Atos 12:9 - Ritonõpo Omiry: A Bíblia Sagrada na língua Aparai do Brasil

⁹ Morarame tutũtase ropa Peturu Ritonõpo nenyokyhpyry maro. Yrome tuaro pyra rokẽ kynexine. Tuamekaro rokene.

Atos 12:9 ပူးပေါင်းရင်းမြစ်များ

Jenexi 45:26

Ynara tykase toto eya: — Joze isene ro mana! Kowenatume mana Ejitu tõ esẽme porehme! — Ajohpe! Atahmãkara ehtoko, tõserehse ynororo.

Jenexi 6:22

Mame moro tymoise Noe a, Ritonõpo omihpyry ae porehme.

Saumu 126:1

Kuenepyrykõ ropa ahtao Kuesẽkomo a Jerusarẽ pona osenehketõ sã sexiatose.

João 2:5

Mame tapyi esẽ poetory tomo a ynara tykase Jezu eny: — Mose omipona rokẽ ehtoko, umũkuru omipona, tykase ynororo eya xine.

Atos 10:17

Morarame Peturu toepohnohse tynenehpyry poko. Aemynyhmary rohtao Koneriu nenyohtyã toeporehkase toto. — Otokohkoh Ximão tapyĩ nae? tykase toto osema taõkomo a. — Seny, tykase toto.

Atos 10:3

Morarame Koneriu a Ritonõpo nenyokyhpyry tonese tõsenety, xixi tywykahme ahtao. Morarame ynara tykase sã ynororo eya: — Koneriu, tykase.

Atos 11:5

— Jope po exiase oturũko Ritonõpo maro. Morarame otuato panõ enease josenety. Nyhtoase sã kapu ae yneneryme. Mame typorohse ymyhtokoxi.

Atos 12:8

— Ometỹ eary imyhko. Asãtajã roropa amuruko, tykase ynororo Peturu a. Mame tõtupohtose ropa ynororo rahkene. — Ymaro eropa, tykase ynororo eya.

Atos 26:19

— Morara tykase exiryke ya Jezu omipona ase, kapu ae aotururu totase ya exiryke.

Atos 9:10

Mame Jezu poetory moroto kynexine Tamaxiku po, esety Anania. Mokyro a tõsenepose Jezu aosenety. Ynara tykase sã ynororo: — Anania, tykase. — Otara ãko ma Tuisa? tykase ynororo.

Epereu 11:8

Ritonõpo enetuputyryke Aparão a, aomipona toehse ynororo. Tykohmase ahtao Ritonõpo a, imepỹ pona aytotohme, tosae toytose ynororo. Ritonõpo nekarory apoise toytose. Aza aytotohme? Zuaro pyra kynexine. Toytose. Toytose.