Epezu 4:9 - Ritonõpo Omiry: A Bíblia Sagrada na língua Aparai do Brasil

⁹ Otarãme ekaropõko matose, “Oty kary moro tõnuhse?” ãko matose otarame. Ynara mana, osemazuhme Kyrixtu tyhtose aporo, sero nono zopikoxi.

Epezu 4:9 ပူးပေါင်းရင်းမြစ်များ

Jenexi 11:5

Mame tyhtose Ritonõpo, toto nyrihpyry enese. Ipatarykõ tonese eya, tapyi kaetokõ roropa tonese eya.

Saumu 139:15

Yzehpyry tõ menene tokare pyra jyriryhtao oya; tomeseke sã tyrise ywy oya aja wakuru ao jahtao.

Saumu 63:9

Jetapary se exiketõ osenahkãko mã toto, ytõko mã toto aorihtyã esaka.

Saumu 8:5

Tyrise ynanase oya, Ritonõpo, opoetoryme yna ehtohme, yna Esẽ imehxo oehtohme. Yrome tuisame kyriase roropa imehnõ esẽme yna ehtohme.

Exutu 19:20

Mame tyhtose Ritonõpo ypy emory pona. Moeze tykohmase eya aunuhtohme morotona. Naeroro Moeze tõnuhse.

Porowepio 30:4

Onoky nae tuaro exiketyme kapu ehtoh poko emero? Onoky nae tyryrykane apoihpono tomary ke? Onoky nae tuna ãtyhtõko kamisa ke? Onoky nae sero nono ehpiry tõ meroneme? Mokyro esety waro hma? Imũkuru esety waro roropa hma? Kaxiko zuaro awahtao.

Izaja 44:23

Okohtatoko oseahmarykõme, kapuaõkomo! Okohtatoko nono ao exiketomo! Okohtatoko atãkyemarykõme ypy tomo te, wewe tõ te, emero itu htaõ kõ maro! Imehxo toexiry tonepose Ritonõpo a typoetory tõ Izyraeu tõ pynanopyryke eya.

Ezekieu 31:14

Mame taroino jomiry omi poe wewe tõ emero, tohxikase ahtao ro, moro wewe kae ehtoh sã exipyra exĩko mã toto, amoriry tõ eporehkara exĩko mã toto akurũ pona. Mame emero orihnõko mã kehko, ahno orihketõ samo, aorihtyã esaka ytõko mã toto.

Mateu 12:40

Mame kanaimo a tonahse ynororo. Oseruao tõmehse ynororo zuakuru ao. Mokyro ehtopõpyry sã mã Kapu ae Ayhtohpyry. Oseruao ẽmehnõko mana, aorihtyã esao.

João 20:17

— Apoipoito pyra exiko. Onuhpyra ro ase Papa a. Morara exiryke ytoko. Jakorõ tõ zuruta ypoko. “Jezu eneno,” kaxita toto a. “Ytõko mã rahkene Tumy a, Kumykomo a, Ritonõpo a, Kyrihpõkomo a,” kaxita, tykase Jezu nohpo a.

João 3:13

Sero nono põkõ onuhpitopyra mana kapu aka. Ywy rokẽ ase Kapu ae Ayhtohpyry.

João 6:33

Ourukõme nymyry mã mokyro Ritonõpo nenehpohpyry kapu ae. Orihpỹme mã oritorỹko jũme, tykase Jezu eya xine.

João 6:38

Kapu ae jyhtoase jenehpohpõ omipona jehtohme. Jamoreme pyra oepyase.

João 6:41

Morarame moro etaryke tyya xine Jezu tykerekeremase eya xine: “Ywy ase ourukõme kapu ae aepyhpyry,” kary etaryke tyya xine.

João 6:51

Ourukõme nymyry ase, kapu ae aepyhpyryme jexiryke. Upũ enapyryhtao oya xine orihpyra exĩko matose jũme. Upũ nase wyi samo, ynekaroryme oya xine, emero porehme, orihpyra oehtohkõme jũme, tykase Jezu eya xine.

João 6:58

Ywy ase ourukõme nymyry kapu ae aepyhpyryme jexiryke. Atamurukõ napyrỹpyry sã pyra ase, nono pona aepukahpyry sã pyra ase. Moro tonahse mokaro a repe. Imeĩpo toorihse toto emero porehme. Yrome upũ tonahse oya xine ahtao orihpyra exĩko matose jũme, moro sã pyra jexiryke, tykase ynororo eya xine.

João 6:62

Poremãnõko kuhse matose jonukuru ropa eneryhtao oya xine kapu aka.

João 8:14

— Arypyra, tykase Jezu. — Ypoko jotururuhtao zae ro jomiry, joehtopõpyry waro jexiryke, jytory ropa waro roropa jexiryke. Yrome joehtopõpyry waro pyra matose. Jytory ropa waro pyra roropa matose.

Epereu 2:7

Tyrise ynanase oya onenyohtyã ime exiry sã pyra aporo; tuisamehxo tyrise roropa ynanase oya, onyrityã esẽme.

Epereu 2:9

Yrome Jezu poko enetupuhnõko sytatose. Axĩtao rokẽ tuisame hkopyra toehse ynororo Ritonõpo nenyohtyã poetoryme samo. Mame Ritonõpo omi poe toorihse ynororo kymyakãkõme, orihpyra kuehtohkõme, kypyno xine Ritonõpo exiryke. Mame toorihse exiryke tuisamehxo Jezu tyrise ropa Ritonõpo a. Emero esẽme tyrise eya.