Epereu 1:8 - Ritonõpo Omiry: A Bíblia Sagrada na língua Aparai do Brasil

⁸ Yrome Tumũkuru poko ynara tymeropose Ritonõpo a: “Ritonõpome mase. Tuisame oehtoh exikehpyra mana jũme. Zae oexiryke ipunaka tuisa kurãme mase.

Epereu 1:8 ပူးပေါင်းရင်းမြစ်များ

2 Samueu 23:3

Ritonõpo, Izyraeu tõ esẽ tõturuse, Izyraeu ewomane juruase: Zae ehtoh ke typoetory tõ akorehmaryhtao tuisa a, ise Ritonõpo ehtoh riry poko typoetory tõ akorehmaryhtao eya,

Saumu 145:13

Tuisame oehtoh jũme mana, emero esẽme oehtoh exikehpyra mana. Ritonõpo Kuesẽkõ tõmihpyry ae ro emero rĩko mana, anamonohpyra mana emero riryhtao eya.

Saumu 72:7

Ah zae ehtoh poko exiketõ nemã toto isene ro mokyro ahtao. Ah osetapara nexĩ toto, kure rokẽ toto ehtohme ezurume nuno nae ro ahtao.

Saumu 99:4

Tuisa orẽpyra Exikety, zae ehtoh sehxo mase; Izyraeu tomo a zae ehtoh tonehpose oya, ajohpe pyra ehtoh tyripose roropa oya, jamihme pyra exiketõ ewomatohme eya xine.

Izaja 45:25

Yrome ywy, Ritonõpo, Jako pakomotyã emero pynanohnõko ase, mame jeahmãko mã toto.”

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Jeremia 38:15

Ynara ase eya: — Ajohpe pyra jotururuhtao oya, jetapãko mase; zae ehtoh poko turuse ya awahtao, otato pyra exĩko mase.

Ozeja 1:7

Yrome Juta tõ pyno exikehpyra exĩko ase. Ywy roro Ritonõpo Oesẽkõ toto pynanohnõko ase. Yrome moro onyripyra ase etonatoh ke: taky ke pyra, pyrou tõ maro, tapema ke pyra, kawaru tõ ke pyra, kawaru po ytoketõ ke pyra, enara.

Zakaria 13:9

Mame mokaro aoxinamatyã aropõko ase apoto kuroko. Toto kurãkãko ase parata kurãkary samo. Toto kuhnõko ase, uuru kukuru samo. Mame oturũko mã toto ya, ywy roropa toto ezuhnõko ase. Ynara ãko ase eya xine: ‘Ypoenõme matose.’ Mame jezuhnõko mã toto: ‘Yna Esẽme mase, Ritonõpo.’ ”

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Marakia 3:1

Ritonõpo Jamihmehxo Exikety ynara ãko: — Jomiry arone aropõko ase osemazuhme jesemary kurãkatohme. Mame Oesẽkõ eraximaryhtao oya, axĩ oehnõko mana Tytapyĩ taka. Ritonõpo omiry arone enery se oehtohkõ oehnõko mana. Ynetapohpyry ekarõko mana.

Mateu 1:23

“Oryximã poetoẽme exĩko, orutua maro exipitopyra ro tahtao. Mame enurũko mana orutuame, esety Emanueume exĩko,” tykase ynororo Ritonõpo poe pake. (“Emanueu” kary: “Ritonõpo kymaro xine mana” kary epereu omiry ae.)

Ruka 1:75

“Ãkorehmatorỹko ase kure oehtohkõme zae rokẽ oehtohkõme yneneryme, oorikyrykõ ponãmero,” tykase Ritonõpo Aparão a, tykase Zakaria toremiaryme.

João 10:30

Papa ime exiry ime jexiry samo. Oxisã ynanase.

João 10:33

Ynara tykase juteu tomo: — Ajamitunuru enepory pokoino pyra oetapary se ynanase. Ritonõpo ime exiry ime oexiry sã pyra mana. Ahnome rokẽ mase. Yrome Ritonõpome osekarõko mase, epyrypãko rokẽ mase, tykase toto eya.

João 20:28

— Jesẽ mase. Ritonõpome mase, tykase Tome.

Romanos 9:5

Aparão tõ pakõme toh mana. Kyrixtu roropa toto ekyryme toehse, ahnome tonuruse exiryke. “Tuisamehxo mase Ritonõpo. Emero esẽme mase. Kure mase,” sykatone eya kokoro rokene. Jũme morara kakehpyra sehtone, enara.

1 Korĩtiu 15:25

Mame tuisa konõtome Kyrixtu exĩko. Zehno exiketõ poremãkapõko Ritonõpo mana. Toto jamitunuru enahkapõko roropa mana. Kyrixtu omipona exĩko mã toto emero.

Teuteronomiu 2:37

Amonita tõ nonory pona omõpyra sexiatose, pata tõ roropa tuna Japoke ehpikuroko te, pata tõ roropa ypy tõ nonory po, imehnõ pata tõ roropa omõpyra sexiatose, morohne taka kuẽmapopyra xine Ritonõpo exiryke.

Teuteronomiu 7:14

Imehnõ sero nono põkõ motye kure oritorỹko Ritonõpo mana. Amarokõ emero tumũkue exĩko matose, oeky tõ roropa emero tumũkue exĩko mã toto.

1 Timoteu 3:16

Ajohpe pyra nase. Ynara enetupuhnõko sytatose, osemazuhme tuaro pyra Jezu poko sexiatose repe, yrome Ritonõpo kutuarõtanopyatose. Tumũkuru tonehpose ahnome. Iirypyryme pyra tonepose mokyro Ritonõpo Zuzenu a. Tonese roropa Ritonõpo nenyohtyamo a, kapuaõkomo a. Tokarose ahno tomo a, juteutõkara a roropa. Tonetupuhse roropa mokaro a. Moromeĩpo tarose ropa ynororo kapu aka.

2 Peturu 1:11

Morarame Ritonõpo omipona oexirykõke: “Ymaro ehtoko,” ãko Kuesẽkõ Jezu Kyrixtu oya xine mana. “Jũme tuisame exĩko matose ymaro,” ãko mana. “Kure ya mana tuisame oexirykõ ymaro,” ãko oya xine kypynanohnekõ mana.

1 João 5:20

Ynara zuaro roropa sytatose, Ritonõpo mũkuru tooehse kyya xine tuaro kuehtohkõme, Ritonõpo waro roropa kuehtohkõme. Ritonõpo nymyry maro sytatose. Imũkuru maro roropa sytatose, Jezu Kyrixtu maro. Mokyro mã Ritonõpome nymyry. Mokyro maro orihpyra exĩko sytatose jumãme.