Epereu 3:15 - Ritonõpo Omiry: A Bíblia Sagrada na língua Aparai do Brasil

¹⁵ Ritonõpo omiryme ynara tymerose: “Seroae Ritonõpo omiry etaryhtao oya xine otato ehtoko. Ekurehpyra ehtoko. Pake atamurukõ ehtopõpyry sã pyra ehtoko. Ahno esao pyra tahtao xine onymoipyra toh kynexine,” me tymerose.

Epereu 3:15 ပူးပေါင်းရင်းမြစ်များ

Saumu 95:7

Kuesẽkõme mana; ipoetoryme sytatose, eky tõme sã sytatose kaneru tomo onahpoty po, inyrihpyry po, kypynanohnekõme mana. Seroae etatoko ke Ritonõpo omiry kyya xine:

Epereu 10:29

Mokaro saaro seromaroro Ritonõpo mũkuru kerekeremananõ nae. Ritonõpo omiry totase eya xine repe: “Umũkuru kynorihne opynanohtohkõme, okurãkarykõ se toexiryke,” kary totase repe. Yrome: “Oty katoh toorihse Ritonõpo mũkuru nae?” ãko mã toto Ritonõpo omiry poihtõko. “Iirypyrymãkõ sã omũkuru kynexine,” ãko roropa mã toto Ritonõpo a ajohpe rokene. Ritonõpo Zuzenu toto pyno repe. Yrome ipoihtõko rokẽ mã toto. Morara exiryke yronymyrymehxo mokaro wãnohnõko Ritonõpo mana Moeze kerekeremahpõkõ wãnohtopõpyry motye kuhse, iirypyrymehxo toto exiryke Ritonõpo kerekeremary poko.

Epereu 10:38

Mame ypoetory tõ kurãkõ isene exĩko mã toto jũme jenetuputyryke eya xine. Yrome jurumekary ropa ahtao toto a, tãkye pyra exĩko ase toto poko,” ãko Ritonõpo. Moro tymerose pake.

Epereu 4:7

“Taroino jomipona ehtoko,” tykase Ritonõpo eya xine repe ayaytorykohtao ahno esao pyra. Yrome aomipona pyra tokurehse toto. Morara exiryke tuhke jeimamyry taropose ahtao morara tykase ropa Ritonõpo. Ynara tymerose Tawi a Ritonõpo omiryme: “Taroino jomiry etaryhtao oya xine, jomipona ehtoko. Ekurehpyra ehtoko,” tykase.