Ekereziaxti 2:4 - Ritonõpo Omiry: A Bíblia Sagrada na língua Aparai do Brasil

⁴ Ynyrihpyry tõ imehxo tyrise ya. Tapyi tõ yriase ytapyĩme, tupito tõ arykase uwa zoko ke.

Ekereziaxti 2:4 ပူးပေါင်းရင်းမြစ်များ

Jenexi 11:4

Mame ynara tykase toto: — Seromaroro pata syritone, tapyi kaetokohxo exikety roropa, akurũ pona ehtohme. Morara kuahtao xine orẽpyra exĩko sytatose kuaro xine exĩko imehnõ mana emero. Atahpahpyra roropa sytatose sero nono poro.

2 Samueu 18:18

Orihpyra ro tahtao topu risẽ tyrise Apisarão a Tuisamãkõ esary po jakanahmã po, typoko wenikehpyra imehnõ ehtohme. Ynara tõsenetupuhse ynororo: “Tumũkue pyra jexiryke sero topu esehpãko ase jesety ke.” Seroae ro moro poko: “Apisarão nyrihpyry,” ãko mã toto inyrihpyry poko.

1 Tuisa 15:19

“Osepeme sehne kumykõ ehtopõpyry saaro. Sero parata, uuru maro ynekaroryme mana oya. Naeroro tuisa Paasa epeme pyra exiko, Izyraeu esemy. Mokyro anakorehmara awahtao, ytõko ropa mana ynonory poe tosaka ropa.”

1 Tuisa 9:1

Morarame tõtyhkase Saromão ahtao Ritonõpo Tapyĩ riry poko te, tytapyĩ konõto riry poko te, emero tyriry se aehtyã riry poko,

1 Koronika 27:27

Tupito tõ po uwa tõkehko arykary poko: Ximei, Rama pono. Uwa eukuru riry poko, ikurãkary poko roropa: Zapiti, Sepã pono.

2 Koronika 26:10

Kaetoko exiketõ osenuhmatohme tyrise roropa eya ona po. Tuna pẽkamã kehko tyrise eya, tuhke pui tõkehko nae exiryke, ypy tõ myhto, jakanahmã po roropa. Tupito poko erohketõ tuhke nae roropa nexiase, uwa arykary poko te, tỹkyryry poko ypy tõ po te, tupito tõ po, otyro zamaro nono exiryke, tutupi sehxo toexirykõke.

2 Koronika 8:11

Mame typyty, Ejitu tuisary ẽxiry tarose Saromão a Tawi Patary poe tytapyĩ konõto, tynyrihpyry taka. Ynara tykase ynororo: — Mokyro exisaromepyra mana Tawi tapyĩ konõto tao, Izyraeu tõ esemy. Ritonõpo omiry ẽ esahpyry emero kurãme mana, Ritonõpo esaryme.

Saumu 49:11

Ekepyrykõ zonẽtoh tonõ itapyĩkõme exĩko mana jũme; moroto exikehpyra exĩko mã toto nono itamurume esemỹpyryme toto ahtao ro.

Kãtiku 1:14

Ypyno exikety otyro ekuru sã mana ona po, uwa tõ esao roropa Keti po.

Kãtiku 7:12

Owõnõko sytase pakeimo, uwa zoko tõ enese. Otarame exipitõko mana. Otarame ekutapitõko mana, imehnõ wewe tõ roropa. Otarame romãzeira tõ ekutãko mana. Moroto opyno jehtoh ekarõko ase oya.

Izaja 5:1

Eremiãko ase onetaryme jepe kurã poko, inarykahpyry uwa zoko tõ poko: Tupito tyrise jepe a uwa tõ arykatohme. Esary tymenekase eya nono kurã moroto exiryke.

Tanieu 4:30

Mame ynara tykase ynororo: — Zumo potu sero pata Papironia! Yjamitunuru ke senohne tyrise ya tuisa konõto esaryme, tuisa imehxo jehtoh enepotohme imehnomo a, orẽpyrahxo jexiryke.