Apokaripxi 4:8 - Ritonõpo Omiry: A Bíblia Sagrada na língua Aparai do Brasil

⁸ 6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.

Apokaripxi 4:8 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Saumu 91:1

Ritonõpo a ytokety osewomatohme, tehme roropa ynororo ahtao Jamihmehxo exikety maro,

Exutu 15:11

Imepỹ ritõ apanõ pyra mana, Ritonõpo! Onoky nae kurano, Imehxo Exiketyme apanono? Onokãkõ tyjamitunuru ke tyrĩko nae, typoetory tõ ewomãko roropa nae?

Exutu 3:14

Ynara tykase Ritonõpo: — Ywy ase. Jesety Ywy Ase, tykase. Mame ynara tykase roropa: — Ynara ãko mase eya xine: “Ywy Ase jenehpoase oya xine.

Izaja 13:6

Oxitatoko, okohtatoko opore, Kuesẽkõ ẽmepyry ameke pyra toehse exiryke; enahkatoh ẽmepyry Ritonõpo Jamihmehxo Exikety poe.

Izaja 62:1

Jerusarẽ põkõ pyno ase ipunaka, morara exiryke jarao oturukehpyra ase; oseremara ase ozehnotokõ poremãkary eraximaryme, orẽpyra oehtohkõ saerehkatohme xixi samo, opynanopyrykõ saerehkatohme aritu zatyry samo, koko.

Ezekieu 1:18

Moro pupu tõ parihmã ehpio tonure nexiase tuhke.

Ezekieu 1:5

Tyryrykane konõto rãnao onokyro tõ 4mãkõ enease. Ahno sã nexiase toto,

Ezekieu 1:6

yrome taporihke toh nexiase. Toirõ onokyro tõmyhke nexiase 4me te, taporihke roropa 4me. Oxisã toh nexiase mokaro 4mãkomo.

Ezekieu 10:12

Tonure tuhke nexiase zoko poko, ĩpary poko, emary poko, aporiry poko, ipupuru tõ poko roropa, enuru tuhke nexiase.

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Atos 20:31

Naeroro, tomeseke ehtoko, osenekunohpopyra oehtohkõme. Wenikehpyra ehtoko roropa ãmorepatopõpyrykõ poko ya. Oseruao jeimamyry kuamorepatose kokoro rokene. Oxixikariase opoko xine.

2 Korĩtiu 6:18

Omykõme exĩko ase. Umũkurume exĩko matose, jẽxiryme roropa,” tykase Kuesẽkõ Jamihmehxo Exikety. Morara tymerose urutõ komo a pake Ritonõpo omiryme.

1 Tesaronika 2:9

Wekyry tomo, ỹme ynanexiase yna erohtoh poko. Wenikehpyra ro hmatou yna erohtopõpyry poko serãtu ritopõpyry poko yna a. Saereme, koko ynanerokuase õkyryrykõ enahpyra ehtohme, Ritonõpo nekarohpyry Jezu Kyrixtu ãmoreparykohtao yna a.

1 Timoteu 4:16

Tomeseke exiko zae rokẽ oehtohme. Orẽpyra exiko zae rokẽ imehnõ amorepary poko roropa. Morara awahtao osepynanohnõko mase, oetananõ pynanohnõko roropa mase.

2 Timoteu 4:2

Ritonõpo omiry ekaroko imehnõ netaryme. Ekurehpyra exiko. Jezu apoiry se toto ahtao, amorepako toto. Apoiry se hkopyra toto ahtao aomiry ekaroko rokẽ toto netaryme. Pohnõ zuruko tyyrypyrykõ poko pyra toto ehtohme. Ãkyemapoko toto. Amorepako toto Ritonõpo omiry poko. Penekehpyra ke exiko roropa toto amorepary poko.

Epereu 13:8

Jezu Kyrixtu etyorõmara mana. Pake aehtopõpyry saaro Jezu ehtoh mana seromaroro. Morara exikehpyra roropa mana. Naeroro onenetupuhkehpyra sehtone.

Apokaripxi 1:4

Ynymerohpyry moro onenerykõme, Jezu poetory tõme matose, 7me pata põkõme matose Azia rãnao. Ywy ase João. Oturũko ase Ritonõpo a opoko xine. Ritonõpome mana, moino ro kynexine, jumãme exikehpyra roropa mana. Ynara ãko ase eya opoko xine: “Kure rokẽ opoetory tõ tyriko Papa. Torẽtyke pyra tyriko toto,” ãko ase. Ritonõpo Zuzenu a kure oriporykõ se ase roropa, Ritonõpo apõ ẽpataka exikety a, torẽtyke pyra oehtohkõme.

Apokaripxi 1:8

“Ywy ase Ame, Zme roropa. Apitorymãme, etyhpyrymãme, enara,” ãko Kuesẽkõ Ritonõpo mana. Emero tyriry waro exiketyme ynororo. “Ywy ase seromaroro. Pake exiase. Jũme exikehpyra ase roropa,” ãko mana.

Apokaripxi 11:17

Ynara nase toto: “Yna esẽme mase Ritonõpo, imehxo oexiryke. Seromaroro yna esẽme ro mase. Moinoronato mase yna esẽ roropa. Kure mase orẽpyra oexiryke, ajamitunuru mapoiase. Tuisame exipitõko mase!

Apokaripxi 14:11

Moro apoto erexĩtory, toto wãnohtoh erexĩtory onuhkehpyra exĩko mana jũme. Etuarimakehpyra mã toto, saereme, koko roropa, onokyroimo kure ekaronanomo, inyrihpyry kahpyry kure ekaronanõ roropa, esety merohpõkõ roropa typokona xine. Mokaro etuarimakehpyra mã toto, tykase ynororo.

Apokaripxi 14:3

Xikihme nexiase toto Ritonõpo apõ myhto, isene exiketõ asakoropane exiketõ maro, tamuximãkõ maro. Tyrisenã eremiatoh poko toremiase toto. Moro eremiatoh waro pyra imehnõ mana. Mokaro rokẽ zuaro, 144.000mãkomo, topekahse toh mokaro Jezu a, sero põkõme ro toto ahtao ro.

Apokaripxi 15:3

Eremiãko roropa toh nexiase Moeze, Ritonõpo poetory nymerohpyry ae. Kaneru mũkuru poko eremiãko roropa toh nexiase. Ynara nase toto: “Papa Kapuaono, Ritonõpo imehxo mase. Onyrityã kure kuhse mana. Orẽpyra mase. Pata tamuru esẽ mase. Zae mase. Ajohpe pyra mase onyrityã poko.

Apokaripxi 15:7

Mame isene exikety toiro nexiase Ritonõpo ẽpataka, asakoropane exikety. Eya kasanamã tokarose Ritonõpo nenyohtyamo a 7mãkomo a. Uuru risẽ tokarose eya xine, 7me. Pehme kasanamã nexiase, iirypyrymãkõ zehno Ritonõpo ehtoh ke. Orihpỹme exiketyme Ritonõpo mana jũme.

Apokaripxi 16:14

Joroko tõ mokaro, joroko tamuru poetory, tyjamitunuru eneponanomo. Nono poro ytõko mã toto oseruaõkomo, tuisa tõ enehse, oximõme toto ehtohme etonatohme Ritonõpo Imehxo Exikety maro iirypyrymãkõ apiakatoh konõto toehse ahtao.

Apokaripxi 16:7

Mame imepỹ omi etase tynekarory zahkatoh poe. Ynara nase: — Kuesẽkõ Ritonõpo imehxo mase. Ajohpe pyra mase. Zae ro imehnõ apiakãko mase. Zae ro toto wãnohnõko mase, nase.

Apokaripxi 19:15

Mame ratoimo taere exikety tutũtase sã mokyro mytae. Moro ke pata põkõ poremãkapõko mana. Tyjamitunuru ke tõmipona toto ripõko mana. Kurimene jamitunuru sã orẽpyra tõmipona emero tyrĩko mana. Mame axikaru euhkapory sã axikaru eukuru riryhtao euhkatoh ao, moro sã tõmipona pyra exiketõ wãnohnõko mã Ritonõpo, zehno toehse toexiryke.

Apokaripxi 19:4

Mame tamuximãkõ 24mãkõ tosekumurukõ po typorohse toto. Morararo onokyroimo asakoropane exiketõ tosekumurukõ po typorohse toto. — Kure mase, katohme Ritonõpo a. Tapõ po Ritonõpo nexiase. — Aõ, tykase toto. — Kure mase, Ritonõpo, tykase toto.

Apokaripxi 21:22

Ritonõpo maro oturutoh pyra moro pata po nexiase Kuesẽkõ Ritonõpo moroto exiryke. Ime kuhse exikety ynororo, kaneru mũkuru sã exikety imaro roropa mana.

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Apokaripxi 4:4

Moro tuisa apõ zomye imehnõ apõ nexiase 24mãkomo, typarihmã sã nexiase tuisa apõ zomye. Moro po Ritonõpo poetory tõ tamuximãkõ typorohse nexiase, 24me. Upo karimutumã tamuruse toto a. Typarimãke roropa toh nexiase uuru risẽ ke zupuhpyrykõ rehpo.

Apokaripxi 4:6

Moroto tuisa apõ etonie ikuhpo konõto panõ nexiase, kutehi akusasamã panono. Akusasame kuhse nexiase. Tuisa apõ myhto isene exiketõ nexiase asakoropane. Tonure tuhke toh nexiase, ẽmytykõ poko, ĩparykõ poko, enara.

Apokaripxi 4:9

Mame mokaro isene exiketõ eremiaryhtao Ritonõpo imehxo ehtoh poko, tuisamehxo aexiry poko, kure aexiry poko, jumãme aexiry poko

Apokaripxi 5:6

Mame kaneru mũkuru sã enease, xikihme, tuisa apõ po, irãnao. Zomye isene exiketõ asakoropane exiketõ nexiase tamuximehxo exiketõ maro. Mokyro kaneru mũkuru sã etapahpyryme sã enease. Tyretyke nexiase setime, tonure setime roropa. Ritonõpo Zuzenu enetupuhtoh mokaro nexiase. Ritonõpo Zuzenu emero pata tõ punero.

Apokaripxi 6:1

Morarame kaneru mũkuru enease. Pape apuhtopõpyry etapuruhmakase ynororo, apitorymano. Mame isene exikety omiry etase toiro, asakoropane aehtoh omiry. Konomeru sã aomiry nexiase. Ynara nase ya: — Osehko xiaro, nase.

Apokaripxi 6:6

Mame omi etase ropa. Mokaro asakoropane isene exiketõ wino moro omi totase ya. Ynara nase: — Tiriiku toiro kirume ahtao, epehpyry toiro ẽmepyry erohtamitume mana. Oxinase epehpyry oseruao riturume ahtao, toiro ẽmepyry erohtamitume mana. Yrome oriu epehpyry onytyoromara mana, uwa eukuru epehpyry roropa onytyoromara mana.

Apokaripxi 7:11

Ritonõpo apõ zomye inenyohtyã nexiase, tamuxime exiketõ maro, isene exiketõ asakoropane exiketõ maro. Mame tosekumurukõ po typorohse toto Ritonõpo apõ ẽpataka ẽmytykõ nono pokoxi. “Kure mase,” katohme Ritonõpo a.

Apokaripxi 7:15

Morara exiryke Ritonõpo apõ ẽpataka mã toto. Aomipona roropa toh mana imaro oturutoh tao, saereme, koko, enara. Mame toto ewomãko mana, toto onurumekara roropa mana tapõ po iporotyhpyry.