Epereu 1:9 - Ritonõpo Omiry: A Bíblia Sagrada na língua Aparai do Brasil

⁹ Zae ehtoh se mase te, zae pyra ehtoh se pyra roropa mase ipunaka. Morara exiryke kymenekase, tãkye ipunaka oehtohme imehxo oehtohme roropa, imehnõ motye kuhse oehtohme,” tykase Ritonõpo Tumũkuru a.

Epereu 1:9 ပူးပေါင်းရင်းမြစ်များ

Saumu 11:5

Tõmiry omipona exiketõ enẽko mana, popyra ehtoh poko exiketõ roropa; imehnõ osanumananõ se pyra Ritonõpo mana ipunaka.

Saumu 119:104

Õmihpyry enetuputyryke ya tuaro exĩko ase, morara exiryke zae pyra ehtoh emero se pyra ase ipunaka.

Saumu 119:128

Morara exiryke anamorepatoh tonõ omipona ase; zae pyra exiketõ nyriry se pyra ase ipunaka.

Saumu 2:2

Sero nono põkõ tuisary tõ typyrekõ rĩko mã toto, kowenu poko erohketõ maro atamorepãko mã toto Ritonõpo epeme pyra toehtohkõme, tuisame inymenekahpyry epeme pyra toehtohkõme roropa.

Saumu 2:6

Ynara ãko mana: “Ynymenekahpyry yriase tuisame japõ po, moroto Jerusarẽ po, ypy Xião kurã po.”

Saumu 23:5

Otuhtoh konõto rĩko sã mase jotuhtohme tomyehmase jahtao jepetõkara a. Oty kara ase toahmase jexiryke oya, tãkye ase oepeme jekaroryke oya, pehme sã ase ukurohtao ypyno oexiryke.

Saumu 33:5

Zae ehtoh sehxo Ritonõpo Kuesẽkõ mana, ajohpe pyra exiketõ jamaro mana; sero nono pehme mana kypyno xine Ritonõpo ehtoh ke.

Saumu 37:28

Zae ehtoh poko exiketõ Kuesẽkõ zamaro mã toto, typoetory ỹme exiketõ onurumekara mana, toto ewomãko mana. Yrome zae pyra ehtoh poko exiketõ pakomotyã enahketõme mã toto.

Saumu 40:8

Õmihpyry omipona sehxo ase, Ritonõpo Jesemy! Jamorepatopõpyry oya ukurohtao mana.”

Saumu 45:6

Tuisame oehtoh, Ritonõpo nekarohpyryme oya, jũme exikehpyra mana. Zae rokẽ erohnõko mase tuisame oehtoh poko.

Saumu 45:7

Zae ehtoh pyno mase, popyra ehtoh se pyra mase ipunaka. Morara exiryke Ritonõpo Oesemy a tymenekase mexiase, oya tãkye ehtoh ekaroase imehnõ tuisa tomo a inekarohpyry motye.

Saumu 89:20

Ypoetory Tawi tymenekase ya tuisame ehtohme typopase ynororo azeite ke ykyryry kurã ke.

Saumu 89:26

Mame ynara ãko ya mana: ‘Omoro mase papame ya, Ritonõpo Jesemy, topuimome mase ypynanohneme.’

Porowepio 8:13

Ritonõpo omipona awahtao popyra ehtoh se pyra mase. Oepyrypary se pyra ase ipunaka te, imehnõ motye kure osekarory roropa, popyra ehtoh poko se pyra roropa ase te, omi ajohpe ehtoh se pyra ase, enara.

Izaja 61:1

Ritonõpo Imehxo Exikety a Tuzenu tokarose ya, tymenekase jexiryke eya omi kurã arotohme tymõkomokãkara a. Tonyohse ywy eya typoremãkase aexityã ãkyematohme. Tonyohse ywy eya imehnõ namoto tõ myhpokatoh ropa ekarotohme, ãpuruhpyry taõkõ tũtatoh ekarotohme roropa.

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Izaja 61:8

Ynara ãko Ritonõpo mana: “Zae imehnõ riry yzamaro mana, ematonanopyry se pyra ase ipunaka, imehnõ ryhmary roropa. Anamonohpyra ase, kurã ke rokẽ ypoetory tõ epehmãko ase, jũme jomiry etapõko ase roropa eya xine.

Amoxi 5:15

Popyra ehtoh se pyra ehtoko, zae ehtoh se rokẽ ehtoko. Imehnõ ewomatoko ajohpãkomo a ihxiroryhtao apiakane ẽpataka. Otarame Ritonõpo Oesẽkõ, Jamihmehxo Exikety oekyry tõ akoĩpyry pyno exĩko mana.

Zakaria 8:17

Osenetupuhpyra ehtoko okurohtao xine imehnõ ryhmary poko oya xine. Ajohpe õmirykõ onetapopyra ehtoko, Ywy, Ritonõpo morohne se pyra jexiryke ipunaka.

Ruka 4:18

“Kuesẽkõ Ritonõpo Zuzenu ymaro mana, tymenekase jexiryke eya imehnõ amorepaneme, etuarimaketõ amorepaneme, tõmiry kurã poko. ‘Totapuruhmakase ropa matose,’ kase tonehpose ywy ãpuruhpyry taõkõ sã exiketomo a. ‘Tonure ropa matose,’ kase tonehpose roropa ywy tonurãkara a. Ataosanumaketõ osanumakehpose ropa tooehse ywy.

João 1:41

Axĩ toytose Ãtare turui zuruse: — Kyrixtu ynaneneno, tykase ynororo eya. (“Kyrixtu” kary “Ritonõpo nymenekahpyry, Kukurãkanekõme” kary.)

João 10:17

— Papa Kapuaõ mã ypyno, jorikyry se jexiryke aomi poe. Imeĩpo mã jẽsemãkapõko ropa ypyno toexiryke.

João 20:17

— Apoipoito pyra exiko. Onuhpyra ro ase Papa a. Morara exiryke ytoko. Jakorõ tõ zuruta ypoko. “Jezu eneno,” kaxita toto a. “Ytõko mã rahkene Tumy a, Kumykomo a, Ritonõpo a, Kyrihpõkomo a,” kaxita, tykase Jezu nohpo a.

João 3:34

Ritonõpo nenyokyhpyry zae Ritonõpo omiry ekarõko mana, Ritonõpo Zuzenu nae toexiryke.

Atos 10:38

Seromaroro amarokõ roropa Jezu waro exĩko matose. Ritonõpo a Tuzenu tokarose eya emero zuaro ehtohme. Morarame toytoytose ynororo. Ahno poko toenupunase. Joroko nyryhmatyã tukurãkase ropa eya, kurãkõkara roropa, Ritonõpo imaro exiryke.

Atos 4:26

Sero nono põkõ tuisary tõ atamorepãko mã toto Ritonõpo maro osepeme pyra toehtohkõ poko, inymenekahpyry maro osepeme pyra toehtohkõme roropa.”

Atos 4:27

— Morararo taro nase Jerusarẽ po seromaroro, tykase Peturu Ritonõpo a. — Erote tuisame nase. Põtiu Pirato kowenatume roropa nase. Mokaro oximõme Roma põkõ maro Izyraeu tõ maro Omũkuru zehno.

Romanos 12:9

Ajohpe pyra ehtoko imehnõ pyno oexirykõ poko. Oorypyrykõ zehno ehtoko. Zae se rokẽ ehtoko.

Romanos 15:13

Ritonõpo poe kure kuehtohkõ eraximãko sytatose. Naeroro ynara ãko ase Ritonõpo a opoko xine: “Papa Kapuaono, opoetory tõ ãkyemapoko, torẽtyke pyra tyriko toto oenetuputyryke eya xine. Mame Ouzenu jamitunuru ke orẽpyrahxo tyriko toto, kure toehtohkõ eraximary poko,” ãko ase opoko xine.

1 Korĩtiu 1:9

Zae rokẽ Ritonõpo mana kyya xine. Eya toahmase matose, Tumũkuru marõme oehtohkõme, Jezu Kyrixtu Kuesẽkõ epeme oehtohkõme.

2 Korĩtiu 11:31

Ritonõpo zae jehtoh waro mana. “Papa Kapuaono, imehnõ motye kure mase,” kakehpyra sehtone Ritonõpo a, Kuesẽkõ Jezu zumy a.

Karaxia 5:22

Yrome Ritonõpo Zuzenu oesẽkõme ahtao ynara sã exĩko matose, imehnõ pyno exĩko matose. Atãkyemãko matose roropa. Torẽtyke pyra exĩko matose. Penekehpyra roropa matose. Enupunãko matose roropa imehnõ poko. Kure rokẽ imehnomo a matose. Kuesẽkõ omipona matose.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

Piripo 2:9

Morara exiryke emero motye tuisamehxo Jezu tyrise Ritonõpo a, tymaro aehtohme. Tuisa esety ke tosehpase roropa ynororo Ritonõpo a ime aexiry enetupuhtohme imehnomo a emero.

Epereu 2:11

Kuesemazupurukõme toexiryke kukurãkatorỹko mana, kyyrypyrykõ korokãko roropa mana, Kumykõme roropa Jũ ehtohme. Naeroro ihximyra mana tyekyryme kuehtohkõ poko.

Epereu 2:9

Yrome Jezu poko enetupuhnõko sytatose. Axĩtao rokẽ tuisame hkopyra toehse ynororo Ritonõpo nenyohtyã poetoryme samo. Mame Ritonõpo omi poe toorihse ynororo kymyakãkõme, orihpyra kuehtohkõme, kypyno xine Ritonõpo exiryke. Mame toorihse exiryke tuisamehxo Jezu tyrise ropa Ritonõpo a. Emero esẽme tyrise eya.

Epereu 7:26

Naeroro Jezu kuakorehmanekõme mana. Ritonõpo maro Oturukety imehxo mana. Kure mana. Tyyrypyhpyke pyra mana ipunaka. Azahkuru pyra mana, enara. Tapiakase mana iirypyrymãkõ wino. Ritonõpo esaka tõnuhse, kapu moinakoxi.

1 Peturu 1:3

“Emero motye kure mase,” sykatone Ritonõpo a, Kuesẽkõ Jezu Kyrixtu zumy a. Tumũkuru Jezu Kyrixtu tõsemãkapose ropa aorihxĩpo, kypyno xine toexiryke. Tyjamitunuru tokarose kyya xine tyrisenã sã kuosenetupuhtohkõ ehtohme. Naeroro isene kuexirykõ eraximãko sytatose jũme imaro kuehtohkõme.

1 João 1:3

Yna a enetopõpyry poko ourutorỹko ynanase, aomiry etatopõpyry poko roropa ourutorỹko ynanase osepeme kuehtohkõme, Kumykõ maro, Imũkuru Jezu Kyrixtu maro.

Apokaripxi 2:15

Morararo imehnõ amaro mã toto, nikoraita tõ namorepahpyry omipona exiketomo.