Epereu 11:34 - Ritonõpo Omiry: A Bíblia Sagrada na língua Aparai do Brasil

³⁴ Apotoimo tozehkapose eya xine te, tõsepynanohse roropa toto zehnotokõ toto wory se ahtao. Jamihme pyra toh kynexine repe, yrome jamihme toehse toto. Orẽpyra toehse toto zehnotokõ soutatu maro toto osetaparyhtao. Mokaro soutatu tõ typoremãkapose eya xine.

Epereu 11:34 ပူးပေါင်းရင်းမြစ်များ

1 Tuisa 19:1

Morarame typyty Jezapeu turuse Akape a Eria nyrihpyry poko te, Paau poko urutõ kõ etapatopõpyry poko roropa eya.

1 Tuisa 19:3

Morara kary etaryke tyya enaromỹke toehse Eria. Toepase ynororo tõsepynanohtohme. Typoetory maro toytose ynororo pata Peresepa pona, Juta nonory pona. Moroto typoetory tynomose eya.

2 Tuisa 6:1

Morarame urutõ kõ Eriseu poetory tõ tykerekeremase tamorepanekomo a: — Sẽ tapyi pitiko nase, kupune xine pyra nase, tykase toto.

2 Tuisa 6:32

Mame typoetory tonyohse eya Eriseu enehse. Tytapyĩ tao Eriseu nexiase, Izyraeu tõ tamuximãkõ maro, oturũko. Mame oehpyra ro tuisa nenyokyhpyry ahtao ynara tykase Eriseu tamuximãkomo a: — Mokyro ahno etapahpono a jetapapõko mana seromaroro typoetory a. Tooehse ynororo ahtao sẽ etapuru apurutoko omõpyra aehtohme. Mokyro mykapo tuisa roropa oehnõko mana, tykase.

Jo 42:10

Moromeĩpo tõturuse Jo ahtao tope tõ oseruaõkõ poko, kure rokẽ Jo tyrise ropa Ritonõpo a, imõkomory itamurumehxo tokarose roropa Ritonõpo a.

Jo 5:20

Omise ehtoh konõto toehse ahtao opynanohnõko mana oorikyryino, etonatoh toehse ahtao opynanohnõko mana oetaparyino.

Saumu 124:7

Tonepanohse sytatose, torõ enepanopyry sã apoitoh winoino. Apoitoh tyhmose, imyhpokatyã tõ sã sytatose.

Saumu 144:10

Omoro mase tuisa tõ pynanohneme, Tawi ewomaneme mase onetapara imehnõ ehtohme.

Saumu 6:8

Ameke ehtoko ywinoino, popyra ehtoh poko exiketomo! Ritonõpo Jesemy, jotururu etãko yxitaryhtao;

Saumu 66:12

Yna tytũtũmapose oya yna zehno exiketomo a. Apoto kuroko ynanytoase, tuna kuroko roropa, yrome seromaroro kuenepyatose ropa osa towomaneke exikety pona.

Exutu 18:4

Zakorõ esety Erieze kynexine ynara karyke Moeze a: “Ritonõpo, Papa Esemy a takorehmase ywy jetapara Ejitu tõ tuisary ehtohme,” katopo.

Izaja 43:2

Tuna zuemã rãnakuroko oytoryhtao, amaro ase, nerypyra exĩko mase. Apoto rãnakuroko oytoryhtao zahpyra exĩko mase.

Jeremia 26:24

Yrome towomase jexiryke Aikã, Sapã mũkuru a jekaropyra toh nexiase ahno a jetapatohme.

Ruka 21:24

Toto etapãko imehnõ mana. Typoetoryme opoenõkõ apoĩko roropa imehnõ mana toto arotohme emero pata tõ punero. Morarame Jerusarẽ põkõ enahkapõko Ritonõpo waro pyra exiketõ mana. Ipatarykõ maro toto enahkapõko mã toto. Mame tuarimakehpotoh toehse ahtao, tuarimakehpõko Ritonõpo mana. Enara.

1 Peturu 4:12

Wekyry tomo, opyno xine ase. Oetuarimarykõ itamurumehxo toehse ahtao torẽtyke pyra ehtoko. “Oty katohme etuarimãko hano, imehnõ etuarimara ahtao?” kara ehtoko oseya.

Juize 15:8

Mame tõsetapase mokaro maro orẽpyra samo, tuhkãkõ totapase eya. Morotoino toytose ynororo eutary aka topu konõto Etã po.

1 Samueu 18:11

Mame ynara tõsenetupuhse Sauu: — Mose wõko ase seromaroro ypyre ke, tykase repe. Mame warata tomase eya, jamihme samo Tawi wotohme repe. Imeĩpo tywaratã tomase ropa eya Tawi wotohme repe; yrome tõsepynanohse Tawi asakoro ehtoh pona.

1 Samueu 19:10

Mame tywaratã ke Tawi wory se toehse ynororo repe, yrome Tawi tõsewomase, tapyi apuru rokẽ tuose warata ke. Naeroro tururume toepase Tawi mya ropa.

1 Samueu 20:1

Morarame Tawi toepase urutõ kõ tapyĩ tae, Rama põ poe, Jonata esaka toytose ynororo oturupose. Ynara tykase: — Oty yriahse? Zae rokẽ exiase repe, yrome omy jetapary se nase, tykase Tawi.