Epereu 12:26 - Ritonõpo Omiry: A Bíblia Sagrada na língua Aparai do Brasil

²⁶ Tõturuse Ritonõpo ahtao sero nono tykytyky tykase. Yrome seromaroro ynara tykase ynororo: “Zomory sero nono rokẽ kara, kapu roropa tykytyky kamexipõko ase, toiro,” tykase.

Epereu 12:26 ပူးပေါင်းရင်းမြစ်များ

Exutu 19:18

Ypy Xinai orexĩtohpã sã kynexine, epona typorohse Ritonõpo exiryke apoto maro. Moro orexĩto tõnuhse apoto konõto erexĩtory samo apotoimo poe samo. Tykytyky tykase toto morohne kurũke.

Izaja 13:13

Moro ẽmepyry ae ywy, Ritonõpo Jamihmehxo Exikety, zehno jehtoh eneporyhtao, awãnopyrykohtao ya, kapu tõkehko tykytyky kamexipõko ase, sero nono syryhmãko roropa ase esary poe.

Izaja 2:19

Tõtonẽtohkõ zupĩko ahno mã toto oramã aka topu tõ ao ypy tõ rãnao, nono ahkãko roropa mã toto, tyzehno xine Ritonõpo ehtoh winoino toepatohkõme repe, Kuesẽkõ saerehkatoh winoino roropa, aepyryhtao sero nono tykytyky kamexipotohme.

Izaja 66:22

Ynara ãko Ritonõpo mana: “Kapu tyrisenano te, nono tyrisenã roropa yjamitunuru poe jũme exikehpyra exĩko mã kehko. Moro saaro opoenomo te, oesetykõ roropa jũme exikehpyra exĩko mana.

Joeu 3:16

Ypy Xião poe opore Ritonõpo oturũko mana, aomiry konomeru sã mana Jerusarẽ poe; nono tykytyky ãko, kapu roropa! Yrome typoetory Izyraeu tõ ewomãko mana.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

Ajeu 2:21

Zoropapeu, Juta tõ kowenatu zurutohme, ynara katohme: — Ywy kapu tykytyky kamexipõko ase, nono roropa.

Ajeu 2:22

Tuisa tõ apõ tõ pahnõko ase, toto jamitunuru enahkapõko ase. Kahu tõkehko etonatoh tahkãko ase, aronanõ enahkapõko ase, kawaru tõ roropa orihnõko mã toto; kawaru po ytoketõ osetapãko mã toto.

Epereu 12:27

“Toiro,” karyke eya, ynara enetupuhnõko sytatose, senohne emero Ritonõpo nyrityã tykytyky ãko. Enahkãko mana. Morarame tykytyky kapỹ rokẽ exĩko mana.

Juize 5:4

Ritonõpo Imehxo Exikety ypy Seia poe tutũtase awahtao, tooehse awahtao roropa Etõ nonory poe, nono tykytyky tykase. Konopo itamurume tooehse kapu ae.