Atos 7:9 - Ritonõpo Omiry: A Bíblia Sagrada na língua Aparai do Brasil

⁹ — Morarame kytamurukomo a takorõkõ tokarose imehnomo a jehno toexirykõke. Ejitu pona tarose ynororo. Yrome Ritonõpo imaro kynexine.

Atos 7:9 ပူးပေါင်းရင်းမြစ်များ

Jenexi 39:2

Kure rokẽ Joze tyrise Ritonõpo a, imaro exiryke. Tosẽ Potipaa tapyĩ tao Joze kynexine, emero poko emese kure kynexine.

Jenexi 39:5

Morara exiryke, Joze pokoino, kure rokẽ Potipaa tapyĩ tyrise Ritonõpo a, imõkomory maro te, itupi tõkehko maro.

Jenexi 45:4

Ynara tykase Joze eya xine: — Osehtoko xiaro ya, ajohpãme samo. Ameke hkopyra toehse toto eya, mame tõturuse ro ynororo eya xine: — Ywy ase Joze, ãkorõkomo, onekarohpyrykomo, Ejitu pona onenehpohpyrykõ ase.

Saumu 105:17

Yrome orutua tonyohse osemazuhme esety Joze, ekarohpyry imepỹ namotome.

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 43:2

Tuna zuemã rãnakuroko oytoryhtao, amaro ase, nerypyra exĩko mase. Apoto rãnakuroko oytoryhtao zahpyra exĩko mase.

Ajeu 2:4

Yrome orẽpyra exiko, Zoropapeu! Orẽpyra exiko, Jozue! Sero nono põkomo emero, orẽpyra ehtoko! Erohtoko, ywy ase Ritonõpo, Jamihmehxo Exikety, amaro xine ase.

Mateu 27:18

Tuaro Pirato kynexine. Jezu zumoxike toexirykõke Jezu tapoise juteu tõ tamuxiry tomo a aorihmapotohme. Moro waro Pirato kynexine.

1 Korĩtiu 13:4

Imehnõ pyno jahtao penekehpyra ase kure toto ehtoh eraximary poko. Kure rokẽ toto rĩko ase. Imehnõ pyno jahtao zumoxike pyra ase toto poko. Osenynanohpyra ase. Ypoko oseahmara ase. Epyrypara roropa ase imehnõ motye jehtoh poko.