Atos 7:10 - Ritonõpo Omiry: A Bíblia Sagrada na língua Aparai do Brasil

¹⁰ Toenupunase ipoko. Tutuarimakehpose eya. Morarame Ejitu esẽ Joze se toehse, tuaro aexiryke. Esety Parao kynexine. Joze kowenatume tyrise eya tytapyĩ esẽme roropa.

Atos 7:10 ပူးပေါင်းရင်းမြစ်များ

Jenexi 39:21

Yrome Ritonõpo imaro kynexine, kure rokẽ tyrise ynororo eya, ãpuruhpyry esẽ zamaro toehse ynororo.

Jenexi 42:6

Kowenatume Joze exiryke Ejitu po, tonahsã ekamoneme kynexine ynororo imeimehnomo a, tooehse toto ahtao imehnõ nonory poe. Toeporehkase Joze rui tõ ahtao tosekumurukõ po typorohse toto Joze ẽpataka, tõmytykõ nono pokoxi tyrise roropa eya xine.

Jenexi 44:18

Mame eponaro toytose Juta, Joze maro oturuse: — Tuisa, ajohpãme sã oturuxi amaro. Yzehno pyra exiko. Sero nonory esẽme mase.

Jenexi 48:16

Kure rokẽ toto tyripoko onenyokyhpyry a, ypynanohtopõpyry samo, moro sã moxiã ewomako. Ypoko wenikehpyra tyripoko toto, tam Aparão poko te, papa Izake poko roropa wenikehpyra toto ehtohme. Tumũkue tuhke tyriko toto, typakõke roropa sero nono po,” tykase ynororo.

1 Tuisa 8:50

Iirypyrykõ ikorokako ropa, õmiry omipona pyra toto ehtopõpyry roropa, onyryhmara toto tyripoko epetõkara a.

Saumu 22:24

Tymõkomokãkara onurumekara mana, wenikehpyra roropa mana toto etuarimatopõpyry poko. Otonẽpyra ynororo toto wino, yrome ezuhnõko mana tykohmase ahtao eya xine.”

Saumu 37:40

Toto akorehmãko mana, toto pynanohnõko roropa mana; tõsewomaporykõke roropa eya xine Ritonõpo a toto ewomãko mana zehnotokõ poe.

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Porowepio 2:6

Kuesẽkõ mokyro tuaro ehtoh ekaroneme kyya xine; Aomiry poe tuaro exĩko sytatose, enetupuhnõko roropa sytatose.

Porowepio 3:4

Morara awahtao Ritonõpo zamaro exĩko mase; ahno zamaro exĩko roropa mase.

Jeremia 39:12

— Ytoko Jeremia enehse, ipyno exiko. Tomeseke exiko ipoko, ise ynororo ehtoh ekaroko eya.

2 Timoteu 4:18

Kuesẽkõ ypynanohnõko mana yyryhmaryhtao pohnomo a. Mame orẽpyra tosaka jarõko mana. Moero mã emero esẽme mã ynororo. “Kure Ritonõpo mana, kakehpyra sehtone.” Morara kary kure mana.

Tiaku 5:11

Tãkye rokẽ toh mana seromaroro, zae rokẽ Ritonõpo omipona toehse toexirykõke orihpyra ro tahtao xine. Toetuarimase toto itamurume Ritonõpo omipona toexirykõke. Yrome onurumekara toto. Morararo toehse Jo. Toetuarimaryhtao penekehpyra toehse ynororo, Ritonõpo a kure tyripory ropa eraximary poko. Imeĩpo kure Jo tyrise ropa Ritonõpo a tõseanahtose itamurume exiryke. Morara exiryke soseanahtotone ropa. Kypyno xine ipunaka Ritonõpo mana. Kuãnopyrykõ se pyra roropa mana.

Apokaripxi 7:14

— Kũ, omorohko, zuaro mase, tykase ywy eya. Mame ynara tykase ynororo ya: — Moxiã poremãpyra exiketomo. Toanahtose toto a etuarimatoh konõto toehse ahtao. Kaneru mũkuru etapary sã toorihse Ritonõpo mũkuru. Moro enetuputyryke moxiamo a tukurikase toto Ritonõpo a upo kurikary sã kyya xine.