Atos 2:7 - Ritonõpo Omiry: A Bíblia Sagrada na língua Aparai do Brasil

⁷ Tõsenuruhkase toto tõmirykõ ae Jezu poetory otururuke. — To! Otãto yna omiry waro toehse matou?

Atos 2:7 ပူးပေါင်းရင်းမြစ်များ

Mateu 21:11

— Mokyro urutono, Jezu Nazare pono, Karirea rãnaono, tykase imehnomo, imoihmãkomo.

Mateu 26:73

Morarame okynã pitiko ahtao, orutua kõ roropa toytose Peturu a. — Ajohpe pyra, mokyro marõme roropa mase. Õmiry etaryke yna a oenetupuhnõko ynanase, tykase toto.

Mateu 8:10

— To! tykase Jezu morara kary etaryke tyya. Mame ynara tykase Jezu imoihmãkomo a: — Etatoko pahne, mose juteu kara. Yrome jenetupuhnõko nase yronymyryme. Ipanõ onenepitopyra ywy taro juteu tõ rãnao.

Maku 1:27

Mame tõsenuruhkase moro taõkõ emero. — Enẽko matose tyoro inamorepatary. Orẽpyra mana. Joroko tõ tũtanohpory ropa waro roropa ynororo, tykase toto oxime rokene.

Maku 2:12

Mame kuranõpokara towõse ropa totuety tapoe. Totuety tarose ropa eya. Mame tutũtase ropa ynororo tapyi tae imoihmãkõ neneryme. Mame tõsenuruhkase toto. — To! tykase toto. — Kure Ritonõpo imehxo. Mose ro panõ onenepitopyra sytatose, tykase toto.

João 7:52

— To, omoro roropa tokoh mã Karirea pono? Ritonõpo nymeropohpyry poko atamorepako, zuaro oehtohme. Karirea po mã Ritonõpo poe urutõ mã enurupyra sãtã mana moroto, tykase toto.

Atos 1:11

— Karirea põkomo, oty katohme kakoxi osenuhmãko ro matou, kapu enẽko? Mokyro Jezu taroino arohpyry, moro saaro oehnõko ropa mana, kapu aka tonuhtopõpyry saaro, tykase toh aeporehkatyamo.

Atos 2:12

Moroto toh kynexine tõsenuruhkarykõ poko. Toepohnohse toto. — Oty moro? tykase toh tõturupose.

Atos 2:8

Karirea põkõ amarokõ repe. Yrome yna omiry waro amarokomo!