõpo poetory tõ maro ehsaromepyra ase.”

Jeremia 31:15

Ynara tykase Ritonõpo: “Panaikato osetãko mana Rama po, ixitary yronymyryme. Rakeu xitãko mana tumũkuru tõ poko; tõsemuhkehkary se pyra mana, toorihse toto exiryke emero.

Atos 8:27

Mame Piripe toytose moro ae. Moroto orutua tonese eya Etiopia pono. Mokyro Kãtase mõkomory esẽ kynexine. Kãtase Etiopia põkõ esẽ kynexine. Mokyro ipoetory ytõko ropa kynexine Jerusarẽ poe Ritonõpo omiry poko tãtamorepaxĩpo. Ritonõpo eahmatohme toytose ynororo Jerusarẽ pona.

1 Samueu 8:15

10me okyryry ahtao toiro tapoisẽme exĩko mana ikyryryme ehtohme, anapyrykõ te, uwa tõkehko, ekarotohme typoetory tomo a tytapyĩ tao.