Epereu 2:7 - Ritonõpo Omiry: A Bíblia Sagrada na língua Aparai do Brasil

⁷ Tyrise ynanase oya onenyohtyã ime exiry sã pyra aporo; tuisamehxo tyrise roropa ynanase oya, onyrityã esẽme.

Epereu 2:7 ပူးပေါင်းရင်းမြစ်များ

Saumu 8:5

Tyrise ynanase oya, Ritonõpo, opoetoryme yna ehtohme, yna Esẽ imehxo oehtohme. Yrome tuisame kyriase roropa imehnõ esẽme yna ehtohme.

Saumu 8:6

Ajamitunuru mekaroase yna a, onyrityã esẽme yna ehtohme. Onokyro tõkehko, okyno tõ roropa, yna ekyme toto ehtohme:

Romanos 2:10

Yrome kure imehnõ rihpõkomo a, “Kure mase,” ãko eya xine mana. Kure toto rĩko Ritonõpo mana. Torẽtyke pyra toto rĩko roropa mana, juteu tõ osemazuhme. Morararo juteutõkara roropa.

Romanos 2:7

Toitoine matose kure imehnõ riry poko penekehpyra. Morara awahtao xine kure oexirykõ se matose. “Kure mase. Tuisamehxo roropa mase,” kary etary se matose Ritonõpo a. Orihpỹme oexirykõ se roropa matose jũme. Amarokõ rĩko orihpỹme Ritonõpo mana.

Epereu 2:9

Yrome Jezu poko enetupuhnõko sytatose. Axĩtao rokẽ tuisame hkopyra toehse ynororo Ritonõpo nenyohtyã poetoryme samo. Mame Ritonõpo omi poe toorihse ynororo kymyakãkõme, orihpyra kuehtohkõme, kypyno xine Ritonõpo exiryke. Mame toorihse exiryke tuisamehxo Jezu tyrise ropa Ritonõpo a. Emero esẽme tyrise eya.