Apokaripxi 19:1 - Ritonõpo Omiry: A Bíblia Sagrada na língua Aparai do Brasil

¹ Moromeĩpo tuhkãkõ omiry panõ etase ropa, opore exikety kapu ao. Ynara nase: — Kure Ritonõpo mana, kypynanohnekõme mana, tuisame kuhse mana, orẽpyra roropa mana.

Apokaripxi 19:1 ပူးပေါင်းရင်းမြစ်များ

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

Saumu 104:35

Ah enahketyme nexĩ toto mokaro Ritonõpo enetuputyry se pyra exiketomo, ah popyra exiketõ tonahkasẽme nexĩ toto! Yjamitunuru ke porehme oeahmary se ase, Ritonõpo Jesemy! Kure mase, Ritonõpo!

Saumu 106:1

Kure Ritonõpo mana! “Kure mase,” kahtoko Ritonõpo a kure aexiryke, kypyno xine exikehpyra mana.

Saumu 111:1

Kure Ritonõpo mana, kahtoko! Ipoetory tõ oximõmãkõ maro Ritonõpo Kuesẽkõ eahmãko ase yjamitunuru ke porehme.

Saumu 115:18

Yrome kymarokomo, isene ro exiketomo: “Kure mase, Ritonõpo,” ãko sytatose seromaroro, jũme roropa rahkene. “Kure mase, Ritonõpo,” kahtoko!

Saumu 146:1

“Kure mase, Ritonõpo,” sykatone! “Kure mase, Ritonõpo,” ãko ase, opyno jexiryke yronymyryme.

Saumu 148:1

“Kure mase, Ritonõpo,” sykatone! Kuesẽkõ eahmatoko, kapuaõkomo emero, eahmatoko moroto kae kapu ao!

Saumu 149:1

“Kure mase, Ritonõpo,” sykatone! Eremiatoh kasenato ke eremiatoko Kuesẽkõ eahmaryme. Eahmatoko ipoetory tõ anamonohpyra exiketõ oximõtoh tao.

Saumu 150:1

“Kure mase, Ritonõpo,” sykatone! Ritonõpo eahmatoko Itapyĩ tao. Ijamitunuru eahmatoko kapu ao.

Saumu 3:8

Orẽpyra kyritorỹko Ritonõpo Kuesẽkõ mana. Kure rokẽ opoetory tõ tyriko, Ritonõpo.

Saumu 62:11

Ynara tykase Ritonõpo ynetaryme: “Ywy ro rokẽ jamihme ase,

Jeremia 51:48

Typoremãkase Papironia ahtao, tonahkase ahtao aepyhpyamo a inikahpoe, eremiãko mã kapuaõkomo. Nono põkõ roropa emero eremiãko mã toto tãkye toehtohkõke.

Jona 2:9

Yrome ywy oeahmaryme eremiãko ase. Oya ynekarory ekarõko roropa ase. Jomihpyry ae ro, kure orĩko ase Ypynanohneme oexiryke, Ritonõpo, Jesemy.”

Mateu 6:13

Yna ewomako, iirypyryme yna onyripyra joroko tamuru ehtohme,” kahtoko Ritonõpo a.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 12:10

Morarame omi etase ropa kapu ao, opore exikety. Ynara nase: — Seromaroro kypynanohtorỹko Ritonõpo mana. Seromaroro tyjamitunuru enepõko mana, tuisamehxo toexiryke. Seromaroro Inymenekahpyry tuisame toexiry enepõko mana. Ynara exiryke, kuakorõkõ hxirone tomase exiryke kapu ae. Ritonõpo ẽpataka toto hxirõko nexiase saereme, koko, enara. Mokyro tomase kapu ae.

Apokaripxi 19:6

Morarame tuhkãkõ omiry panõ etase ropa, sõkane panõ roropa, konomeru samo. Ynara nase: — Kure mase, Ritonõpo. Yna esẽme mase emero porehme. Tuisa Imehxo Exikety mase.