Apokaripxi 19:7 - Ritonõpo Omiry: A Bíblia Sagrada na língua Aparai do Brasil

⁷ Satãkyematone. Soseahmatone roropa, “Kure mase,” sykatone eya ime kuhse aexiryke. Ynara exiryke, kaneru mũkuru pytatoh toehse mana. Mame nohpo oryxime exikety tyse exikety oepyry eraximãko mana. Mokyro sã sytatose ekurãkãko Kuesẽkõ oepyry ropa eraximatohme.

Apokaripxi 19:7 ပူးပေါင်းရင်းမြစ်များ

Saumu 107:42

Moro eneryke tyya xine atãkyemãko kure ehtoh poko exiketõ mana, yrome popyra exiketõ tymynyhpãkapose exĩko mã toto.

Saumu 48:11

atãkyematoko Jerusarẽ põkomo! Ritonõpo, zae rokẽ apiakãko mase! Naeroro atãkyematoko Juta patary tõ põkomo!

Saumu 9:14

Mame owõnõko ase xikihme opoetory tõ ẽpataka Jerusarẽ po oturutohme tãkye jehtoh poko: “Tãkye ase oeahmaryhtao typynanohse jexiryke orihpyra jehtohme,” ãko ase.

Porowepio 29:2

Zae ehtoh poko exiketõ tuisame ahtao, ahno emero atãkyemãko mã toto; yrome popyra exikety tuisame ahtao pusuh ãko ipoetory tõ mana, ikerekeremãko roropa mã toto.

Kãtiku 3:11

Nohpo tõ Xião põkomo, osehtoko tuisa enese! Tuisa Saromão typarimãke zupuhpyry po, jẽ nekarohpyry eya ipytatoh po, atãkyematoh po.

Izaja 52:1

Apakako, Jerusarẽ, apakako ajamihtako ropa. Pata kurã põkomo, oupõkõ kurãkõ amurutoko, Ritonõpo se pyra exiketõ mokaro ahno nuriame aexityã oehpyra ropa mã toto jumãme oesaka xine.

Izaja 62:5

Nuasemã tynymenekahpyry maro erẽnary samo, moro sã mã Orihpõkõ amaro xine pytãko mana. Tãkye erẽnakety sã typyty maro, moro sã mã Ritonõpo atãkyemãko opoko xine.

Izaja 66:10

Atãkyematoko Jerusarẽ põkõ maro, eremiatoko imaro jeahmaryme, ipyno exiketõ emero. Atãkyematoko Jerusarẽ põkõ maro, tyhnamose ipoko aexityã emero.

Izaja 66:14

Moro eneryhtao oya xine tãkye exĩko matose, jamihme exĩko ropa matose otyro samo kure ahtaryhtao. Morarame zuaro exĩko matose ywy, Ritonõpo, jomiry omipona exiketõ pynanohnõko ase, yrome tyekĩtapãse jahtao yzehnotokõ wãnohnõko ase.”

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Mateu 1:20

Mame moro poko aemynyhmaryhtao ro taosenehkase ynororo Ritonõpo a. Ynara tykase Ritonõpo nenyokyhpyry aosenety eya: — Aimo Joze, Tawi paryme mase. Etako pahne, torẽtyke pyra exiko Maria poetoẽme exiry poko. Mokyro apoiko opytyme. Ritonõpo Zuzenu poe poetoẽme mã ynororo.

Mateu 22:2

Ynara tykase ynororo: — Ritonõpo enetuputyry oesẽkõme ynara sã mana. Pata konõto esẽ sã mana. Mame otuhtoh konõto tyrise eya tumũkuru erẽnatohme.

João 3:29

Pytaketõ kẽ pytãko mana. Epe roropa tãkye exĩko mana tope pytaryke, aomiry etaryke tyya. Orẽpyrahxo Jezu ehtoh eneryke ya epe sã rokẽ ase tãkye.

2 Korĩtiu 11:2

Torẽtyke ase opoko xine, torẽtyke Ritonõpo ehtoh samo opoko xine. Omykõme sã jexiryke torẽtyke ase. Jẽxiryme sã, orutua maro exipitopỹ sã matose ya. Oewomatorỹko sã ase roropa toirõ pytyme sã oehtohkõme. Toiro rokẽ pyno exikety tynio nymyry pyno exiketyme mana. Morararo Kyrixtu pyno yronymyryme oehtohkõ se ase, imehnõ poko pyra oehtohkõme ipunaka. Imeĩpo oekarorykõ se ase Kyrixtu a kurãkõme, tyyrypyhpyke pyra exiketõme.

Epezu 5:23

Ynara exiryke, typyty esẽme orutua mana, typoetory tõ esẽme Kyrixtu ehtoh samo. Typoetory tõ kurãkaneme roropa mana, toto pynanohneme roropa mana. Zokome mã toto.

Epezu 5:32

Zae mã morohne tymerose. Tupime mã enetuputyry repe. Yrome ywy moro poe Kyrixtu enetupuhnõko ase, typoetory tõ pyno aexiry poko.

Teuteronomiu 32:43

Atãkyematoko imeimehnõ nono põkomo, Ritonõpo poetory tõ maro! Imỹpõko Ritonõpo mana, typoetory tõ etapahpõkõ wãnohnõko mana. Imỹpõko mana, topetõkara wãnohnõko mana. Yrome typoetory tõ rypyry korokãko mana.

Piripo 3:3

Yrome mokaro sã pyra sytatose. Kukurohtao xine tukurãkase kuexirykõke. Ritonõpo Zuzenu poe Ritonõpo poko sytatose. Atãkyemãko sytatose Jezu Kyrixtu poetoryme kuexirykõke. Kupũkõ sahkary tõkehko, kuakorehmara xine ipunaka kure kyrirykõ poko Ritonõpo a. Moro waro sytatose.

Apokaripxi 11:13

Mame morara ahtao nono kywyh kywyh tykase jamihme samo, pata zokonaka tyyryhmase. Omame porehme tapyi ahtao toiro toepukase. Ahno roropa totapase nono kywyh kywyh karyke, 7 miume totapase toto. Imehnõ tõserehse itamurume. — Kure Ritonõpo Kapuaõ mana. Imehxo mana. Orẽpyrahxo roropa mana, tykase toto.

Apokaripxi 19:9

Mame ynara nase Ritonõpo nenyokyhpyry ya: — Ynara imeroko, tãkye exĩko mã toto eahmatyamo otuhtoh konõto pona, kaneru mũkuru pytatoh pona, tykase ynororo. Mame ynara tykase ropa: — Jomihpyry moro zae mana Ritonõpo poe, tykase.

Apokaripxi 21:2

Mame Ritonõpo Patary Kurã enease, Jerusarẽ tyrisenano. Ayhtory enease kapu ae Ritonõpo poe. Tõtyhkase nexiase tosẽ eraximãko. Niotakety sã nexiase. Niotakety upo kurã amurũko tynio oepyry eraximatohme.

Apokaripxi 21:9

Mame Ritonõpo nenyokyhpyry 7mã toiro tooehse ya tykasanake aexihpyry nexiase tyrohsemyimo maro, etuarimatoh konõto maro. Ynara nase ya: — Ymaro eropa. Niotakety senetase, kaneru mũkuru pyty, nase ya.

1 Samueu 2:1

Mame tõturuse Ana Ritonõpo a. Ynara tykase ynororo: Tãkye kuhse ase Ritonõpo poko typynanohse jexiryke eya; inyrihpyry pokoino ehxiropyra ase. Exianãko ase yse pyra exiketõ poko. Tãkye rokẽ ase takorehmase jexiryke Jesemy a.