Apokaripxi 18:4 - Ritonõpo Omiry: A Bíblia Sagrada na língua Aparai do Brasil

⁴ Morarame imepỹ omiry etase kaino kapu ae. Ynara nase: — Moro pata irumekatoko, ypoetory tomo. Irumekatoko ipunaka. Mokyro anakorehmara ehtoko iirypyrykõ poko, awãnohpyra xine Ritonõpo ehtohme.

Apokaripxi 18:4 ပူးပေါင်းရင်းမြစ်များ

Jenexi 19:14

Mame Ro tutũtase oturutohme typaniry tõ maro. Ẽxiry tõ eraximãko toh kynexine pytatohme repe toto maro. Ynara tykase ynororo eya xine: — Atakimatoko axiny sero rumekatohme. Sero pata enahkãko Ritonõpo mana! Yrome Ro atahmãkaryme rokẽ tokarose eya xine.

Saumu 50:18

Emero rokẽ omato tõ eneryhtao oya xine osepeme exĩko matose toto maro, imehnõ nohpo poko exiketõ maro imehnõ orutua poko exiketõ maro osepeme exĩko matose.

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 52:11

Ypoetory tomo, Papironia poe otũtatoko! Irumekatoko emero porehme, mame nuriame aexityã anapopyra ehtoko. Ekurãkatoko amarokomo, Ritonõpo Tapyĩ mõkomory kurã aronanomo.

Jeremia 50:8

— Izyraeu tomo, epatoko Papironia poe! Moro nono irumekatoko! Moro poe ytoketõ osemazuhme ehtoko!

Jeremia 51:45

Izyraeu tomo epatoko moro poe. Axĩ ke ytotoko osepynanohtohme zehno jehtoh winoino.

Jeremia 51:50

Ynara tykase Ritonõpo: — Ypoetory tomo, Papironia po, typynanohse matose, orihpyra mexiatose! Seromaroro ytotoko! Tehme rokẽ pyra ehtoko, oneraximara ehtoko! Moe awahtao xine ro atapyĩkõ htae, ypoko osenetupuhtoko, Ritonõpo Oesẽkomo. Wenikehpyra ehtoko Jerusarẽ poko.

Jeremia 51:6

Epatoko Papironia poe! Osepynanohtoko osepynanopyrykõ waro awahtao xine! Orihpyra ehtoko, iirypyryme Papironia ehtoh pokoino. Seromaroro emỹpõko ase Papironia nyrihpyry poko. Mokaro wãnohnõko ase inyrihpyrykõ emetakame.

Jeremia 51:9

Imeimehnõ nonory poe aepyhpyã morotona osesarise ynara tykase: “Papironia põkõ akorehmary se ynanexiase repe, yrome tonahkase toto exiryke anakorehmasaromepyra ynanexiase. Ehmaropa emero kynonorykõ pona ropa. Papironia tuãnohse Ritonõpo a tyjamitunuru ke. Tonahkase mana ipunaka.”

Mateu 23:30

Ynara ãko roropa matose: “Pake yna tamuru ehtopõpyry sã pyra ynanase. Ritonõpo poe urutõ kõ onetapara ynanase yna tamuru sã pyra,” ãko matose repe.

2 Korĩtiu 6:17

Ynara tykase roropa Kuesẽkõ kyya xine tyyrypyry onurumekara exiketõ poko: “Mokaro irumekatoko, toto maro pyra oehtohkõme. Tyyrypyrykõ poko exiketõ sã pyra ehtoko ipunaka. Morara awahtao xine oesarykõ ekarõko ase oya xine ymaro oehtohkõme.

1 Timoteu 5:22

Axĩ pyra imepỹ imenekako Jezu poetory amorepaneme tyritohme. Imehnõ amorepaneme onyripyra exiko iirypyryme ahtao iirypyrymã akorehmaneme oekaroryino. Imehnõ onymoipyra exiko tyyrypyrykõ poko toto ahtao.

2 João 1:11

Morara karyhtao oya xine isaaro matose, akorehmaneme roropa matose iirypyry poko.