Apokaripxi 18:13 - Ritonõpo Omiry: A Bíblia Sagrada na língua Aparai do Brasil

¹³ Kanera tõkehko onepekahpyra mã toto, tonahsẽ emepory tõkehko, typoxine zahsemy azawaimo, ixtaratu panono, ixtaratu, eukuru, oriu, pou risemy te, tiriiku puhturu roropa; pui tõkehko, kaneru tomo te, kawaru tomo, kahu tõkehko, namoto tõ roropa. Morohne nae toh nexiase tokamosẽme repe. Yrome epekahnanõ pyra toehse.

Apokaripxi 18:13 ပူးပေါင်းရင်းမြစ်များ

1 Tuisa 10:10

Mame tuisa Saromão a tynenehpyry tõ tokarose eya; uuru 4 miu kiru motye te, emepory tõ itamurume te, joia tomo, enara. Moro panõ, Sapa tuisary nekarohpyry Saromão a, moro panõ onenehzomopyra ropa toehse.

1 Tuisa 10:15

Moro maro tineru tapoise eya, mõkomo ekamonanomo a, toto erohtoh poko te, arape tuisary tomo a te, Izyraeu patary tõ kowenatu tomo a, enara.

1 Tuisa 10:25

Tooehse toto ahtao tynekarory tõ tonehse eya xine parata risemy te, uuru roropa te, upo te, pyrou tõkehko te, emepory tõ te, kawaru te, jumẽtu tõ maro. Morara toehse jeimamyry punero rokene.

1 Koronika 5:21

Toto eky tõ tapoise eya xine: kameru tõ 50.000me te, 250 miu kaneru tomo te, 2.000 jumẽtu tomo te, ahno roropa 100 miume typoetoryme, enara.

2 Koronika 9:9

Mame tuisa Saromão a tynenepyhpyry tõ tokarose eya: uuru, 4 miu kiru motye te, tonahsẽ emepory itamurume te, topu tõ typyne exiketõ joia tomo, enara. Moro panõ tonahsẽ emepory tõ, Sapa tuisary nohpo nekarohpyry kurã Saromão a, moro panõ onenezomopyra ropa toehse kynexine.

Neemia 5:8

Ynara tykase ywy: — Tineru nae kuahtao xine kuekyrykõ topekahse kyya xine imehnõ ahno wino, toto namotome toehse toto ahtao. Yrome seromaroro oekyry tõ tyripõko matose osekarotohme anamotome toto ehtohme, tykase ywy. Yrome jezuhpyra tamuximãkomo, mynyhme rokẽ toh nexiase.

Exutu 21:16

— Imepỹ tapoise ahtao ekamotohme tineru poko te, tynamotome tyritohme mokyro taorihmaposẽme exĩko.

Porowepio 7:17

Ixtaratu ke jynyhtoh typoxine tyrise ya: mira ke, aroe ke, kanera ke, enara.

Kãtiku 1:3

Typoxine mase; oesety etaryhtao ya moro typoxine oehtoh oehnõko ropa ya mana, josenetupuhtoh aka. Nohpo tõ emero, opyno exikehsaromepyra mã toto.

Kãtiku 3:6

Onoky mokyro oehnõko nae ona tonorẽ poe? Orexĩto sã mana, typoxine mira ke, ixtaratu ke roropa, emero rokẽ ixtaratu tokamose exikety osepekahketõ nekamory samo?

Kãtiku 5:5

Towõse ywy etapuruhmakatohme, ypyno exikety omõtohme. Jemary tahpase mira ke, jemahxikyry roropa, omõtoh epuru apoiase etapuruhmakatohme.

Izaja 50:1

Ynara ãko Ritonõpo mana: “Taropose ropa ya ekarõko matou, typyty aropory sã inio a? Morara ahtao otoko na apapeny, ypyty aropotoh papeny? Otarame ynara ekarõko matose: Imehnõ namotome kuekaroatose tineru apoitohme ya, ynepehmary epehmatohme. Arypyra! Tarose mexiatose imehnõ namotome oorypyrykõ pokoino; kuaropoatose popyra ehtoh poko oexirykõke.

Ezekieu 27:13

Mosepekatyase Kerexia po te, Tupau po te, Meseke po, enara. Omõkomory tokamose oya ahno epekahtohme anamotome ehtohme, metau risẽ epekahtohme roropa, enara.

Amoxi 2:6

Ynara tykase Ritonõpo: — Izyraeu tõ iirypyryme toehse itamurume, naeroro toto wãnohnõko ase. Ahno zae ehtoh poko exiketõ ekamõko mã toto imehnõ namotome, tytineruke pyra toto exiryke, tynepehmarykõ epehmatohme roropa eya xine. Tymõkomokãkara nae tynepehmarykõ onepehmasaromepyra mana sãtaja epehpyry sã rokẽ ahtao ro.

Amoxi 6:6

Uwa eukuru jehnahpyry ẽnõko matose ẽtoh konõto ae, ixtaratu typyne exikety ke epopãko matose, yrome torẽtyke pyra matose Izyraeu tõ enatyry poko.

Amoxi 8:6

Tiriiku ekamõko ynanase imotahpyry maro, typynehxo roropa. Tymõkomokãkara enẽko ynanase, tytineruke pyra exikety; tynepehmake exikety roropa, onepehmasaromepyra exikety sãtaja rokẽ ahtao ro. Mokyro epekahnõko ynanase yna namotome aehtohme!”

Teuteronomiu 24:7

— Ahno a imepỹ Izyraeume exikety tapoise ahtao namotome ehtohme, ekamotohme tineru poko, mokyro popyra exikety totapasẽme exĩko mana. Moro ke popyra ehtoh enahkapõko matose Izyraeu tõ rãnao.

Teuteronomiu 28:68

Wapu tõ ae Ejitu pona aaropotorỹko Ritonõpo mana, ynara tykase ahtao ro opoko xine: “Jũme ytopyra ropa mã toto morotona.” Moroto õsekarorykõ se exĩko matose tineru poko, orutua komo, nohpo tõ roropa imehnõ namotome, oepetõkara Ejitu põkõ namotome. Yrome oepekatyry se pyra exĩko mã toto emero.

1 Timoteu 1:10

Imehnõ nohpo poko exiketomo, imehnõ orutua poko exiketõ roropa, imehnõ orutua kõ rokẽ oximaro exiketomo, tynekamorykõme ahno apoinanomo, ajohpãkomo, ajohpe imehnõ hxironanomo, emero Ritonõpo namorepatopõpyry omipona pyra exiketomo. Mokaro popyra exiketomo. Mokaro zupokatohme Moeze nymerohpyry tymeropose Ritonõpo a.

2 Peturu 2:3

Tineru peneryke tyya xine tamoreme xine tõmihpyrykõ ekarõko mã toto. Ajohpe ãmorepatorỹko mã toto. “Iirypyryme mã toto ya,” tykase Ritonõpo pake mokaro poko. Toto enẽko Ritonõpo mana. Tuaro mana. Emero enẽko mana. Naeroro toto aropõko mana etuarimatoh taka.

Apokaripxi 18:14

Ynara ãko mõkomo ekamonanõ eya repe: — Openetatopõpyry tõ tonahse, omõkomory te, otinerũ te, orẽpyra oehtopõpyry roropa, emero tonahse mã jũme. Morohne onenepyra ropa mase jũme, ãko mã toto.

Apokaripxi 18:15

Mõkomo ekamonanõ tytineruke toehse tymõkomory ekamory poko moro pata po. Moino osenuhmãko mã toto, mokaro etuarimatoh kurũke, imaro xine toetuarimary se pyra toexirykõke. Xitãko mã toto, mokaro hnamõko.