Apokaripxi 3:7 - Ritonõpo Omiry: A Bíblia Sagrada na língua Aparai do Brasil

⁷ — Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Apokaripxi 3:7 ပူးပေါင်းရင်းမြစ်များ

Jo 11:10

Toytory se Ritonõpo ahtao ahno apoise arotohme apiakatoh taka, ‘Moro poko pyra exiko, Ritonõpo,’ kasaromepyra sytatose.

Jo 12:14

Itahkaryhtao Ritonõpo a, onyrisaromepyra ropa ahno mana. Tymyhse ahtao Ritonõpo a, onymyhpokasaromepyra ropa ahno mana.

Saumu 145:17

Kuesẽkõ zae mana emero riry poko, anamonohpyra mana emero riryhtao eya.

Saumu 16:10

Oya, Ritonõpo, towomase jexiryke jurumekara mase aorihtyã esao jahtao. Onymenekahpyry kurã onymotanohpopyra mase.

Saumu 89:18

Yna ewomane tymenekase oya. Omoro mexiase Ritonõpo Izyraeu tõ Esẽ kurano yna tuisary ekarohpõ yna a.

Izaja 22:22

Mame soroto tõ ekarõko ase eya Tawi tapyĩ kyryry. Imehnõ motye orẽpyra mokyro rĩko ase. Tuisa konõto rokẽ mokyro motye exĩko mana. Omõtoh etapuruhmakaryhtao eya anapurupyra exĩko imehnõ mana te, omõtoh tapuruse eya ahtao onetapuruhmakara exĩko imehnõ mana.

Izaja 30:11

Otũtatoko yna esemary ae! Yna anakorekehkara exiko! Yna onuruzomopyra ropa ehtoko Ritonõpo kurã, Izyraeu tõ Esẽ poko,’ ãko mã toto!”

Izaja 41:14

Ynara ãko Ritonõpo mana typoetory tomo a: “Pisarara matose jamihme pyra roropa, yrome enaromyra ehtoko; ywy ase Ritonõpo, Izyraeu tõ Esẽ kurano, Opynanohnekõme ase, oewomatorỹko ase.

Izaja 41:16

Typahse kehko kakoxi ahtao oya xine, tarosẽme exĩko mana tyryrykane a, mame wirikane a sapararahme typahsẽme exĩko mã kehko. Morarame moro sã toehse ahtao tãkye exĩko matose ywy, Ritonõpo Oesẽkõme jexiryke. Mame jeahmãko matose, Izyraeu tõ Esẽ kurano.

Izaja 41:20

Morohne enẽko ahno tõ emero, zuaro exĩko mã toto morohne tyrise ya, Oesẽkomo a. Kure osenetupuhnõko mã toto tuaro exĩko mã toto, morohne emero rihpõme mã Ritonõpo, Izyraeu tõ Esẽ kurano.”

Izaja 47:4

Kypynanohnekõme Ritonõpo mana, Jamihmehxo Exikety, Izyraeu tõ Esẽ kurano.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.

Izaja 49:7

Ritonõpo, Izyraeu tõ Esẽ Kurano, Ipynanohnekõ roropa, ynara ãko typoetory a, tyhtomase aexihpyry a, ise pyra aexihpyry ahno a, pata tõ esẽ namoto a: “Tuisa tõ ajamitunuru enẽko; xikihme owõnõko mã toto: ‘Tuisamehxo Mase,’ katohme. Tuisa tõ poenõ tosekumuru po porohnõko mã toto oẽpataka: ‘Imehxo Mase,’ katohme. Ywy, Ritonõpo, zae rokẽ ase, emero tyrĩko ase jomihpyry ae ro; ywy, Izyraeu tõ Esẽ Kurano, kymenekase ypoetoryme oehtohme.”

Izaja 54:5

Orihpono, Ritonõpo Jamihmehxo Exikety oniome exĩko mana; Izyraeu tõ Esẽ kurã, sero nono põkõ emero Esemy, opynanohnõko mana.

Izaja 55:5

Seromaroro imehnõ nonory põkõ kohmãko matose, apitoryme awaro xine pyra aexityamo, mame tururume oehnõko mã toto õmirykõ omipona toehtohkõme. Morara exĩko ywy, Ritonõpo Oesẽkomo, Izyraeu tõ Esẽ kurano jamihmehxo oritorỹko ase, imehxo oehtohkõme.”

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Mateu 16:19

— Tapyi erase sã exĩko roropa mase. Tapyi esẽ ytoryhtao soroto ekarõko erase a mana. Moro saaro tosẽkõme Ritonõpo enetupuhnanõ tuisaryme orĩko ase. Imehnõ zurũko mase zae pyra ehtoh poko pyra toto ehtohme toto esẽme samo. Ritonõpo poe morara tyripõko mase. “Senohne kure tyriry,” karyhtao oya taro nono po, Ritonõpo poe morohne tyripõko mase.

Mateu 24:35

Kapu enahnõko mana. Sero nono roropa enahnõko mã repe. Yrome jomiry jũme enahpỹme exĩko mana.

Maku 1:24

— Oty se hma Jezu, Nazare pohno? Yna enahkapory se hmahno? Awaro ase. Ritonõpo mũkurume oexiry waro ase. Inenehpohpyry kurãme mase, tykase jorokohpã Jezu a opore.

Ruka 1:32

Tuisamehxo exĩko mana. Ritonõpo mũkuru Imehxo Exiketyme esehtõko imehnõ mana. Emero esẽme tyripõko roropa Kuesẽkõ Ritonõpo mana. Tytamuru Tawi ehtopõpyry sã exĩko mana.

Ruka 4:34

— Jezu Nazare pono, oty se hma yna a? Oty kase moehno? Yna enahkapose? Yna irumekako. Awaro ase. Ritonõpo mũkurume oexiry waro ase. Inenehpohpyry kurã mase, tykase jorokohpã Jezu a.

João 14:6

Ynara tykase Jezu eya: — Ywy ase oesemarykõme nymyry Ritonõpo a. Ywyhnao ytopyra matose Papa a. Ywy ase zae oriponekõme nymyry. Jenetuputyryhtao oya xine ajoajohpe pyra exĩko matose. Oẽsemãkaponekõme roropa ase. Jenetuputyryhtao oya xine orihpỹme exĩko matose.

Atos 3:14

Yrome aomipona pyra oya xine toxixihmase Jezu, tyyrypyhpykẽ kara. Inetapatahpyry rokẽ mutũtanohpoatose ropa.

1 João 5:20

Ynara zuaro roropa sytatose, Ritonõpo mũkuru tooehse kyya xine tuaro kuehtohkõme, Ritonõpo waro roropa kuehtohkõme. Ritonõpo nymyry maro sytatose. Imũkuru maro roropa sytatose, Jezu Kyrixtu maro. Mokyro mã Ritonõpome nymyry. Mokyro maro orihpyra exĩko sytatose jumãme.

Apokaripxi 1:11

Ynara nase: — Pape imeroko onenery tõ poko. Mame onymerohpyry aropoko ypoetory tomo a oximõmãkomo a 7me pata tõ pona, toto neneryme, Epezu pona, Eximina pona, Perekamu pona, Tiatira pona, Sarati pona, Pirateupia pona, Raotisea pona, enara.

Apokaripxi 1:18

Orihpỹme exiketyme ase. Jorikyase repe. Yrome eneko ke, orihpỹme ase jũme. Orihtoh esẽme ase, aorihtyã esẽme roropa.

Apokaripxi 1:5

Jezu Kyrixtu a roropa kure oriporykõ se ase. Kutuarõtanohnekõme mana, zae aomiry exiryke. Aẽsemamyhpyry ropa ynororo osemazuhme toorihxĩpo. Imeĩpo kuẽsemãkapotorỹko ropa mana tõsemãtopõpyry ropa saaro. Tuisa tõ esẽme mã ynororo. Kypyno xine roropa mana. Toorikyry ke tymyhpokase ropa sytatose eya, kyyrypyrykõ poko pyra kuehtohkõme,

Apokaripxi 15:3

Eremiãko roropa toh nexiase Moeze, Ritonõpo poetory nymerohpyry ae. Kaneru mũkuru poko eremiãko roropa toh nexiase. Ynara nase toto: “Papa Kapuaono, Ritonõpo imehxo mase. Onyrityã kure kuhse mana. Orẽpyra mase. Pata tamuru esẽ mase. Zae mase. Ajohpe pyra mase onyrityã poko.

Apokaripxi 16:7

Mame imepỹ omi etase tynekarory zahkatoh poe. Ynara nase: — Kuesẽkõ Ritonõpo imehxo mase. Ajohpe pyra mase. Zae ro imehnõ apiakãko mase. Zae ro toto wãnohnõko mase, nase.

Apokaripxi 19:11

Mame kapu etapuruhmakary enease. Moroto kawaru karimutumã nexiase. Mokyro kawaru po ytokety esety Kure Exikety. Ajohpãkarame roropa esety akorony, zae imehnõ apiakaryke eya. Imehnõ poremãkapõko roropa mana.

Apokaripxi 19:2

Zae mana, kure roropa mana imehnõ apiakary poko. Mokyro nohpo iirypyryme exikety tuãnohse eya iirypyryme sero põkõ tyrise exiryke eya, toto poko toehse exiryke. Mokaro tuãnohse Ritonõpo a typoetory totapase eya xine exiryke, nase mokyro.

Apokaripxi 2:1

— Naeroro pape imeroko ynenyokyhpyry neneryme, Epezu põkõ amorepane neneryme. Ynara imeroko: “Ynara kary se xirikuato apoine, setimãkõ apoine, tomary ke tapotunuru wino. Nãparina apõ rãnakuroko ytoytõko roropa ynororo.

Apokaripxi 21:5

Mame ynara nase tapõ po typorohse exikety: — Seromaroro emero tyrĩko ase tyrisenãme, tykase. Ynara nase roropa ya: — Moro imeroko, ajohpe pyra exiryke, zae rokẽ mana, tykase.

Apokaripxi 3:14

— Jomiry imeroko ynenyokyhpyry neneryme, ypoetory tõ amorepane neneryme, Raotisea põkõ amorepane neneryme. Ynara kaxiko eya: “Jomiry moro onenerykõme. Ywy ase Ritonõpo mũkuru. Otuarõtanohnekõme ase, zae exiketyme ase. Ritonõpo nyrityã emero tyrihpõme ase.

Apokaripxi 4:8

6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.

Apokaripxi 5:9

Mame tyrisenã eremiatoh tukuhse toto a. Ynara nase toto: “Kurãme oexiryke moro pape apoiry waro mase. Etapuruhmakary waro roropa mase toxixihmase oexiryke. Oorihtopõpyryke yna mepekatyase Ritonõpo poetoryme yna ehtohme. Emero ituakyry maro mepekahne emero omiry poe, emero ahno maro, emero pata tamuru poe.

Apokaripxi 6:10

Opore ynara nase toto: — Yna esẽme mase. Orẽpyrahxo exiketyme mase. Kure mase ipunaka. Zae roropa mase. Otãto ise ro nono põkõ apiakatohme oya nae toto wãnohtohme, yna mỹpotohme oya? nase toto.