Epereu 2:13 - Ritonõpo Omiry: A Bíblia Sagrada na língua Aparai do Brasil

¹³ Ynara tykase roropa ynororo: “Ritonõpo, oenetupuhnõko ase,” tykase. “Taro ase ypoenõ maro, moxiã onekarotyã ya,” tykase Jezu.

Epereu 2:13 ပူးပေါင်းရင်းမြစ်များ

Jenexi 33:5

Mame tomye tõsenuhmase Ezau ahtao, nohpo tõ eneryke tyya ipoenõ maro tõturupose ynororo: — Onokãkõ moxiamo amaro exiketomo? tykase Ezau. — Umũkuru tõ moxiamo Ritonõpo nekarohpyry opoetory a, tykase Jako.

Jenexi 48:9

— Moxiã umũkuru tomo, Ritonõpo nekarotyã ya Ejitu po, tykase Joze. — Enehko toto xiaro ya, tykase Jako, — kure rokẽ toto ripotohme Ritonõpo a.

2 Samueu 22:3

Ritonõpo jesemy, Topu konõto, imaro otonẽnõko ase. Jewomãko mana osewomatoh ke samo; Ypynanohneme jamihmã mana; jewomaneme yyryhmara imehnõ ehtohme.

Saumu 127:3

Omũkurukõ Kuesẽkõ nekaroryme mã toto; inekarory kurãme mã oya xine toto.

Saumu 16:1

Kuewomako, Ritonõpo, oenetuputyryke ya, towomase ywy oya!

Saumu 18:2

Ritonõpo ytopũme konõto nase, jeraseme nase, ytapyĩ jamihmano. Ypynanohneme roropa nase, imaro jexiryke yporemãkasaromepyra jepetõkara mana. Ritonõpo Jesemy jewomãko nase tõsewomatohke jehtohme; ytapyĩme nase, imaro enaromyra ase.

Saumu 91:2

zae ynara ãko eya mana: “Omoro mase ypynanohne, jewomane roropa. Jesẽme mase, Ritonõpo, oenetupuhnõko ase.”

Izaja 12:2

Ypynanohneme Ritonõpo mana; enetupuhnõko ase, mame enaromyra ase exĩko. Yjamihtanohnõko Ritonõpo mana, orẽpyra jehtohme. Ypynanohneme mã ynororo.

Izaja 53:10

Mame ynara tykase Ritonõpo: “Kure ya iiryhmary, sam tykamexipose ynororo ya. Tõsekarose ynororo toorihtohme iirypyrymãkõ rypyry epehpyryme, typakomotyã enẽko mana, jumanatome isene exĩko mana. Ipokoino Ritonõpo osenetupuhtoh zae exĩko mana.

Mateu 27:43

Tosẽme Ritonõpo tonetupuhse eya. Ritonõpo mũkurume tõsekarose roropa ynororo. Naeroro seraximatone. Otarãme Ritonõpo ipynanopyry se exĩko mana, nary rokene, tykase toto.

João 10:29

Jenetupuhponeme mã Papa ypoetory tomo a. Emero motye Papa mana. Imehnõ mã ypoetory tõ onupuxihkara Papa winoino.

1 Korĩtiu 4:15

Ãmorepatõkõ ikuhpỹme tomãse ahtao ro, Kyrixtu omiry poko toiro rokẽ omykõme mana. Tamorepase ya oexirykõke Jezu Kyrixtu tonetupuhse oya xine. Morara exiryke omykõme ase, osemazuhme tamorepase ya oexirykõke.