Apokaripxi 18:21 - Ritonõpo Omiry: A Bíblia Sagrada na língua Aparai do Brasil

²¹ Mame Ritonõpo nenyokyhpyry a topu konõto tanỹse, jamihme exikety a. Moro topu zumo exiry saipe konõto sã kynexine. Mame tuna konõto kuaka moro topu tomase eya. Ynara nase: — Topu tomase ahtao nakuaka axĩ nerỹko mana. Moro saaro axĩ Papironia põkõ enahnõko mana typatarykõ maro. Jũme osenepyra ropa exĩko mã toto.

Apokaripxi 18:21 ပူးပေါင်းရင်းမြစ်များ

Neemia 9:11

Tuna konõto tapiakase oya yna tamuru tõ ẽpataka, Tarose toto oya tuna kuroko, osema ae akuohtohme, nono tonorẽ poro. Mokaro ekahmananõ tynerymapose oya zue ao. Tyneryse toto topu neryry samo pohkane konõto kuao.

Jo 20:8

Osenehto sã osenepyra exĩko ropa mana, koko osenehtopõpo sã, jũme onenepyra ehtohme.

Saumu 37:36

Yrome imeĩpo esary kuroko toytose jahtao onenepyra exiase; upiase repe, yrome mokyro onenesaromepyra exiase.

Exutu 15:5

Tynerymase toto tuna konõto zueme exikety a. Topu sã tyneryse toto zue aka.

Ezekieu 26:21

Enaroximatohme orĩko ase asã se pyra imehnõ ehtohme. Moro sã oenatyry exĩko mana. Oupĩko imehnõ mã repe, yrome oenepyra exĩko mã toto. Ywy, Ritonõpo Oesẽkõ, oturuno.

Tanieu 11:19

Mame eramãko ropa ynororo tynonory pona ropa, typatary tõ jamihmãkõ pona ropa, yrome apotũkehnõko mana, orihnõko mana; ipoko jũme tuenikehsẽme exĩko mã toto.

Apokaripxi 10:1

Morarame imepỹ enease Ritonõpo nenyokyhpyry, jamihme exikety. Ayhtory enease kapu ae. Tupoke kynexine akurũ ke. Zuhpo okohkuri sã roropa nexiase. Ẽmyty xixi sã nexiase. Jaxiry tororokane sã roropa nexiase, kaetokohxo exiketõ sã asakoro.

Apokaripxi 12:8

Morarame zakareimo konõto typoremãkapose ipoetory tõ maro. Taropose toto kapu ae porehme.

Apokaripxi 16:20

Ahmõta emero osenepyra toehse, ypy tõ roropa tonahse.

Apokaripxi 18:10

Amekeino rokẽ enẽko mã toto, mokaro etuarimatoh zuno toexirykõke. — Myhene! Myhene! ãko mã toto. — Pata imehxo nexiase repe. Orẽpyra Papironia põkõ nexiase repe. Yrome axĩ tonahse myhene, ãko mã toto.

Apokaripxi 18:22

Rue tõkehko onetara exĩko morotõkõ mana. Eremiaketõ roropa onetara mã toto. Erohketõ pyra exĩko roropa mana. Tiriiku apotoh osetara exĩko roropa mã moroto jũme.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.

Apokaripxi 5:2

Mame Ritonõpo nenyokyhpyry enease, jamihme exikety. Opore roropa aomiry nexiase. Ynara nase: — Onoky nae imehxo exikety, kure nymyry exikety, sẽ pape etapuruhmakary waro exikety isekerematohme? tykase.