Ekereziaxti 7:2 - Ritonõpo Omiry: A Bíblia Sagrada na língua Aparai do Brasil

² Kurehxo oytory imehnõ tapyĩ taka, aorihtyã hnamoryme, kure hkopyra oseahmatoh taka oytory mana. Aorihtyã hnamotoh tao wenikehpyra exĩko sytatose ẽmepyry oehnõko mana kuorihtohkomo. Moro poko wenikehpyra kuexirykõ kure mana.

Ekereziaxti 7:2 ပူးပေါင်းရင်းမြစ်များ

Saumu 90:12

Yna amorepako okynã pyra isene yna ehtoh poko taro, tuaro yna ehtohme yna kurohtao.

Ekereziaxti 2:14

Tuaro exiketõ toytorykõ enẽko mã toto. Yrome tuaro pyra exiketõ ikohmamyry ae ytoytõko mã toto. Mãpyra zuaro ase kure ehtoh te, popyra ehtoh roropa oehnõko tuaro exiketomo a putupyra exiketomo a roropa.

Ekereziaxti 2:16

Tuaro exiketõ tuenikehsẽme exĩko, putupyra aexityã samo. Imeĩpo emero porehme tuenikehsẽme exĩko sytatose. Orihnõko sytatose emero, tuaro exiketomo, putupyra exiketomo, enara.

Ekereziaxti 3:19

Etyhpyryme oxisã orihnõko mã toto, ahno, okyno, onokyro roropa. Ahno osewomara mana orihpyra ehtohme. Oxisã oseremãko mã toto isene ehtohme. Enẽko mase, toiparo rokẽ mana.

Ekereziaxti 3:20

Ahno, onokyro sã, toorihse ahtao nonome exĩko ropa mana. Nono poe tyrise toto. Nonome exĩko ropa mã toto.

Ekereziaxti 6:6

Mokyro orutua motye oseahmapitopyra exikety, asakoro miu jeimamyry taropose ahtao eya. Etyhpyryme ytõko mã asakoro ro aorihtyã esaka.

Ekereziaxti 9:2

Yrome otara kara sytatose. Emero rokẽ oehnõko mana zae exiketomo a, ajohpe exiketomo a roropa; kurãkomo a, popyra exiketomo a roropa; enetupuhnanomo a, onenetupuhpynomo a roropa; tynenehpyry enehnanomo a, onenehpyra exiketomo a roropa. Oxisã exĩko mana kure ehtoh poko exikety a, iirypyryme exikety a roropa; tõmiry etapone a, onetapopyra exikety a roropa.

Ekereziaxti 9:3

Oxisã exĩko mana ahno a emero. Moro popyra mana ipunaka sero nono po. Ahno isene ahtao ikurohtao xine pehme mã toto popyra ehtoh ke, rowohpe ehtoh ke. Mame mõtoino rokẽ orihnõko mã toto.

Ekereziaxti 9:5

Ajohpe pyra, isene exiketõ toorikyrykõ oepyry waro mã toto, yrome toorihse ahtao zuaro pyra ipunaka. Epehpyry anapoipyra ropa exĩko mã toto. Tuenikehsẽme exĩko roropa mã toto.

Izaja 47:7

Jũme tuisame oexiry poko tõsenetupuhse mexiase repe, ynyriry poko osenetupuhpyra mexiase, sero etyhpyry poko osenetupuhpyra roropa mexiase.

Jeremia 16:8

— Imehnõ tapyĩ taka omõpyra exiko roropa oseahmatoh nae ahtao moro tao. Porohpyra exiko mokaro maro, otuhpyra exiko, eukuru onẽpyra roropa exiko toto maro.

Ajeu 1:5

Osenetupuhtoko! Otara toehse oya xine nae?

Marakia 2:2

Oesẽkõme imehxo jyripyra awahtao xine, ynyripohpyry omipona pyra roropa awahtao xine, popyra ehtoh enehpõko ase opona xine. Kure ehtoh riporyhtao oya xine moro myakamãko ase popyra ehtoh ke. Moro tyripose ya pake, imehxo jyripyra toehse oexirykõke.

Numeru 23:10

Jako pakomotyã putoh katoh sã mã toto; tuhke mã toto, ikuhpỹme. Jorikyry se ase mokaro Ritonõpo poetory tõ samo. Jorikyry se ase torẽtyke pyra, ajohpe pyra exiketõ samo.”

Mateu 5:4

— Oxitarykohtao oorypyrykõ poko oorypyrykõ rumekary se oexirykõke, tãkye exĩko ropa matose. Ritonõpo poe xitara exĩko ropa matose.

Teuteronomiu 32:29

Tuaro toto ahtao, enetuputyry oty katohme tonahkase toto, zuaro roropa toto exiry oty katohme tuãnohse toto ya.

Teuteronomiu 32:46

ynara tykase ynororo: — Osenetupuhtoko senohne emero poko, ãmorepatopõpyrykõ poko ya seroae. Emero tymerose Ritonõpo nyripohpyryme omipona opoenõkõ ripotohme oya xine.

Piripo 3:19

Typenetatohkõ poko se rokẽ mã toto. Ritonõpo oneahmara mã toto. Ihximyra mã toto tyyrypyrykõ kahpyry poko. Ipoko epyrypãko mã toto kure ehtoh poko samo. Senohne poko osenetupuhnõko mã toto, onenetupuhpynõ penetatoh poko tõkehko osenetupuhnõko mã toto. Naeroro ameke rokẽ exĩko mã toto Ritonõpo a. Etuarimatoh taka omõnõko mã toto.

Epereu 9:27

Toipe sytatose. Emero porehme orihnõko sytatose toiro. Moromeĩpo kuapiakatorỹko Ritonõpo mana.