Epereu 11:29 - Ritonõpo Omiry: A Bíblia Sagrada na língua Aparai do Brasil

²⁹ Ritonõpo enetuputyryke Izyraeu tomo a tuna konõto Tahpiremã takuohse eya xine. Osemame toehse exiryke nono poro toytose toto. Morarame Ejitu põkomo a toto poenopyryhtao tyneryse toto tuna kuao.

Epereu 11:29 ပူးပေါင်းရင်းမြစ်များ

Neemia 9:11

Tuna konõto tapiakase oya yna tamuru tõ ẽpataka, Tarose toto oya tuna kuroko, osema ae akuohtohme, nono tonorẽ poro. Mokaro ekahmananõ tynerymapose oya zue ao. Tyneryse toto topu neryry samo pohkane konõto kuao.

Saumu 66:6

Nonome tuna konõto tyripose eya. Tupupurukõ po kytamuru tõ toytose tuna akuohse. Moroto tãkye sexiatose inyrihpyry poko.

Saumu 78:13

Tuna konõto tapiakase eya, ikuroko Izyraeu tõ arotohme; pata apuru tõ sã tuna tyripose eya, kaetokohxo.

Exutu 14:13

Yrome toto tozuhse Moeze a. Ynara tykase ynororo: — Oserehpyra ehtoko! Enaromyra ehtoko! Epara ehtoko! Orẽpyra ehtoko. Opynanopyrykõ Ritonõpo a enẽko matose seroae! Mokaro Ejitu põkõ onenezomopyra ropa exĩko matose.

Exutu 14:22

Izyraeu tõ toytose tuna konõto kuroko nono tonorẽ poro. Apuru sã kaetokohxo tuna toehse toto esemary ehpikuroko, apotunuru wino, ipozery wino, enara.

Exutu 14:27

Tomary tanỹse Moeze a tuna epozakoxi. Mame tõmehse ahtao tuna konõto tooehse ropa apitoryme toehtopõpyry samo. Ejitu põkõ tutũtarykõ tukuhse tuna konõto kuae repe. Yrome Ritonõpo a tynerymapose toto tuna kuaka.

Jozue 2:10

Zuaro toehse yna tuna konõto Tahpiremã tapiakase ahtao Ritonõpo a, oesemarykõme, Ejitu poe tutũtase awahtao xine. Tuaro toehse yna roropa tuna Joatão moinõkõ etapatopõpyry poko oya xine, amoreu tõ tuisary tõ, etapatopõpyry poko oya xine, soutatu tõ imoihmãkomo.