Atos 4:4 - Ritonõpo Omiry: A Bíblia Sagrada na língua Aparai do Brasil

⁴ Mame Peturu tõ otururu totase tyya xine exiryke Jezu tonetupuhse imoihmãkomo a tosẽkõme. Tuhke Jezu poetoryme toehse toto, 5.000me.

Atos 4:4 ပူးပေါင်းရင်းမြစ်များ

Jenexi 49:10

Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

Izaja 45:24

Zurũko mã toto, ynara ãko: Ritonõpo rokẽ mã tyjamitunuru ekarõko kyya xine orẽpyra kuehtohkõme. Yzehno aexityã emero toehxirosẽme exĩko mã toto, ehxirõko mã toto jẽpataka.

Izaja 53:12

Naeroro imehxo exiketõ maro osa kurã ekarõko ase eya, epehpyry apoĩko mana toerohtamitume, orẽpyrahxo exiketõ maro, tamoreme tõsekarose aexiryke toorihtohme iirypyrymãkõ maro. Pohnõ rypyhpyry wãnohtoh tapoise eya, mame: ‘Mokaro rypyry ikorokako, Papa, ajohpãme samo,’ tykase ynororo.”

João 12:24

Zae rokẽ ynara ãko ase oya xine, oxinase puhturu ke mã anarykara ahtao nono aka, ahtara mã ekurehnõko. Emãpyra roropa mana. Mãpyra tarykase ahtao nono aka ahtãko mana. Emãnõko roropa mana. (Morara tykase Jezu toorikyry poko, tõsemamyry ropa poko roropa, tonetuputyry poko tuhkãkomo a, enara.)

Atos 2:41

Morarame mokaro a Jezu tonetupuhse Peturu omiry etaryke tyya xine. Tõpurihkase toto Peturu tomo a. Moro ẽmepyry ae tuhke tomãse toto Jezu poetoryme, 3.000me.

Atos 2:47

— Ritonõpo kure mana, tykase toto. Tãtãkyemase toto. Jerusarẽ põkomo a tyyrypyrykõ turumekase Jezu omipona toehtohkõme. Kokoro rokẽ Jezu poetory tomãkapose Ritonõpo a.

Atos 28:24

Aomiry etaryke tyya xine: “Ajohpe pyra,” tykase toto emero pyra, tonetupuhse eya xine exiryke. Yrome imehnõ onenetupuhpyra toh tokurehse.