Apokaripxi 7:10 - Ritonõpo Omiry: A Bíblia Sagrada na língua Aparai do Brasil

¹⁰ Opore tõturuse toto. Ynara tykase: — Ritonõpo a typynanohse sytatose, tapõ po iporotyhpyry a. Kaneru mũkuru a roropa tukurãkase sytatose, tykase toto.

Apokaripxi 7:10 ပူးပေါင်းရင်းမြစ်များ

Saumu 115:1

Oya rokene, Ritonõpo yna Esemy, oya rokene, yna a pyra, “Kure mase,” ãko ynanase eremiãko, yna pyno oehtoh anamonohpyra oexiryke.

Saumu 3:8

Orẽpyra kyritorỹko Ritonõpo Kuesẽkõ mana. Kure rokẽ opoetory tõ tyriko, Ritonõpo.

Saumu 37:39

Zae ehtoh poko exiketõ pynanohnõko Kuesẽkõ mana, toto ewomãko mana popyra ehtoh toehse ahtao.

Izaja 43:11

Ywy ro rokẽ Ritonõpome ase, ywy rokẽ opynanopyrykõ waro ase.

Izaja 45:15

Ritonõpo, Izyraeu tõ Esẽ mã typoetory tõ pynanohneme exikety, ahno wino otonẽnõko mana.

Izaja 45:21

Osekarotoko apiakatoh tao; oturutoko oseya ise awahtao xine. Onoky a tokarose pake, senohne poko? Ywy exiase, Ritonõpo, typoetory tõ pynanohne; imepỹ ritõ pyra mana.

Jeremia 3:23

Imehnõ neponãmary kuakorehmara xine ipunaka toahmase toto ahtao kyya xine, kui kui karyke ypy tõ emory po. Ritonõpo rokẽ, Kuesẽkomo, Izyraeu tõ akorehmary waro mana.

Ozeja 13:4

Ynara ãko Ritonõpo mana: — Ywy, Ritonõpo Oesẽkõme ase oenehtopõpyrykõ poe ya Ejitu poe. Toiro rokẽ ase, Oesẽkomo. Juaro matose, imepỹ ritõ pyra mana. Ywy ro rokẽ Opynanohnekõme ase.

Jona 2:9

Yrome ywy oeahmaryme eremiãko ase. Oya ynekarory ekarõko roropa ase. Jomihpyry ae ro, kure orĩko ase Ypynanohneme oexiryke, Ritonõpo, Jesemy.”

Zakaria 4:7

— Zoropapeu ẽpataka ypy tõ kaehxo exiketõ ona topohmãme exĩko. Topu imehxo exikety Ritonõpo Tapyĩ kyryry enehnõko mana, esaka tyritohme. Moro eneryke kohtãko mã toto: “Kure potu! Kure potu mana!” ãko.

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Ruka 3:6

Morarame kypyno xine Ritonõpo ehtoh enẽko imehnõ mana, Ritonõpo nymenekahpyry enẽko, kypynanohnekomo,’ ãko mana,” me tymerose Izaja ekepyry a pake.

João 1:29

Yrokokoro Jezu oepyry tonese João a. Ynara tykase ynororo: — Kaneru mũkuru kurã etapãko mã toto Ritonõpo maro oturuketomo. Yrome Ritonõpo nymenekahpyry mose ro, kaneru mũkuru sã mose orihnõko mana, nono põkõ rypyry korokatohme.

João 1:36

Jezu ytory eneryhtao tyya ynara tykase João typoetory tomo a: — Ritonõpo nymenekahpyry mose ro. Kaneru mũkuru sã mose orihnõko mana, nono põkõ rypyry korokatohme, tykase João.

João 4:22

Samaria põkõ matose. Oneahmahpyrykõ waro nymyry pyra matose. Yrome yna juteu tõ asã xine pyra. Ritonõpo waro ynanase juteu tõ poe sero põkõ kurãkane tõtumakase exiryke.

Epezu 2:8

Naeroro tamoreme opyno xine Ritonõpo toexiryke typynanohse matose. Okurãkatorỹko roropa mana kure oexirykõ pokoino pyra. Jezu enetuputyryke rokẽ oya xine okurãkatorỹko mana. Topehke pyra, tynekarory kurã sã, Tumũkuru tonehpose aorihtohme, okurãkatohkõme.

Apokaripxi 12:10

Morarame omi etase ropa kapu ao, opore exikety. Ynara nase: — Seromaroro kypynanohtorỹko Ritonõpo mana. Seromaroro tyjamitunuru enepõko mana, tuisamehxo toexiryke. Seromaroro Inymenekahpyry tuisame toexiry enepõko mana. Ynara exiryke, kuakorõkõ hxirone tomase exiryke kapu ae. Ritonõpo ẽpataka toto hxirõko nexiase saereme, koko, enara. Mokyro tomase kapu ae.

Apokaripxi 19:1

Moromeĩpo tuhkãkõ omiry panõ etase ropa, opore exikety kapu ao. Ynara nase: — Kure Ritonõpo mana, kypynanohnekõme mana, tuisame kuhse mana, orẽpyra roropa mana.

Apokaripxi 21:5

Mame ynara nase tapõ po typorohse exikety: — Seromaroro emero tyrĩko ase tyrisenãme, tykase. Ynara nase roropa ya: — Moro imeroko, ajohpe pyra exiryke, zae rokẽ mana, tykase.

Apokaripxi 22:3

Pohnõ pyra mã moro pata po, Ritonõpo zamaro pyra exiketõ pyra mana. Ritonõpo apõ moroto mana. Kaneru mũkuru apõ roropa mã moro pata po. Mame: — Kure mase, ãko eya ipoetory tõ mana.

Apokaripxi 4:6

Moroto tuisa apõ etonie ikuhpo konõto panõ nexiase, kutehi akusasamã panono. Akusasame kuhse nexiase. Tuisa apõ myhto isene exiketõ nexiase asakoropane. Tonure tuhke toh nexiase, ẽmytykõ poko, ĩparykõ poko, enara.

Apokaripxi 5:7

Mame pape apoise kaneru mũkuru nytoase tapõ po iporotyhpyry emary poe.