Atos 7:5 - Ritonõpo Omiry: A Bíblia Sagrada na língua Aparai do Brasil

⁵ Ritonõpo onesaripopyra Aparão a repe. Yrome ynara tykase ynororo eya: “Sero imeĩpo ekarõko ase oya oesaryme, oesahpyo apakõ esaryme roropa toorihse awahtao,” tykase Ritonõpo Aparão a tumũkue pyra ro ahtao.

Atos 7:5 ပူးပေါင်းရင်းမြစ်များ

Jenexi 12:7

Moroto tõsenepose Ritonõpo Aparã a. Ynara tykase ynororo eya: — Sero nono ekarõko ase apakomotyamo a. Moroto apoto apõ tyrise Aparã a, Ritonõpo eahmatohme, moroto tõsenepose eya exiryke.

Jenexi 13:15

Sero nono emero onenehpyry ekarõko ase oya, apakomotyamo a roropa jũme oesarykõme ehtohme.

Jenexi 15:18

Morara toehse ahtao tõmiry totapose Ritonõpo a Aparã a, ynara tykase eya: — Ajohpe pyra, jomihpyry ae ro sero nono ekarõko ase apakomotyamo a, Ejitu ehpio poe tuna Eupyrati pona,

Jenexi 16:2

Mame ynara tykase Sarai tynio, Aparã a: — Umũkuru onekaropyra Ritonõpo ya tokurehse. Naeroro ypoetory maro exiko. Otarame mose ae tumũkue exĩko ase, tykase. Aparã ỹme kynexine Sarai omiry tymoise eya,

Jenexi 17:8

Sero nono ekarõko ase oya, apakomotyamo a roropa. Seromaroro katonõme rokẽ matose taro. Sero nono Kanaã emero ekarõko ase jũme apakomotyã esaryme ehtohme, mame ywy toto Esẽme exĩko ase.

Jenexi 23:4

Ynara tykase ynororo eya xine: — Katonõme ase ononorykõ po. Naeroro oya xine osa pitiko epekatyry se ase ypyty ekepyry zonẽtohme, tykase Aparão.

Jenexi 26:3

Tehme rokẽ exiko sero nono po, amaro exikehpyra exĩko ase, kure rokẽ orĩko ase. Apakomotyamo a sero nono ekarõko ase porehme, jomihpyry ae ro omy, Aparão a.

Neemia 9:8

Ỹme aexiry oya, tonese oya. Õmihpyry metapoase eya. Sero nono ekarõko ase Aparão a, makene: Kanaã põkõ nonory, heteu tõ nonory, amoreu tõ nonory, perizeu tõ nonory, jepuseu tõ nonory, kirikaseu tõ nonory, ipakomotyã esaryme ehtohme. Morara tyrise oya, omihpyry ae ro, ekurehpyra oexiryke.

Ezekieu 33:24

— Ahno mũkuru, pata tõ tytohkase exiketõ põkõ Izyraeu nonory po ynara ãko mã toto: “Aparão toiro rokẽ kynexine. Mame sero nono emero tokarose eya. Tuhke sytatose seromaroro, naeroro kuesarykõme toehse mana.”

Teuteronomiu 10:11

Mame ynara tykase Ritonõpo ya: “Owõko ty! Izyraeu tõ aroko moro nono apoitohme tosarykõme ynekarory jomihpyry ae ro atamuru tomo a.”

Teuteronomiu 11:9

Mame okynahxo isene exĩko matose moro nono po, otyro zamaro exikety, nono kurano, Ritonõpo nekarory tõmihpyry ae ro, aomiry totapose ahtao kytamurukomo a, ipakomotyamo a roropa toto esaryme.

Teuteronomiu 2:5

osetapara oehtohkõme toto maro. Mokaro nonory onekaropyra exĩko ase oya xine, ipunaka, Ezau pakomotyamo a Etõ nonory tokarose ya exiryke.

Teuteronomiu 34:4

Mame ynara tykase Ritonõpo eya: — Jomiry etapoase Aparão a, Izake a, Jako a roropa sero nono ekarory poko ya ipakomotyamo a. Moro enepõko ase oya enetohme oya oenuru ke, yrome moro pona eporehkara exĩko mase.

Teuteronomiu 9:5

Moro nono anapoipyra matose kure oehtohkõ pokoino, zae oexirykõke pyra roropa. Yrome mokaro ahno popyra exiryke toto aropõko Ritonõpo mana owinoino xine, tõmihpyry totapose roropa exiryke kytamurukomo a: Aparão te, Izake te, Jako roropa.