Epereu 12:5 - Ritonõpo Omiry: A Bíblia Sagrada na língua Aparai do Brasil

⁵ Wenikehpyra ehtoko Ritonõpo omiry kurã poko. Tumũkurume oekarotorỹko Ritonõpo mana. Ynara ãko: “Aimo, jomipona exiko jetũ oriryhtao ya zomory zuaro oehtohme. Poremãpyra roropa exiko opore turuse awahtao ya.

Epereu 12:5 ပူးပေါင်းရင်းမြစ်များ

Jo 34:31

“Jo, oorypyry epehpyryme oetuarimary ehtoh menetupuhno Ritonõpo ẽpataka. Õmiry etapõko mah eya oorypyry poko pyra ropa oehtohme?

Saumu 118:18

Tuãnohse exiase yronymyryme eya, yrome jorihmapopyra nexiase.

Saumu 119:109

Tahxime orihsasaka ywy ahtao ro wenikehpyra ase õmihpyry poko.

Saumu 119:16

Onyripohpyry tõ yzamaro mana; wenikehpyra ase õmiry poko.

Saumu 119:67

Juãnohpyra ro awahtao azahkuru ehtoh poko exiase, yrome seromaroro õmiry omipona ase.

Saumu 119:75

Ritonõpo, zuaro ase yna apiakary oya zae rokẽ mã ipunaka, tuãnohse roropa exiase oya, ypyno exikehpyra oexiryke.

Saumu 119:83

Uwa eukuru ẽtypyry sã toehse ase iposohkahpyry samo, yrome onymeropohpyry tõ poko wenikehpyra ase.

Saumu 94:12

Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.

Porowepio 3:1

Poetohti, wenikehpyra ehtoko ãmorepatopõpyrykõ poko ya; ynyripotyã oya xine ikurãkatoko okurohtaka xine.

Porowepio 4:5

Tuaro exiko! Zae ehtoh enetupuhko! Wenikehpyra exiko, jomihpyry onurumekara exiko roropa.

Jeremia 31:18

“Ypoetory tõ, Izyraeu tõ kerekeremary etãko ase: Ynara ãko mã toto: ‘Ritonõpo, pui mũkuru sã ynanexiase, ekuremara ro exiketõ samo. Yrome tamorepase ynanexiase oya, õmiry omipona yna ehtohme. Yna enehpoko ropa oya, Ritonõpo, mame oehnõko ropa ynanase oya, yna Esẽme oexiryke.

Ramẽtasão 3:39

Onykerekeremara ehtoko, tuãnohse awahtao xine oorypyrykõ emetakame.

Ruka 24:6

Taro pyra mana. Tõsemãse ropa mana. Aomihpyry poko wenikehpyra ehtoko. Karirea poro tahtao ynara nase ynororo onetarykõme:

Ruka 24:8

Mame moro poko tuaroh tykase ropa toto Jezu omihpyry poko.

1 Korĩtiu 11:32

Yrome: “Popyra matose ya,” ãko Ritonõpo kyya xine kyyrypyrykõ poko kuahtao xine. Kutuarimapotorỹko roropa mana zomory zuaro kuehtohkõme, kyyrypyrykõ poko pyra kuehtohkõme. Morara kuamorepatorỹko Ritonõpo mana apotoimo htaka omõpyra kuehtohkõme tõmipona pyra exiketõ maro.

Karaxia 6:9

Naeroro penekehpyra sehtone imehnõ riry poko kure. Morarame poremãpyra kuahtao xine kurã apoĩko sytatose imeĩpo.

1 Timoteu 1:20

Morara toehse ynaroro Imeneu, Arexãtere maro: “Ah joroko tamuru toto wãnohno, Ritonõpo kerekeremakehtohme sahxo toto a,” ase ipoko xine.

Epereu 12:7

Naeroro oryhmarykohtao, oetuarimarykohtao roropa eanahtotoko. Kumykõ ãmorepatorỹko mana zae oehtohkõme. Moro enetuputyryke oya xine eanahtotoko. Naeroro oetuarimatohkõ otuarõtanohtorỹko mana opyno xine nymyry Ritonõpo ehtoh poko, imũkurume oehtohkõ poko, enara. Typoenõ tuarimapõko jũkõ mana emero. Typoenõ nymyry amorepãko jũkõ mana, azahkuru toto ahtao, zae toto ehtohme.

Epereu 13:22

Wekyry tomo, ynara ãko ase oya xine ajohpãme samo, penekehpyra ehtoko jomiry etary poko. Mytyhse pitiko ynymerohpyry mana. Moro tymerose ya ãkorehmatohkõme, tãkye oehtohkõme, enara.

Tiaku 1:12

Kuetuarimarykohtao poremãpyra sehtone, tãkye rokẽ sehtone. Mame kukuhtopõpyrykõ tõtyhkase ahtao, jũme orihpỹme kyritorỹko Ritonõpo mana, kuepehpyrykõme, poremãpyra toehse kuexirykõke. Kuesẽkõ maro exĩko sytatose, emero ise exiketõ maro. Morara tykase Ritonõpo exiryke tuaro sytatose.

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.