Apokaripxi 4:2 - Ritonõpo Omiry: A Bíblia Sagrada na língua Aparai do Brasil

² Mame Ritonõpo Zuzenu japoiase. Mame osenuhmase ropa. Kapu ao tuisa apõ moroto nexiase. Moro po imepỹ nexiase typorohse.

Apokaripxi 4:2 ပူးပေါင်းရင်းမြစ်များ

1 Tuisa 22:19

Tõturuse ro Mikaia, ynara tykase: — Seromaroro Ritonõpo omiry etatoko kẽty, Ritonõpo tonese ya typorohse tapõ po kapu ao. Imaro ipoetory tõ, inenyohtyã xikihme toh nexiase tapotunuru wino, typozery wino, enara.

Saumu 11:4

Ritonõpo Kuesẽkõ Tytapyĩ Kurã tao mana; tuisa imehxo mana, tapõ po kapu ao. Sero nono põkõ emero enẽko mana, toto nyriry waro mana.

Izaja 6:1

Moro jeimamyry ae, tuisa Uzia toorihse ahtao, Ritonõpo Kuesẽkõ enease typorohse tuisa apõ po, kae, tanỹse roropa. Itapyĩ kurã typehkase zupõ kurã ke,

Jeremia 17:12

Kuesẽkõ Tapyĩ Kurã tuisa konõto apõ sã mana, saerehkanemehxo mana; apitorymã poe, ypy kae exikety emory po mana.

Ezekieu 1:26

Moro amerehmã epoe apõ panõ nexiase, topu kurano sapira risemy. Typorohse moro apõ po ahno panõ nexiase,

Ezekieu 1:28

Moro saerehkatoh okohkuri sã nexiase akurũ poko. Moro saerehkatoh zemime exikety nexiase enetupuhpotohme moroto Ritonõpo imehxo saerehkatoh nexiase.

Ezekieu 10:1

Mame osenuhmase amerehmã enease, mokaro kerupĩ tõ epozakoxi. Mokaro epoe tuisa apõ sã enease, topu kurã, sapira risẽ samo.

Tanieu 7:9

Osenuhmãko ro exiase: tuisa apõ tõ tyrise nexiase esaka xine. Mame toiro tuisa apõ po typorohse mokyro Jũme isene Exikety. Zupõ nexiase karimutume, mauru samo, zũsety karimutume nexiase roropa kaneru hpoty samo. Apony te, apõ pupuru tõ roropa apoto zemimã sã nexiase.

Mateu 22:43

Ynara tykase Jezu: — Tawi parỹpyryme ynororo ahtao oty katohme: “Jesemy,” tykase Tawi ipoko Ritonõpo Zuzenu poe? Ynara tykase Tawi pake:

Epereu 8:1

Ynara ãko rokẽ ynanase, Takorehmaneke sytatose Ritonõpo maro oturukety ke. Tuisamehxo toehse ynororo. Naeroro Ritonõpo Kuesẽkõ apotunuru wino typorohse ynororo kapu ao.

Apokaripxi 1:10

Nomĩko ae Ritonõpo poko exiase. Mame Zuzenu tooehse ya. Tuaro pyra jahtao omi totase ya, ỹkae opore exikety, rue etone samo.

Apokaripxi 12:5

Mame nohpo tonuruse rahkene orutuame. Tuisame exiketyme ehtohme tonuruse mokyro, orẽpyra pata tamuru tõ esẽme aehtohme. Tyjamitunuru ke tõmipona imehnõ rĩko mana emero porehme. Mame poeto pitiko typynanohse Ritonõpo a. Tosaka tarose tapõ pona.

Apokaripxi 17:3

Mame Ritonõpo Zuzenu a tapoise ywy. Inenyokyhpyry jaroase ahno esaka pyra. Moroto nohpo enease typorohse onokyroimo po. Tahpire mokyro nexiase. Ipihpyry tymerose esety xihpyry ke Ritonõpo eunohtoh ke. Tupuhpyke nexiase 7me. Tyretyke roropa nexiase 10me.

Apokaripxi 19:4

Mame tamuximãkõ 24mãkõ tosekumurukõ po typorohse toto. Morararo onokyroimo asakoropane exiketõ tosekumurukõ po typorohse toto. — Kure mase, katohme Ritonõpo a. Tapõ po Ritonõpo nexiase. — Aõ, tykase toto. — Kure mase, Ritonõpo, tykase toto.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.

Apokaripxi 21:10

Mame yporemãkase ropa Ritonõpo Zuzenu. Mame jaroase Ritonõpo nenyokyhpyry ypy emory pona kaetokõ pona. Mame Jerusarẽ enease, pata kurano ayhtory kapu ae Ritonõpo poe.

Apokaripxi 21:5

Mame ynara nase tapõ po typorohse exikety: — Seromaroro emero tyrĩko ase tyrisenãme, tykase. Ynara nase roropa ya: — Moro imeroko, ajohpe pyra exiryke, zae rokẽ mana, tykase.

Apokaripxi 3:21

Oorypyrykõ poremãkaponeme awahtao xine tuisame oritorỹko ase, japõ pona oporohkapõko ase. Morararo joroko tamuru typoremãkapose ya exiryke tuisame toehse ywy Papa maro. Imaro porohnõko ase apõ pona.

Apokaripxi 4:10

mokaro roropa tamuxime exiketõ 24mãkõ nono pona typorohse toto Ritonõpo ẽpataka. Tapõ po typorohse exikety netaryme: “Kure mase. Jũme orihpỹme mase,” tykase toto. Mame typarimãkõ emãko toh nexiase tuisa konõto apõ myhtokoxi. Ynara ãko toh nexiase:

Apokaripxi 4:5

Mame tuisa apõ wino nenenehãko nexiase, panaikato, konomeru konõto sã roropa, enara. Aritu panõ setimãkõ zahnõko nexiase tuisa apõ ẽpataka. Ritonõpo Zuzenu setime exiketõ enetupuhtoh nexiase.

Apokaripxi 4:9

Mame mokaro isene exiketõ eremiaryhtao Ritonõpo imehxo ehtoh poko, tuisamehxo aexiry poko, kure aexiry poko, jumãme aexiry poko

Apokaripxi 5:1

Mame pape enease amemyhpyry tuisa apõ po iporotyhpyry emahpo, apotunuru wino. Moro pape tymerose ipoko zao, jarao emero porehme. Tapuhse roropa moro pape nexiase 7me apuhtoh ke.

Apokaripxi 5:13

Morarame kapuaõkõ omiry etase emero porehme, nono põkõ omiry maro, aorihtyã ekepyry omiry maro, tuna konõto kuaõkõ omiry maro. Emero Ritonõpo nyrityã omiry etase. Eremiãko toh nexiase. Ynara nase toto tapõ po iporotyhpyry a, kaneru mũkuru a roropa: “Kure mase, tuisamehxo. Ritonõpo imehxo mase, orẽpyrahxo mase. Jũme orihpỹme mase,” nase toto.

Apokaripxi 6:16

Kui tykase toto. Tykohtase toto ypy tõ netaryme topu tõ netaryme roropa: — Epukako yna pona yna zonẽtohme, yna onenepyra Ritonõpo ehtohme, tapõ pona iporotyhpyry yna onenepyra aehtohme, yna zehno pyra kaneru mũkuru ehtohme roropa.