Epereu 6:7 - Ritonõpo Omiry: A Bíblia Sagrada na língua Aparai do Brasil

⁷ Otupikõ poko osenetupuhtoko. Konopome ahtao anarykatyãkõ ahtãko mana. Eperytãko mana. Otyro zamaro nono ahtao tãkye exĩko matose. Morararo Ritonõpo, tãkye roropa mana tutupi kurã eneryke tyya.

Epereu 6:7 ပူးပေါင်းရင်းမြစ်များ

Jenexi 1:11

Morarame ynara tykase ynororo: — Awahtako emero rokene, tykase otytyko a, topere exiko tupuhtuke roropa oehtohme! Mame morara toehse kehko.

Jenexi 27:27

Tumy typohse ahtao Jako a zupõ typohse Izake a, Ezau zupony. Mame kure rokẽ Jako tyripose eya. Ynara tykase ynororo: — Aimo, typoxine mase, umũkuru mase jaraõ tupito sã mase, onahpoty typoxine ehtoh samo, kure tyripose ahtao Ritonõpo a.

Saumu 126:6

Mokaro ixitatyã toytorykohtao, ipuhturu puimãko arykatohme, oehnõko ropa mã toto toremiarykõme, tãkye rahkene, tykyrysã enepyryhtao.

Saumu 24:5

Kure rokẽ mokaro rĩko Ritonõpo Kuesẽkõ mana, ipynanohnõko mana, ewomãko roropa mana. “Zae mose mana,” ãko Ritonõpo mana apiakatoh tao.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Ezekieu 34:26

— Kure rokẽ jeky tõ rĩko ase, moroto toto ehtohme jesary ypy kurã zomye. Mame ise toto ahtao konopo kurã enehpõko ase toto pona, itamurume.

Ozeja 10:12

Ynara ase eya xine: “Tupito nonory kasenato ahkatoko, zae ehtoh arykatohme. Mame kure ehtoh apoĩko matose ypyno toehse oexirykõke. Oehtohkõme ropa ya toehse mana. Ywy ase Ritonõpo. Konopo sã kure ehtoh enehpõko ase opona xine, opynanohtorỹko ase.”

Rewitiku 25:21

Ezuhtoh ynara mana: jeimamyry 6mã po kure rokẽ nono rĩko Ritonõpo mana, itamurumehxo ahtãko mana, mame õkyryrykõ apoĩko matose oseruao jeimamyry pune ehtohme.

Marakia 3:10

Ywy, Ritonõpo Jamihmehxo Exikety, ynara tyripõko ase oya xine, okyryrykõ 10me tapoise oya xine ahtao toiro enehtoko ytapyĩ taka, emero porehme, tonahsẽ itamurume nae ehtohme ytapyĩ tao. Kukuhtoko, mame enẽko matose. Osenuhmatoh tonõ etapuruhmakãko ase kapu ae, mame kure ehtoh itamurume enehpõko ase oya xine.

Mateu 7:8

Ynara exiryke kurãkõ ekaroporyhtao Ritonõpo a ekarõko oya xine mana. Ise oehtohkõ zupiryhtao oya xine ekarõko oya xine mana. Ãpuruhpyry etapuruhmakaporyhtao oya xine etapuruhmakãko roropa mana.

2 Timoteu 2:6

Kure tutupi poko erohkety osemazuhme tỹkyryry epery enahnõko, tarykase eya exiryke. Imeĩpo tỹkyryry ekamõko mana imehnomo a.

Tiaku 5:7

Jakorõ tomo, penekehpyra ehtoko Kuesẽkõ eraximary poko. Aepyry ropa momohnõko matose. Tupito esã mã penekehpyra tỹkyryry epery eraximary poko. Konopo oepyry eraximãko mã toto otyro ẽxihtatoh po. Imeĩpo tuãtasehxo otyro ahtao konopo oehnõko ropa mana. Konopo oepyry eraximary poko penekehpyra roropa esã mana.