Epereu 13:6 - Ritonõpo Omiry: A Bíblia Sagrada na língua Aparai do Brasil

⁶ Naeroro oserehpyra sehtone. Ynara sykatone: “Jakorehmaneme Kuesẽkõ mana. Naeroro oserehpyra ase. Yyryhmananõ zuno pyra ase roropa.”

Epereu 13:6 ပူးပေါင်းရင်းမြစ်များ

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

1 Tuisa 17:8

Morara exiryke Ritonõpo ynara tykase Eria a:

Saumu 124:8

Kuakorehmatohkõ oehnõko Ritonõpo poe, kapu Rihpono, sero nono Rihpõme roropa.

Saumu 146:3

Ahno onyripyra ehtoko opynanohnekõme, tuisame toto ahtao ro; opynanohsaromepyra mã toto orihketõme rokẽ toexirykõke.

Saumu 27:9

Otonẽpyra exiko ywinoino. Yzehno pyra exiko; owinoino jaropopyra exiko. Jakorehmahpono, jurumekara exiko, toiroro ynomopyra exiko, Ritonõpo Ypynanohne.

Saumu 33:20

Ritonõpo enetupuhnõko sytatose Kuesẽkõme; kuakorehmanekõme mana, kuewomanekõme roropa.

Saumu 40:17

Ywy ase jamihme pyra te, tytineruke pyra; Ritonõpo axĩ ke osehko ya! Ypynanohneme mase, Jesẽme mase. Axĩ ke kuakorehmako, Jesemy!

Saumu 54:4

Yrome Ritonõpo Jesẽ mã jakorehmaneme mana, Jewomaneme roropa mana, zuaro ase.

Saumu 56:4

Ritonõpo enetupuhnõko ase, eahmãko roropa ase aomihpyry pokoino, kymaro xine toexiry poko. Enetuputyryke ya enaromyra exĩko ase. Yyryhmasaromepyra ahno mana.

Saumu 63:7

jakorehmakehpyra oexiryke. Ãporiry jerutumã ao eremiãko ase jatãkyemaryme.

Saumu 94:17

Jakorehmara Ritonõpo ahtao axĩ toytose jexiry mynyhme ehtoh pona.

Exutu 18:4

Zakorõ esety Erieze kynexine ynara karyke Moeze a: “Ritonõpo, Papa Esemy a takorehmase ywy jetapara Ejitu tõ tuisary ehtohme,” katopo.

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 41:14

Ynara ãko Ritonõpo mana typoetory tomo a: “Pisarara matose jamihme pyra roropa, yrome enaromyra ehtoko; ywy ase Ritonõpo, Izyraeu tõ Esẽ kurano, Opynanohnekõme ase, oewomatorỹko ase.

Mateu 10:28

Imehnõ zuno pyra ehtoko. Kuokokõ etapary waro toh mã repe, yrome kuzenukõ etapary waro pyra mã toto. Ritonõpo zuno rokẽ ehtoko. Kuokokõ etapary waro mã ynororo. Kuzenukõ emary waro roropa mana apotoimo htaka, tykase Jezu typoetory tomo a.

Romanos 8:31

Morohne poko osenetuputyryhtao ynara ãko ase: “Ritonõpo kuakorehmanekõme ahtao, poremãnõko rokẽ kyzehnotokõ mana.”

Epezu 3:12

Kyrixtu maro kuahtao xine Ritonõpo ẽpataka ytõko sytatose. Ihxike pyra roropa sytatose kueanokõ tyjamihtanohse exiryke. Imaro oturũko sytatose tonetupuhse kyya xine exiryke.

Teuteronomiu 33:26

Izyraeu tomo, imepỹ ritõ pyra mana, Ritonõpo rokẽ mana! Jamihme, Tuisamehxo, kapu akuohnõko mana akuru tõ po, ãkorehmatohkõme.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.

Epereu 10:19

Wekyry tomo, kure Ritonõpo a Jezu orihtopõpyry kyyrypyrykõ epehpyryme. Naeroro seromaroro oturũko sytatose topohme Ritonõpo maro kokoro rokene, Jezu nae kuexirykõke. Kuesemarykõme sã Jezu mana Ritonõpo a.

Epereu 4:16

Morara exiryke oserehpyra sehtone. Soturutone Ritonõpo maro, kypyno xine exiryke. Kyyrypyrykõ korokãko mana. Kypyno xine toexiryke jamihme kyritorỹko mana, kyyrypyrykõ poko kyrirykõ se joroko tamuru ahtao.

1 Samueu 23:17

Ynara tykase Jonata: — Enaromyra exiko, Papa Sauu oetapara ekurehnõko mana. Izyraeu esẽme exĩko mase. Mame ãkorehmaneme ase exĩko. Moro waro mã papa, tykase.