Apokaripxi 6:14 - Ritonõpo Omiry: A Bíblia Sagrada na língua Aparai do Brasil

¹⁴ Mame osenepyra toehse kapu, pape amemyry samo. Ypy tõ tysyryhmase esae xine, ahmõta tõ roropa esae xine tysyryhmase.

Apokaripxi 6:14 ပူးပေါင်းရင်းမြစ်များ

Saumu 102:26

Sero nono kapu roropa enahnõko mã kehko, yrome omoro jũme isene exikehpyra exĩko mase. Sero nono kapu roropa atahnikaketyme sã mã kehko, upo samo. Mokarohne myakamãko mase upo myakãmary samo, typahsẽme exĩko mã kehko.

Izaja 34:4

Xixi te, nuno roropa, xirikuato tõ roropa enahnõko mana, kapu amẽnõko mana pape samo tamẽse ahtao. Xirikuato tõ epukãko mã kehko kapu ae, uwa ary epukary samo, wikeira ary sã roropa.

Izaja 54:10

Otarame ypy tõ ohpahnõko mã kehko emorymã tõ roropa, yrome opyno jehtoh jũme exikehpyra exĩko mana, omi ynetapohpyry ae ro jũme osepeme exikehpyra exĩko sytase.’ ” Morara ãko Ritonõpo mana opynoto.

Jeremia 3:23

Imehnõ neponãmary kuakorehmara xine ipunaka toahmase toto ahtao kyya xine, kui kui karyke ypy tõ emory po. Ritonõpo rokẽ, Kuesẽkomo, Izyraeu tõ akorehmary waro mana.

Jeremia 51:25

Papironia, ypy sã mase, sero nono emero porehme enahkaponeme mase, yrome ywy, Ritonõpo, oepekara ase. Papironia apoĩko ase, esary pipahmãko ase. Nono pona emãko ase. Orunome toto rĩko ase.

Ezekieu 38:20

Kana tõ emero, torõ tõ roropa te, onokyro tõ okyno tõ roropa inunomo te, zumo pyra exiketõ maro te, ahno tõ emero, sero nono po tykytyky ãko mã toto juno toehtohkõke. Ypy tõ epukãko mã kehko, topu tõ tytohkasẽme exĩko, apuru tõ emero epukãko mã kehko.

Naum 1:5

Ritonõpo ẽpataka, ypy tõ tykytyky ãko mana, somohmã tõ atakuhmõko mã kehko. Oseneporyhtao nono tykytyky ãko, ipõkõ emero nono pona epukãko mana.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

Apakuke 3:6

Totypohse ynororo ahtao, nono tykytyky ãko mana; ahno enẽko mana imeimehnõ nono põkomo, enaromỹke exĩko mã toto. Ypy tõ pake exiketõ kywyh kywyh ãko mã kehko, somohmã epukãko mã kehko, moino ro exiketomo, aytoryhtao moro po, apitorymã poe.

2 Peturu 3:10

Yrome Kuesẽkõ oehnõko mana. Tuamekaro rokẽ tapyi esẽ ahtao omato oehnõko mana. Moro saaro onenetupuhpynõ tuamekaro ahtao Kuesẽkõ oehnõko ropa mana. Aepyry ropa ahtao kapu osenepyra exĩko mana, panaikato maro. Kapuaõkõ xixi tõkehko zahnõko mã kehko, enahnõko mã kehko. Sero nono tõkehko roropa osenepyra exĩko mana.

Apokaripxi 16:20

Ahmõta emero osenepyra toehse, ypy tõ roropa tonahse.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.

Apokaripxi 21:1

Morarame kapu enease tyrisenano. Nono roropa tyrisenã enease. Pakatokõ kapu nono maro osenepyra toehse. Tuna konõto pyra nexiase roropa.