Epezu 2:4 - Ritonõpo Omiry: A Bíblia Sagrada na língua Aparai do Brasil

⁴ Yrome Ritonõpo kuãnohpopyra xine kynexine, kypoko xine toenupunase toexiryke ipunaka.

Epezu 2:4 ပူးပေါင်းရင်းမြစ်များ

Neemia 9:17

‘Arypyra, Õmiry omipona pyra ynanase,’ tykase toto. Tuenikehse toto onyrihpyry poko emero; tuenikehse toh kynexine ajamitunuru enepotopõpyry poko. Toepyryparykõme, imepỹ tymenekase eya xine tutuisarykõme, Ejitu pona toto arotohme ropa, topehke pyra imehnõ namotome toehtohkõme ropa. Yrome omoro, Ritonõpo, yna rypyry korokaneme mase. Kurãme mase, yna pyno exiketyme. Okynã sã yna zehno pyra mase, opoetory tõ pynanopyry enahpyra mana. Morara exiryke toto onurumekara mexiase.

Saumu 145:8

Ritonõpo Kuesẽkõ kure mana, kypyno xine mana; axĩ pyra zekĩtãko mana, kuãnopyrykõ se pyra mana, kypynanopyrykõ sehxo mana.

Saumu 51:1

Ritonõpo, yna pyno exikehpyra oexiryke ajohpãme sã juãnohpyra exiko. Yna pyno oexiryke, iirypyryme jehtopõpyry ikorokako emero.

Saumu 86:15

Yrome omoro mase Ritonõpo yna Esemy, yna pyno Exikety; penekehpyra mase, kure rokẽ mase. Õmihpyry anamonohpyra mase.

Saumu 86:5

Ritonõpo, kure mase, yna rypyry korokãko mase, yna pyno mase, emero oturuketõ oya pyno mase.

Exutu 33:19

Ynara tykase Ritonõpo eya: — Ynara tyrĩko ase. Ytõko ase oẽpataka jezuru imehxo exikety maro. Jesety kurã ekarõko roropa ase onetaryme. Ywy ase Ritonõpo. Imehnõ pyno ase ise jahtao. Imehnõ onuãnohpyra ase ipynanopyrykõ se jahtao.

Izaja 63:7

Kypyno xine Ritonõpo Kuesẽkõ ehtoh ourutorỹko ase: “Kure mase,” ãko ase eya inyrityã pokoino emero; Kure rokẽ kyriatose, kure toexiry poko typoetory tomo a tonepose eya, toto pyno toexiryke, kure toto riry se roropa.

Jeremia 31:3

moino tooehse ywy, osenepose eya xine. Moino ro opyno xine exiase, naeroro opyno xine jehtoh enepõko ro ase oya xine, jũme opyno xine jehtoh exikehpyra mana.

Tanieu 9:9

Yrome yna pynanohneme mase, axĩ yna rypyry korokary se ropa mase yna rypyry poko xihpyry toehse ropa yna ahtao ro.

Jona 4:2

Ynara tykase ynororo: — Ritonõpo, Jesemy, zuaro exiase ynonory poe oehpyra ro jahtao, serara exiry enetuputyase, imehnõ pyno oexiry waro exiase. Morara exiryke jepary se exiase Expania pona! Kure oexiry waro exiase, axĩ pyra iirypyrymãkõ wãnohnõko mase. Penekehpyra mase te, tyyrypyrykõ rumekary se ropa ahno ahtao axĩ ityoromãko mase, toto onuãnohpyra ekurehnõko mase.

Ruka 1:78

Ynara exiryke, kypyno xine Ritonõpo mana, iirypyryme ro kuahtao xine, poeto pitiko pyno jũkõ ehtoh samo. Naeroro xixi ẽmepyry sã mokyro Kypynanohnekõ oehnõko mana.

Romanos 10:12

Ahno poko emero morara ãko Ritonõpo mana, oxisã juteu tõ exiryke juteutõkara maro. Ritonõpo sero põkõ Esẽme mana, emero porehme. Naeroro tonetupuhnanõ akorehmãko mã emero, imaro aotururukohtao.

Romanos 2:4

Tuhke kuãnohpopyra xine mana kyyrypyrykõ poko. Axĩ pyra iirypyrymãkõ wãnohpõko roropa mana, oorypyrykõ rumekary se exiryke oya xine. Opyno xine Ritonõpo mana. Zuaro matose repe. Yrome ynara ãko matose: “Kuãnohpyra xine Ritonõpo mana. Naeroro kyyrypyrykõ poko sehtone,” ãko matose.

Romanos 5:8

Yrome moro motye kuhse kypyno xine Ritonõpo ehtoh mana. Iirypyryme ro kuahtao xine Kyrixtu kynorihne kymyakãkõme, orihpyra kuehtohkõme.

Romanos 9:23

Yrome: “Umũkuru enetupuhnanõ isã exĩko mã toto,” tykase Ritonõpo. Morara exiryke toahmase sytatose eya Jezu enetupuhtohme kyya xine Kuesẽkõme. “Opyno xine ase. Awãnopyrykõ se pyra ase oorypyrykõ poko,” tykase ynororo Tumũkuru enetupuhnanomo a. Kure toexiry enepory se Ritonõpo exiryke morara tykase typyno exiketomo a.

Epezu 1:7

Tymyhpokase sã sytatose, kymyakãkõme Kyrixtu toorihse exiryke. Eya kyyrypyrykõ tukurikase roropa mana, tumunuru ke. Morara exiryke imehnõ kypyno xine exiry motye kypyno xine Ritonõpo mana.

Epezu 2:7

Morara kyriatose Ritonõpo, kure toexiry poko enetupuhpotohme imehnomo a jũme. Imehnõ kypyno xine exiry motye kuhse Ritonõpo kypyno xine exiry mana. Morara exiryke kure kyrikehpyra xine kynexine, Kyrixtu Jezu maro kuehtohkõme, enetuputyryke kyya xine.

Epezu 3:8

Jezu poetoryme ase. Tuisame pyra ase repe. Yrome eya jerohtoh tokarose mana, juteutõkara amorepatohme typoko. Imehnõ motye kuhse Kyrixtu kypyno xine mana, emero kurã ekaroneme toexiryke.

2 Tesaronika 2:13

Wekyry tomo, Kuesẽkõ opyno xine mana. Ritonõpo nymenekatyãme matose moino ro, opynanohtohkõme, okurãkatohkõme roropa Tuzenu a, aomiry enetuputyryhtao oya xine. Morara exiryke: “Kure mase, Ritonõpo,” kary se ynanase kokoro rokene opoko xine.

1 Timoteu 1:14

Yrome ypyno Kuesẽkõ kynexine ipunaka. Kynosenetupuhpone ya. Imehnõ pyno jyripone roropa. Moro sã imehnõ pyno sytatose Jezu Kyrixtu maro kuahtao xine.

2 Timoteu 1:9

Kukurãkatone. Kueahmatone roropa typoetoryme kuehtohkõme. Kynyrihpyrykõ kurã pokoino pyra, typoe rokẽ kueahmatone kure kyrirykõ se toexiryke. Toenupunase kypoko xine toexiryke Tumũkuru Jezu Kyrixtu enehpory se kynexine kukurãkanekõme, moino ro sero nono onyripyra ro tahtao.

1 Peturu 1:3

“Emero motye kure mase,” sykatone Ritonõpo a, Kuesẽkõ Jezu Kyrixtu zumy a. Tumũkuru Jezu Kyrixtu tõsemãkapose ropa aorihxĩpo, kypyno xine toexiryke. Tyjamitunuru tokarose kyya xine tyrisenã sã kuosenetupuhtohkõ ehtohme. Naeroro isene kuexirykõ eraximãko sytatose jũme imaro kuehtohkõme.