Apokaripxi 6:10 - Ritonõpo Omiry: A Bíblia Sagrada na língua Aparai do Brasil

¹⁰ Opore ynara nase toto: — Yna esẽme mase. Orẽpyrahxo exiketyme mase. Kure mase ipunaka. Zae roropa mase. Otãto ise ro nono põkõ apiakatohme oya nae toto wãnohtohme, yna mỹpotohme oya? nase toto.

Apokaripxi 6:10 ပူးပေါင်းရင်းမြစ်များ

Jenexi 4:10

Mame ynara tykase Ritonõpo eya: — Oty katoh sẽ sã mano? Ãkorõ metapano? Nono ae imunuru xitãko mana ynetaryme. Kui ãko sã ya mana tymỹpotohme.

Saumu 119:84

Otara ahtao ywy opoetory oeraximakehnõko hano? Otara ahtao mokaro wãnohnõko mah, jyryhmananomo?

Saumu 13:1

Ritonõpo Jesemy, jũme ypoko tuenikehse mahno? Otara ahtao otonẽkehnõko mah, oẽmyty enetohme ropa ya?

Saumu 35:17

Otãto ise ro hma, Ritonõpo, enẽko rokẽ mahno? Kuewomako mokaro winoino atatapoiryhtao yporemãkatohme. Kypynanohko mokaro reão tomo a jesekaryino.

Saumu 79:10

Otyme kure imehnõ nonory põkõ ynara ekaropory opoko: “Otoko hnae Oesẽkomo?” Ritonõpo, ajohpame sã mokaro wãnopyry enery se ynanase opoetory tõ etapahpõkomo.

Saumu 9:12

Wenikehpyra Ritonõpo mana taosanumase exiketõ poko; pusuhkatoh poko eya xine wenikehpyra mana, imehnõ osanumary se exiketõ wãnohnõko mana.

Izaja 61:2

Tonyohse ywy ynara katohme: Ritonõpo poetory tõ pynanohtoh toehse mana. Typoetory tõ zehno exiketõ poremãkapõko mana. Tonyohse ywy xitaketõ emero emuhkehkatohme,

Ramẽtasão 3:64

Ritonõpo, mokaro epehmako zae rahkene, zuãnohko toto inyrihpyrykõ emetakame.

Tanieu 12:6

Toiro mokyro tõturupose Ritonõpo nenyokyhpyry a, tupoke karimutumã ke, inikahpozakoxi. Ynara tykase ynororo eya: — Otara ahtao morohne, osenuruhkatoh otyhkãko nae?

Tanieu 8:13

Imeĩpo Ritonõpo nenyohtyã asakorõkõ otururu etase, tõturupose toiro, ynara tykase: — Otãto ehtoh morohne exĩko nae? Otãto nuno aropõko moro nuriame ehtoh okyno zahkatoh po kokoro rokene? Otãto nuno Ritonõpo Tapyĩ tykararahsẽme exĩko nae, Ritonõpo poetory tõ typoremãkase roropa nahe?

Zakaria 1:12

Mame ynara tykase Ritonõpo nenyokyhpyry: — Ritonõpo Jamihmehxo Exikety, 70me jeimamyry taropose Jerusarẽ põkõ poko tohne toehtoh poko, Juta patary tõ põkõ maro. Otãto ise ro mokaro pyno oehtohme ropa?

Ruka 2:29

Seromaroro õmihpyry ae ro onenehpohpyry enẽko ase rahkene, orihpyra ro jahtao. Amonohkara mase. Jenuru ke nymyry onenehpohpyry enẽko ase, sero nono põkõ pynanohneme. Morara exiryke tãkye ase. Torẽtyke pyra exi rahkene jorikyry poko.

Ruka 21:22

Morara ahtao morotõkõ wãnohnõko Ritonõpo mana, tynymeropohpyry ae ro.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.

Epereu 12:24

Jezu a tooehse matose, omi kurã kasenato ekarone a. Kukurãkatamitukõ topehmase Jezu a tumunuru ke. Apeu etapatopõpyry poko osenetupuhnohtao emỹpory poko osenetupuhnõko sytatose. Yrome Jezu orihtopõpyry poko kuosenetuputyrykohtao tyoro osenetupuhnõko sytatose. Iirypyrymãkõ kurãkary poko osenetupuhnõko sytatose. Naeroro Jezu orihtopõpyry kure kuhse kyya xine mana.

2 Peturu 2:1

Pake urutõ kõ ajohpãkõ toeporehkase juteu tõ rãnaka. Ritonõpo omiry poko amorepatõme tõsekarose toh repe. Ajohpe rokẽ toh kynexine. Mokaro saaro ajohpãkõ eporehkãko mana oesaka xine. Ãmorepatorỹko toh mã repe azahkuru rokene, ohtomapotohkõme rokene. Kuesẽkõ omiry se exiketõ enekunohnõko mã toto. Tosẽkõ Jezu enetuputyry se pyra exĩko mã toto. Naeroro topohme etuarimatoh taka toto aropõko Ritonõpo mana jũme toto etuarimatohme.

Apokaripxi 11:18

Awaro pyra exiketõ ozehno toehse mã toto, tuãnohtohkõ toehse exiryke, aorihtyã apiakatoh toehse exiryke roropa. Opoetory tõ epehmatoh toehse roropa, toto erohtamitume, urutõ kõ maro, emero opoetory tõ roropa, tuisamehxo exiketomo, tuisame pyra exiketomo. Emero ouno exiketõ epehmatoh toehse. Sero nono ryhmananõ enahkatoh toehse roropa mana,” nase toto.

Apokaripxi 18:20

Atãkyematoko kapuaõkomo, mokaro enatyry poko. Atãkyematoko Ritonõpo poetory tomo, inymenekatyã roropa imehnõ amorepananõme. Ritonõpo poe urutõ kõ roropa atãkyematoko. Mokaro tuãnohse eya oryhmatamitukõme.

Apokaripxi 18:24

Papironia põkõ tuãnohse kynexine urutõ kõ totapase eya xine exiryke, Ritonõpo poetory totapase roropa eya xine, imehnõ totapase roropa sero nono põkõ eya xine, enara.

Apokaripxi 19:2

Zae mana, kure roropa mana imehnõ apiakary poko. Mokyro nohpo iirypyryme exikety tuãnohse eya iirypyryme sero põkõ tyrise exiryke eya, toto poko toehse exiryke. Mokaro tuãnohse Ritonõpo a typoetory totapase eya xine exiryke, nase mokyro.

Apokaripxi 3:10

Jomihpyry poko: ‘Penekehpyra ehtoko,’ katopõpyry omipona oexirykõke oewomatorỹko ase, sero põkõ etuarimatoh toehse ahtao. Zae toto ehtoh kuhtohme sero põkõ emero etuarimãko mã toto.

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Juize 16:28

Mame tõturuse Sãsão Ritonõpo a, ynara tykase ynororo: — Ritonõpo Jesemy, wenikehpyra exiko ypoko. Ajohpãme sã jamihme kyriko ropa seroae rokene. Kuakorehmako seromaroro pirixteu tõ etapatohme jemỹpotohme jenuru posohkatopõpyry emetakame.

1 Samueu 24:12

Ritonõpo kuapiakãko mana, zae pyra exikety wãnohnõko mana. Ynoro rokẽ oepehmãko mana zae pyra onyrihpyry poko ya. Yrome ywy oetapara ase.